Gʼaˬkʼehˇ 4:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawfnyaf, tsawrhaq khoerdeuq-anr maeqnaeq tsovnaeq luf-awr, Yeqsur-euq garkawv-anr ghoe-awr, shir-euq tsawrhaq ghofdaef lar-eu garkawv maeqnaeq luf-eu mirnae, nuima paer duidui-eu mae.

Akha

² Aˬ yawꞈ nyaꞈ Yeˬsuˇ shiˇ-awˇ Miˬyehˇ neh paˇ bi gʼoꞈ dehꞈ laˇ-euˬ gaˇ kawˆ mehˬ-awˇ, shiˇ-euˬ tsawˇ haˬ deuˬ-ahˇ paˇ bi gʼoꞈ dehꞈ laˇ nya meh lehˇ ehˇ mawꞈ-eu miˇ neh, aˬ yawꞈ maꞈ nui ma tiˬ pawꞈ-iˬ maˬ tsaˬ-a.

Gʼaˬkʼehˇ 4:2 ပူးပေါင်းရင်းမြစ်များ

Gʼaˬkʼehˇ 13:45

Aerkhawf, Yurdav tsawrhaq deuq, tsawrhaq armaf-anr ya’mawr ngae, myavnavnav duidui-eu lafkhoer Pawrluv ngaeq-eu gar lavtsoeq-awr, pyaerpyaer-aer yaeqbawq saerlu-aer aernaeq-eu mae.

Gʼaˬkʼehˇ 17:18

Khoerngae, Erpirgurlu armaf hawr-eu Saqtovif armaf-euq tsawrganr siqzaq deuq khawf, Pawrluv naeq-aer jasawx-euq mae. Khoerngae, tiqpavnav deuq aer-eu, “Heugar maqloev maqlawv-aer tortor-aer can-eu heughaq aqjeq aermawf-eu nga?” Pawrluv, Yeqsur-euq garkawv hawr-eu ghofdaef lar-euq garkawv maeq-eu mirnae, tiqpavnav deuq aer-eu, “Aqyawf-aq, yawqkhanq yawqmir yawq-euq miqyaer deuq-euq garkawv maeq-eu lof-aer dur nga.”

Gʼaˬkʼehˇ 19:23

Khoerngae yamq-anr, Yeqsur-euq Garma-euq baqda’nae yawkhav-aer luiqgha lar-euq mae.

Gʼaˬkʼehˇ 24:21

Parjav-eu law-awr khawf, ngar, aqyawf maf-euq maeqshi yawf-awr, tersar yawkhav-aer heulof-aer aer-euq taef ma, ‘Shir-euq tsawrhaq ghofdaeflar taef-a laer ngar jan-eu mirnae, iqnan ngar, nawmaf-euq maeqshi yarkhaq dar-eu gar ya daqluf-eu ma.’ ”

Gʼaˬkʼehˇ 26:23

Kali-aq, yashaq yazanq-awr, shir-euq gar nae ghofdaef baebae lar-euq ghaq pyeuf-awr, Yurdav tsawrhaq hawr-eu aqcawq tsawrjeuq tsawrca-anr yawshaef-euq garkawv dzawrnaeq taef-a.”

Gʼaˬkʼehˇ 26:8

Miqyaer-aq, shir-euq tsawrhaq-anr bi ghofdaeflar nya-eu mae laer aer-eu gar, jancoer paq-aer maqghae-a laer nawmaf noeq-eu nya laq?”

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

Gʼaˬkʼehˇ 5:17

Khoerngae, pirma yawhuiq ghaq hawr-eu aqyawf naeq-aer kharjawr-eu Saqduqgaer armur-anr gawf-eu tsawrhaq deuq myavnavnav duidui-eu mirnae tsawqtur lar-euq mae.

Lormav 8:11

Khoeruqtaf, Yeqsur-anr shir-euq gar nae bi ghofdaef lar-euq ghaq-euq Saflar, nawmaf-euq lafkhoer jawr nar-aq, Yeqsur Kali-anr shir-euq gar nae bi ghofdaef lar-euq ghaq, nawmaf-euq lafkhoer jawr-eu aqyawf-euq Saflar-anr ghoe-awr, nawmaf-euq shirnya-eu mawrdo-anr khawf bi ghofdaeflar taef-a.

1 Gawˇliˬtu 15:23

Aerkhawf, tsawrhaq yawqghaq navluf yawqha-euq aryamq tsaq ngae ghofdaeflar taef-a. Siqbae baele-euq arsiq-aq Kali mae. Aqkar aqyawf zafkale ngae, aqyawf-euq tsawrhaq deuq ghofdaeflar taef-a.