Gʼaˬkʼehˇ 4:34 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aqyawf maf-euq lafkhoer nym-eu tsawrhaq tiqghaq-iq maqjawr-a. Aqjeq mirnae aernar-aq, yawqghaq navluf kharjav-eu jeq anq-awr, mirtsaq hawr-eu nymr khawf anq-awr, anqza-euq pyur khoer yurlaf-awr,

Akha

³⁴ Aˬ yawꞈ maꞈ aˇ muˇ laꞈ kʼoeˇ shaˬ-eu zahˬ-eu tsawˇ haˬ maˬ jawˇ-a. Aˬ jeˬ miˇ neh ehˇ naˇ, deh ma hawˇ-eu nymˇ kʼaˇ jaˆ-eu tsawˇ haˬ deuˬ ahˬ-awˇ, za-euˬ pyuˇ hehˇ uiˬ laꞈ-euˬ meh.

Gʼaˬkʼehˇ 4:34 ပူးပေါင်းရင်းမြစ်များ

Maꞈtehˬ 19:21

Yeqsur, aqyawf-anr aernaeq-eu, “Nawr byan-eu tsawrhaq pyeufmawf nar-aq, ghof-ir-awr, nawr kharjav-eu jeq dawqtawvluf anqdzae-awr nae, shaq-awr zanq-eu deuq-anr birnaeq-ir-awq. Khoerlof-aer janr nar-aq, mq-euq khoertav pyurshuir myawqganq javlar taef-a. Khoernar-aq, ngaq-euq maeqnan cantae lar-awq.”

Maˬkuˆ 10:21

Khoerngae, Yeqsur, aqyawf-anr haw-awr, aqyawf-anr gaq-eu lafkhoer aernaeq-eu, “Nawr tiqjeq maqjir nga siq. Nawr kharjav-eu jeq dawqtawvluf anqdzae-awr, irshaqzaq-anr birnaeq-awq, mq-euq khoertav nawq-euq pyurshuir myawqganq javlar taef-a. Khoernar-aq, lafyaq baf-awr ngaq-euq maeqnan cantae lar-awq.”

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

Luˇkaꞈ 16:9

“Ngar, nawmaf-anr aernaeq nyar, maqtsaq maqdawr-eu pyurshuir myawqganq zmq-awr aqcawq naeq-aer cawq cawq-awq. Nawmaf-euq pyurshuir myawqganq deuq byovjir ngae, aqyawfmaf, nawmaf-anr mqmaq maqbyav yarzir daef-eu jawrduq-anr hageuf naeqlaf taef-a.

Luˇkaꞈ 22:35

Yeqsur, aqyawf maf-anr aernaeq-eu, “Ngar, nawmaf-anr pyur pawqbaev, paertanr hawr-eu saeqnawv maqyurni ir-awq laer khaerghae ngae, nawmaf-anr tiqjeqpaq mawflar-euq la laq?” Aqyawfmaf aer-eu, “Tiqjeq-iq maq mawflar-aq.”

Gʼaˬkʼehˇ 2:45

Aqyawfmaf, mirtsaq hawr-eu myawqganq anq-awr, kharmawf-eu ghaq-anr mawf-eu lof-aer daeqbir naeq-euq mae.

Gʼaˬkʼehˇ 4:37

Aqyawf khawf mirtsaq jav-eu mae. Mirtsaq khoer anq-awr za-euq pyur khoer, ghaqkhaer deuq-euq aqkuir-anr yurtaq lar-euq mae.

2 Gawˇliˬtu 8:14

Tiqkawv lof-aer dini mr-eu ma. Nymq-mr nawmaf ghawqmya’ni jav ngae, aqyawfmaf nym-eu gar nawmaf cawba naeqluf-eu mae. Aqkar nawmaf nym-awr, aqyawfmaf ghawqmya’ni jav ngae, nawmaf-anr cawba-awr, tiqkawv lof-aer dilar taef-a.

1 Teˇsaˬloˇni 4:12

Khoerlof-aer daef nar-aq, Kalizaq armur-euq lafnyir paw jawr-eu tsawrhaq deuq, nawmaf-anr yawzeu baw-awr, yawqha khawf tiqjeq-iq maqnymni daefnya taef-a.

1 Tiˆmoˇseˬ 6:19

Heulof-aer janr-eu-aq, aqyawfmaf mqmaq maqbyav yarzir daef-eu jeq-anr nyaefza’ni, aqkar karzir-euq gharduq muiq-eu dawqpaeq pyeuf-eu, pyurshuir myawqganq povuiq taq-eu jeq pyeuf-eu mae.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.