Gʼaˬkʼehˇ 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Aqyawfnyaf, tsawrhaq khoerdeuq-anr ngaeqnaeqluf ngae, pirma deuq, uqduq tanqnymr nymrma-anr lofpir-eu aqyuif ghaq hawr-eu Saqduqgaer deuq, aqyawfmaf jawr-eu gar oekeuv-euq mae.

Akha

¹ Beˬtuˆluˆ hawˇ-eu Yoˇhaˬ aˬ nyaꞈ tsawˇ haˬ kʼoeˇ deuˬ-ahˇ dawˬ ngehˬ ngehˬ luꞈ ngeh, piˇ ma deuˬ, Uˬduˬ tahˬ nymˇ nymˇ ma-ahˇ loꞈ piˇ-eu deuˬ kʼoeˇ taˆ uˆ lahˇ-eu yawˬ huiˬ yaw mahˇ deuˬ hawˇ-eu, Saˬduˬgehˇ deuˬ laˇ keuˆ-euˬ meh.

Gʼaˬkʼehˇ 4:1 ပူးပေါင်းရင်းမြစ်များ

Maꞈtehