HeˬByehˇ 7:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf-aq, aqma aqda hawr-eu tsuif maqbaw-a. Aqyawf daefle-euq arnan maqjav-aer, shir-euq arnan khawf maqjav-a. Aqyawf-aq, Miqyaer-euq Zaqyo lof-aer arsaq saq-eu maqbawni Pirma pyeuf-eu mae.

Akha

³ Maˬlaˬkiˇsaˬdehˇ-euˬ aˬ da aˬ ma hawˇ-eu aˬ poeˬ aˬ bawˇ deuˬ gaˇ kawˆ boꞈ taˬ-euˬ tiˬ gaˇ-iˬ maˬ jaˆ-a. Aˬ yawꞈ dehꞈ le-euˬ gaˇ kawˆ hawˇ-eu shiˇ-euˬ gaˇ kawˆ boꞈ taˬ-euˬ kʼawꞈ maˬ jaˆ-a. Aˬ yawꞈ-aˬ, Miˬyehˇ-euˬ Zaˬmaˇ-ahˇ duˇ-awˇ, mˬ maˬ maˬ byaˆ zaˇ ziˇ piˇ ma pyeuꞈ-eu meh.

HeˬByehˇ 7:3 ပူးပေါင်းရင်းမြစ်များ

Maꞈtehˬ 4:3

Khoerngae, murjur jur-eu ghaq oe-awr aqyawf-anr aernaeq-eu, “Nawr, Miqyaer-euq Zaqyo ngeur nar-aq, khaqlo heudeuq-anr kaqmur pyeuflar-awq laer dawq bif-awq lawr.”

HeˬByehˇ 4:14

Aqdui, Pirma yawhuiq ghaq jawr-eu ma. Aqyawf-aq, mqtav mirkhanq-anr cantsaev-euq Miqyaer-euq Zaqyo Yeqsur mae. Aqdui nae aerdov-euq jeq-anr aqdui zifdanni nyaeftaeqtaq kar-eur.

HeˬByehˇ 7:1

Maqlaqkirsaqdaev heughaq-aq, Saqlaeq-euq sanqpaq pyeuf-awr, gor duidui-eu Miqyaer-euq Pirma khawf pyeuf-eu mae. Aqbyaqhaq, sanqpaq deuq-anr deuvsaef ghaq-awr ghoflarluf ngae, Maqlaqkirsaqdaev, aqyawf-anr ha-ir-awr, dawq ngaeqghae naeq-euq mae.

HeˬByehˇ 7:17

Aqjeq mirnae aernar-aq, aqyawf sarkir heulof-aer kamqtaq-euq mae, “Nawr-aq, Maqlaqkirsaqdaev-euq dzoeqdzaq za-awr, mqmaq maqbyav yarzir pirma yageuf taef-a.” (Jc 110:4)

HeˬByehˇ 7:2

Aqbyaqhaq khawf, aqyawf nae khar deuvza-euq lafkhoer nae aqyawf-anr tserbymr tiqbymr bifnaeq-euq mae. Maqlaqkirsaqdaev laer aer-eu tsawrmyanr-euq dawqtsuif-aq, “Tsaq-awr dawr-eu sanqpaq” laer aermawf-awr, Saqlaeq-euq sanqpaq laer aer-eu-aq, “Nuisar bi’of-eu sanqpaq” laer aermawf-eu mae. (Adb 14:17-20)

HeˬByehˇ 7:6

Maqlaqkirsaqdaev-aq, aqyawf maf-euq tsuif-anr maqtaf-eu khawf, Aqbyaqhaq nae bifnaeq-euq tserbymr tiqbymr hageuf-awr, sarjax zataq-euq Aqbyaqhaq-anr dawq ngaeqghae naeq-euq mae.