Gʼaˬkʼehˇ 9:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Khoerngae yamq-anr khawf, Sawrluv-aq, Sanqpaq Yeqsur-euq zaqlanr deuq-anr saef ma laer guvtsiq nyaefnyaef-aer lmqluf-eu mae. Aqyawf, pirma yawhuiq ghaq jawr-eu gar le-awr,

Akha

¹ Kʼoeˇ ngeh, Sawˇluˆ-aˬ, Sahˬpaˬ Yeˬsuˇ-euˬ mehˬ nah kʼaˇ caw teh-eu tsawˇ haˬ deuˬ-ahˇ sehꞈ ma lehˇ lmˬ lmˬ-ehˇ kʼaˬ-euˬ meh. Piˇ ma Yaw huiˬ gʼaˬ jawˇ gaˇ aˬ yawꞈ le-awˇ,

Gʼaˬkʼehˇ 9:1 ပူးပေါင်းရင်းမြစ်များ

Jaceuq 27:12

Ngaq-anr muir-eu deuq mrmawf-eu lof-aer bimrni, Ngaq-euq mawrdo, aqyawf maf-anr taq a’naeq. Aqjeq mirnae aernar-aq, maqtsaq maqdawr-eu tsawrkaq, ngaq-anr deuqni turlar-awr, Coeqlar civlar paq-aer ghae-eu saf ghawrdovlef luf-eu mae.

Gʼaˬkʼehˇ 7:58

Khoernar-aq, aqyawf-anr meuq-euq lafnyir daeqdov ghae-awr, aqyawf-anr khaqlo nae biq-euq mae. Sarkir pyeuf-eu deuq, aqyawf maf-euq paerkhanq laev-awr, Sawrluv laer kur-eu zaqguq tiq ghaq-euq aqkuir-anr yurtaq yaf-euq mae.

Gʼaˬkʼehˇ 8:3

Aerkhawf, Sawrluv-aq, Kali-euq armur-anr lavcawv luf-eu mae. Aqyawf tiqnymr sair tiqnymr irir-aer, zaqmiq aqbur hawr-eu zaqyo aqli deuq-anr nyaef-awr kuv-anr dawvnaeq-eu mae.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

Gaˬlaˬtiˆ 1:13

Ngar, Yurdav tsawrhaq-euq zanr tawqluf ngae, aqjox-aer daefyaf-awr, Miqyaer-euq Kalizaq armur deuq-anr yawkhav-aer khaeqnaeq-awr, aqjox-aer lavcawv-eu paq nga laer laejae-euq garkawv, nawmaf gaqhaw-euq mae.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.