Gʼaˬkʼehˇ 9:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Sawrluv irdov ghae-awr, Daqmaqsaer-euq dawqpae oekeuv ngae, mq-anr nae yawshaef japyuqni aqyawf-euq tiqjawq byale-euq mae.

Akha

³ Aˬ yawꞈ Daˬmaˬsehˇ meuˬ dawˬ peh le keuˆ ngeh, ja pyuˬ ni mˬ kʼoeˇ taˆ neh aˬ yawꞈ-euˬ tiˬ jawˬ yaw shehꞈ bya le-euˬ meh.

Gʼaˬkʼehˇ 9:3 ပူးပေါင်းရင်းမြစ်များ

Jaceuq 104:2

Miqyaer maeqtsoeq dm-eu lof-aer yawshaef nae tsanrlanr taq-euq mae. Aqyawf nae saqpar gheutaw-eu lof-aer mq-anr gheutaw taq-euq mae.

Gʼaˬkʼehˇ 22:6

“Ngar, Daqmaqsaer-euq meuqdzer irkeuv ngae, nanlov caelar-euq mae. Khoerngae, mq-anr nae zawr khav-eu yawshaef tiqpov taef-aer ngaq-euq tiqjawq byale-euq mae.

Gʼaˬkʼehˇ 9:17

Khoermirnae, Aqnaqnir ir-awr, nymr khoernymr-anr urler-euq mae. Aqyawf, Sawrluv-euq khoertav aqlaf bafdav-awr aer-eu, “Maernmr Sawrluv-or! Nawr garpaer-anr oeluf ngae dovle-euq Sanqpaq Yeqsur khoerghaq, nawr myavnuiv mawrnya lar-awr, Yawshawr Saflar byanlarni, ngaq-anr khaerghae lef-euq mae.”

Gʼaˬkʼehˇ 9:27

Aerkhawf, Baqnaqbar, aqyawf-anr sheuq-awr ghaqkhaer deuq jawr-eu gar dzoer-ir-euq mae. Sawrluv garma garpaer-anr, Sanqpaq Yeqsur-anr aqjox-aer mawr-awr, Sanqpaq Yeqsur, aqyawf-anr dawq aqjox-aer ngaeqcawq le-euq garkawv hawr-eu aqyawf, Daqmaqsaer-anr Yeqsur-euq tsawrmyanr-anr ghoeghoe-aer nuima khaqduqni dawqmaeq aqjox-aer maeq-euq garkawv khawf, aqyawf maf-anr dzawrnaeq-euq mae.

1 Gawˇliˬtu 15:8

Ngar-aq, aryamq tsaq ngae daefle-euq maqngeur-eu khawf, ngaq-anr bi mawrsaqsaq naeqlaf-euq mae.

1 Gawˇliˬtu 9:1

Ngar, ghaqkhaer maqngeur-a lor? Ngar buq-ir-euq tsawrhaq maqngeur-a laq? Ngar, aqdui-euq Sanqpaq Yeqsur Kali-anr ya’mawr-euq maqngeur-a lor? Nawmaf-aq, Sanqpaq Miqyaer-euq lafkhoer ngaq nae mrtaq-euq gar maqngeur le laq?

1 Tiˆmoˇseˬ 6:16

Aqyawf tiq ghaq taef-aer shir-eu maqbaw-aer tiqghaq-iq maq lepae nya-eu yawshaef-euq lafkhoer jawr-eu mae. Tsawrhaq tiqghaq-iq aqyawf-anr maq mawrhaw-aer, mawr khawf maq mawrnya-a. Taqhuiq taqmanr-eu jeq hawr-eu li-eu maqbawni baoq huiq-eu jeq aqyawf-anr of luf-ur. Aqmeq.

Panmaeq 21:23

Meuq heumeuq-euq lafkhoer, nanrma hawr-eu bala-euq yawshaef maqpar mawf-a. Aqjeq mirnae aernar-aq, Miqyaer-euq yawshaef khanqsaer meuq heumeuq-anr tsaeqbya-awr, Yawrzaq-aq, meuq heumeuq-euq tsirkhmq pyeuf-eu mae.

Panmaeq 22:5

Heugar-aq, uqcif cif-ir-eu maqpar baw-aer, aqyawfmaf, tsirkhmq hawr-eu nanrma-euq yawshaef maqpar mawf-eu mae. Aqjeq mirnae aernar-aq, Sanqpaq Miqyaer, aqyawf maf-anr yawshaef tsaeqbya’naeq taef-a. Aqyawfmaf, li-eu maqbawni ya uvlanr taef-a.