Gʼaˬkʼehˇ 6:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoerngae, Buq-ir-euq tsawrhaq-euq zanrdawq khawqnymr laer kur-eu armur-anr taf-eu Kurleqniq meuq, Aqleqsaqdur meuq, Girlirciv hawr-eu Aqsir mircoer-anr nae lar-euq tsawrhaq tiqpavnav deuq turlar-awr, Saqteqpaq naeq-aer tsawrpyaer pyaercae cae-euq mae.

Akha

⁹ Kuˇleˬniˬ meuˬ hawˇ-eu Aˬleˬsaˬduˇ meuˬ-ahˇ jawˇ-eu Yuˇdaˆ tsawˇ haˬ deuˬ ahˇ leˇ taˬ-euˬ, Buˬ-iˇ-euˬ tsawˇ haˬ deuˬ -euˬ uˬ duˬ tahˬ nymˇ lehˇ ehˇ-eu aˇ muˇ kʼoeˇ muˇ-ahˇ taꞈ-eu tsawˇ haˬ deuˬ hawˇ-eu, Giˇliˇciˆ miˇ kʼahˬ hawˇ-eu Aˬshaˆ miˇ kʼahˬ-ahˇ jawˇ-eu Yuˇdaˆ tsawˇ haˬ tiˬ paˆ na deuˬ tuˇ laˇ-awˇ, Saˬteˬpaˬ-ahˇ tsawˇ pyehˇ pyehˇ-euˬ meh.

Gʼaˬkʼehˇ 6:9 ပူးပေါင်းရင်းမြစ်များ

Maꞈtehˬ 10:17

Nawmaf, tsawrhaq khoerdeuq-anr yanr-awq. Aqjeq mirnae aernar-aq, aqyawfmaf, nawmaf-anr khavma armur-anr a’naeq taef-a. Zanrdawq khawqnymr-euq lafkhoer nawmaf-anr juiflar taef-a.

Maꞈtehˬ 23:34

Khoermirnae, Miqyaer gharduq ngaeqdan-eu tsawrhaq deuq, siqzaq ganryo deuq hawr-eu zanr maeq-eu deuq-anr, ngar, nawmaf jawr-eu gar bi’oe ma. Nawmaf tiqpavnav deuq-anr saef-awr, lafyaq-euq khoertav taftaeq taef-a. Tiqpavnav deuq-anr zanrdawq khawqnymr-euq lafkhoer juif-awr, tiqmeuq sair tiqmeuq doeni, nawmaf ir-awr, aqyawf maf-anr khaeqnaeq khavnaeq taef-a.

Maꞈtehˬ 27:32

Aqyawfmaf dov-ir luf ngae, Kurleqniq-anr jawr-eu Sirmoq laer kur-eu tiq ghaq-anr mawr-awr, aqyawf-anr katir-awr nae, Yeqsur-euq lafyaq bibaf-euq mae.

Maˬkuˆ 13:9

“Nawmaf yawqhar yawqha yawmuiq-aer yanr-awq. Aqjeq mirnae aernar-aq, aqcawq, nawmaf-anr khavma armur-anr a’naeq taef-a. Nawmaf, zanrdawq khawqnymr-euq lafkhoer yabi diq taef-a. Nawmaf, ngaq-euq baqda’nae, mirkhanq-anr uvlanr-eu deuq hawr-eu sanqpaq deuq-euq maeqshi yawf-awr, aqyawf maf-anr sarkir yakamq taef-a.

Luˇkaꞈ 21:12

“Aerkhawf, heudeuq dawqtawvluf maq pyeuflar-euq minav-aer, aqcawq, nawmaf-anr nyaef-awr, khaeqlar khavlar taef-a. Aqcawq, nawmaf-anr zanrdawq khawqnymr-anr a’naeq-awr, kuv-anr khawf nyaefur naeqlaf taef-a. Ngaq-euq tsawrmyanr baqda’nae, nawmaf-anr sanqpaq deuq hawr-eu uvlanr-eu deuq-euq maeqshi sheuqghae naeqlaf taef-a.

Gʼaˬkʼehˇ 11:20

Aerkhawf, Gurbaqlur irjawlanr hawr-eu Kurleqniq mirkhanq-anr jawr-eu tiqpavnav deuq-aq, aqyawfmaf, Aqdirawq-anr larkeuv ngae, Heqlaqsar tsawrhaq-anr khawf ngaeqcawq-awr, Sanqpaq Yeqsur-euq garkawv dawqmaeq maeqnaeq-euq mae.

Gʼaˬkʼehˇ 13:1

Aqdirawq Kalizaq armur-euq lafkhoer, Miqyaer gharduq ngaeqdan-eu deuq hawr-eu maeqnaeq tsovnaeq-eu deuq jawr-eu mae. Tsawrhaq khoerdeuq-aq, Baqnaqbar, Nirgaq laer kur-euq Surmoq, Kurleqniq mirkhanq-anr jawr-eu Lurgir, mirkhanq-anr uvlanr-eu Heqlor naeq-aer tiqkawv lof-aer huiqlar-euq Maqneq hawr-eu Sawrluv, heudeuq mae.

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Gʼaˬkʼehˇ 15:41

Aqyawf, Surliv hawr-eu Girlirciv doedoe-aer, Kalizaq armur deuq-anr ghaq bifbif-aer can-euq mae.

Gʼaˬkʼehˇ 16:6

Khoerngae, Aqsir mircoer-anr Yaerdawq maqbi maeqni Yawshawr Saflar lavtsoeq-eu mirnae, aqyawfmaf, Puqgir hawr-eu Gaqlaqtiv mirkhanq irpav ghae-euq mae.

