Gʼaˬkʼehˇ 8:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Aqjeq mirnae aernar-aq, tsawrhaq ghawqmya ghaq-euq lafkhoer ur-eu naef yawjawf deuq, tersar yawkhav-aer gurgur-aer dovle-euq mae. Kuirshir lafshir shir-eu hawr-eu kuircawv ghawqmya ghaq khawf taqler-euq mae.

Akha

⁷ Tsawˇ haˬ gʼawˬ mya gʼaˬ laꞈ kʼoeˇ uˇ-eu nehꞈ yaw jawꞈ deuˬ guˇ guˇ-ehˇ doˆ-iˇ-awˇ, kuiˇ shiˇ laꞈ shiˇ shiˇ-eu tsawˇ haˬ gʼawˬ mya ni taˬ leˇ-euˬ meh.

Gʼaˬkʼehˇ 8:7 ပူးပေါင်းရင်းမြစ်များ

Maꞈtehˬ 10:1

Khoernar-aq, Yeqsur, aqyawf-euq zaqlanr 12 ghaq-anr kurlaf-awr, naef yawjawf deuq-anr taedov nya’ni, nar-awr gawr-eu kharngeur-eu jeq hawr-eu nargawr yawqjeq navluf lavtaq nya’ni, aqyawf maf-anr aryaq bif-euq mae.

Maꞈtehˬ 11:5

Myavbaef mawrnyalar, kuircawv cannyalar, coiqdoi nar-eu tsawrhaq shawrlar, naqbawq deuq gaqnyalar, shir-euq tsawrhaq ghofdaef lar-awr, irshaqzaq deuq guiqlanqdawq yagaq-euq mae.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Maˬkuˆ 9:26

Khoerngae, naef khoermawr tersar gurkhav lef-awr, aqli khoerghaq-anr yawkhav-aer bi teuvlar-awr nae dovle-euq mae. Aqli khoerghaq shirtaq-euq lof-aer dur-eu mirnae, tsawrhaq ghawqmya ghaq aer-eu, “Aqyawf shir-euq ngar-a.”

Luˇkaꞈ 10:17

Khoerngae, zaqlanr 70 ghaq laqkhaq caertavni ghoflar-awr aer-eu, “Sanqpaq-or! Nga’maf, nawq-euq tsawrmyanr-anr ghoe ngae, naefdeuq khawf nga’maf-euq aerdawq narhaq-eu mae.”

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Gʼaˬkʼehˇ 5:16

Yeqlursaqlaeq-euq jawqlaw jawrlawr jav-eu meuq-anr jawr-eu tsawrhaq armaf deuq, nar-awr gawr-eu tsawrhaq deuq hawr-eu, naef yawjawf nae bikhaeq bikhav-euq tsawrhaq deuq sheuqlaf-euq mae. Aqyawfmaf dawqtawvluf taqler jir-euq mae.

Gʼaˬkʼehˇ 8:6

Tsawrhaq khoerdeuq, Pirlirpuv dawqmaeq maeq-eu gar yagaq-awr, khavjeq-aer ghae-eu jeq janr-eu gar ya’mawr-euq mirnae, nuima tiqsiq taef-aer taq-awr, aqyawf maeq-eu dawq-anr yawmuiq-aer narhaq-euq mae.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.