Jaceuq 10:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Tsawrcawv-aq, yawqha-euq nuima nuikhanr jav-eu jeq-anr khanqsaer jaev-awr; Yawlof maqbaw-eu tsawrhaq-anr jaceuq-eu uqtaf, Ya’we Miqyaer-anr yaeqbawq-aer aer-eu mae.

Akha

³ Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Jaceuq 10:3 ပူးပေါင်းရင်းမြစ်များ

Jaceuq 35:21

Aqyawfmaf, ngaq-anr muir-eu laer khaqmae ghawqloeni mrnga-awr aer-eu, “Haeqde-eq, haeqde-eq! Nga’maf-euq myavnuiv nae mawrjir-euq ma.”

Jaceuq 49:18

Aqyawf yawdaefdaef ngae, yawqha-euq nuima saflar-anr dawq ngaeqghae naeq-euq mae. (Aqjeq mirnae aernar-aq, nawr daefdzaq nar-aq, aqcawq khawf, nawq-anr jaceuq-eu mae.)

Jaceuq 49:6

Aqyawf maf-aq, yawqha-euq pyurshuir myawqganq-anr ghoe-awr, yawqha smrmuiq zawr-aer muiq-eu gar khanqsaer jaev-eu mae.

Jaceuq 5:6

Ya’we Miqyaer, shiq maef-eu tsawrhaq-anr nuidav dav-awr, Maershuir shuir-eu tsawrhaq-anr byae-eu mae. Nawr, jaqmyawf myawf-eu deuq-anr lavcawv taef-a.

Jaceuq 52:1

Baoq huiq-eu tsawrhaq-or! Nawr aqjeq ghae-eu yawdoer jeq-anr khanqsaer jaev-eu le? Miqyaer-euq yawmuiq-aq, li-eu maqbawni zif-eu mae.

Jaceuq 94:4

Aqyawfmaf dawq ngaeq ngae, janrghae-eu jeq ngaeqdov lef-awr; Yawlaeq yawca kharmr-eu deuq, yawhar yawqha khanqsaer jaev-eu mae.

Dawqdaq 28:4

Zanrdawq-anr byaerdzae-eu tsawrhaq-aq, Tsawrcawv deuq-anr jaceuq-eu mae. Aerkhawf, zanrdawq-anr cantae-eu tsawrhaq-aq, Aqyawf maf-anr lavtsoeq ler-eu mae.

Luˇkaꞈ 12:15

Khoerngae, Yeqsur, aqyawf maf-anr par aernaeq-eu, “Nawmaf maerjuir maqjuirni, yawqhar yawqha yawmuiq-aer yanr-awq. Aqjeq mirnae aernar-aq, pyurshuir myawqganq ghawqmya’ni jav-eu mirnae, tsawrhaq yawdaef daefnya-eu maqngeur-a.”

Luˇkaꞈ 12:19

Khoernar-aq, ngar, ngaq-euq saflar-anr heulof-aer aernaeq ma, “Ngaq-euq nuima-or! Nawr-aq, ghawqmya khof-euq gharduq myawqganq ghawqmya’ni povuiq taq-euq mae. Sarlaevni daef-awr, tiqdaev dzaq, tiqdaev dawrdawr-aer laqkhaq caertavni daef-awq.” ’

Lormav 1:29

Aqyawf maf-euq lafkhoer heudeuq dawqtawvluf anr-eu mae: maqtsaq maqdawr-eu jeq, banq-awr khaqmiq sheu-eu jeq, yawcawv jeq, maerjuir juir-eu jeq, yawdoer jeq mr-eu, myavnav nav-eu, tsawrhaq-anr saef-eu, caemawf-eu, jaqmyawf maershuir shuir-eu, noeqdoer-eu hawr-eu jabu jadoer-eu mae.

Lormav 1:32

Heudeuq kharmr-eu tsawrhaq-aq, shir-eu geux mae laer Miqyaer nae tsaq-awr dawr-eu lafkhoer dartsaev taq-euq khoer-anr aqyawfmaf siqnya luf-eu khawf, aqyawfmaf mrluf-eu uqtaf, aqcawq khawf khoerlof-aer mrni nuima tsaq-eu mae.

1 Gawˇliˬtu 6:10

smrkhoeq khoeq-eu, aqcawq-euq myawq-anr maerjuir juir-eu, jirbaq dawryaef-eu, jabu jadoer-eu hawr-eu, aqcawq-euq myawq-anr khaeqgeuf khavgeuf-eu, heulof-aer ghae-eu tsawrhaq-aq, Miqyaer uvlanr-eu jeq maqza nya-a.

Eˇpeˇsu 5:5

Aqjeq mirnae aernar-aq, banq-awr joe-eu tsawrhaq, maqshawr-eu tsawrhaq, maerjuir juir-eu tsawrhaq hawr-eu, tanqpanq aqma mawrkawr-anr uqduq tanq-eu tsawrhaq-aq, Kali hawr-eu Miqyaer uvlanr-eu lafkhoer jeqbir maq za’nya-a laer nawmaf siqnya-eu mae.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

Yaˬkoˆ 4:13

Narhaq sher-eq! “Iqnan maqngeur nar-aq, nishawq, nga’maf meuq tiqmeuq nav-anr ir-awr, khoergar tiq khof jawr-ir ma. Jeqgafgaf ngae jirjeuq za taef-a” laer nawmaf tiqpavnav deuq aerluf-eu mae.

Yaˬkoˆ 4:16

Aerkhawf, nymq-mr nawmaf nuima huiq-awr, khanqsaer jaevluf-eu mae. Khanqsaer jaev-eu dawqtawvluf yawdoer mae.

1 Yoˇhaˬ 2:15

Mirtsaq-anr hawr-eu mirtsaq-euq khoertav jav-eu jeq-anr taqgaq. Tsawrhaq aqsur ghaq maqkaq mirtsaq-anr gaq nar-aq, aqyawf-euq lafkhoer Aqda Miqyaer-anr gaq-eu jeq maqanr-a.