Gʼaˬkʼehˇ 18:24

Khoerngae, Aqleqsaqdur meuq-anr daefle-euq Aqpawrluv laer kur-eu Yurdav tsawrhaq tiq ghaq, Erpersu-anr oekeuv-euq mae. Aqyawf-aq, dawq zawr ngaeqnya-awr, Yaerbof siqnya duidui-eu mae.

Gʼaˬkʼehˇ 19:10

Aqyawf nyiq khof byanni khoerlof-aer janr-euq mirnae, Aqsir mircoer-anr kharjawr-eu tsawrhaq dawqtawvluf Yurdav tsawrhaq deuq khawf, Heqlaqsar tsawrhaq deuq khawf, Sanqpaq Yeqsur-euq dawq yagaq-euq mae.

Gʼaˬkʼehˇ 19:26

Aerkhawf, tsawrhaq-euq aqlaf nae taev-euq miqyaer deuq-aq, miqyaer maqngeur-a laer Pawrluv heughaq aeraer-aer, Erpersu-anr taef-aer maqngeur-eu, Aqsir mircoer yawqgar navluf aerghaqni, aqyawf, tsawrhaq ghawqmya ni-anr gheupyawr-awr nuima lavpar luf-eu gar nawmaf yagaq ya’mawr-euq mae.

Gʼaˬkʼehˇ 21:27

Khoer shif nan jirlerluf ngae, Aqsir mircoer-anr nae lartaq-euq Yurdav tsawrhaq deuq, Pawrluv-anr uqduq tanqnymr nymrma-euq lafkhoer jawrluf-eu gar ya’mawr ngae, aqyawfmaf, tsawrhaq armaf dawqtawv luf-anr lavluiq-awr, Pawrluv-anr nyaef-awr,

Gʼaˬkʼehˇ 21:39

Khoerngae, Pawrluv aer-eu, “Ngar-aq, Girlirciv mirkhanq-anr jav-eu Daqsuv-anr jawr-eu Yurdav tsawrhaq ma. Tsawrmyanr maqjav-eu meuq meuqzaq-anr daefle-euq tsawrhaq maqngeur. Tsawrhaq heudeuq-anr dawq tiq pov bi ngaeqcawq naeqlaf-awq laer ngar, nawq-anr shar ma.”

Gʼaˬkʼehˇ 22:19

Khoerngae, ngar heulof-aer aer-euq ma: ‘Sanqpaq-or! Ngar, nawq-anr jan-eu tsawrhaq-anr kuv-euq lafkhoer nyaefur-awr, zanrdawq khawqnymr yawqnymr navluf-euq lafkhoer aqyawf maf-anr diq-euq garkawv, aqyawfmaf siqnya-eu mae.

Gʼaˬkʼehˇ 22:3

“Ngar-aq, Girlirciv mirkhanq, Daqsuv-anr daefle-euq Yurdav tsawrhaq ma. Aerkhawf, meuq heumeuq-anr huiqlar-awr, Gaqmaqleqlar-euq aqkuir-euq dawqpae nuir-awr dzaw ngae, aqdui-euq aqpoeq deuq-euq zanrdawq dufyawrni yawmuiq-aer maeqnaeq laf-euq mae. Iqnan, nawmaf dawqtawvluf Miqyaer-euq gharduq nuima keuv duidui-eu lof-aer ngar khawf keuv-euq ma.

Gʼaˬkʼehˇ 23:34

Meuqsanr Peqlir sanqbof khoertaf guighaq-awr Pawrluv-anr aqgeu khanq-anr jawr-eu tsawrhaq le laer narhaq-euq mae. Khoernar-aq, Pawrluv-aq, Girlirciv mirkhanq-anr jawr-eu tsawrhaq nga laer yasiq ngae,

Gʼaˬkʼehˇ 24:18

Ngar, tsawrhaq armaf mafma hawr-eu luiqgha lar-euq deuq naeq-aer jawr-eu maqngeur-aer, ngar, uqduq tanqnymr nymrma-euq lafkhoer mawrdo shawr-eu zanr janrluf-eu gar, Aqsir mircoer-anr nae oe-euq Yurdav tsawrhaq heumyav ghaq, ngaq-anr mawr-euq mae.

Gʼaˬkʼehˇ 26:11

Khoeruqtaf, zanrdawq khawqnymr yawqgar navluf-euq lafkhoer, ngar, aqyawf maf-anr ghawqmya pov khaeq-awr, aqyawfmaf yaeqbawq saerlu-aer aerni ngar laejae-euq ma. Ngar, aqyawf maf-anr nuima paer duidui-eu mirnae, aqcawq-euq mirkhanq-anr jav-eu meuqdeuq-anr keuvni, aqyawf maf-anr khaeq-awr khavnaeq-euq ma.”

Gʼaˬkʼehˇ 6:10

Aerkhawf, Saqteqpaq-aq, zaqsiq tsawrganr hawr-eu muiq-eu Saflar-anr ghoeghoe-aer ngaeq-eu mirnae, aqyawfmaf maq pyaerghaq nya-a.

1 Gawˇliˬtu 1:20

Tsawrganr anr-eu tsawrhaq aqgeugar jawr-eu la? Zanr maeq-eu tsawrhaq aqgeugar jawr-eu la? Heuzir-euq lafkhoer ghawqmya jeq siqnya-awr pyaermawf-eu tsawrhaq aqgeugar jawr-eu la? Miqyaer, mirtsaq-euq zaqsiq tsawrganr-anr, gardanr maqtsoeq-eu jeq bipyeuf-ir-euq maqngeur-a lor?

Gaˬlaˬtiˆ 1:21

Khoernar-aq, ngar, Surliv mirkhanq hawr-eu Girlirciv mirkhanq-anr ir-euq ma.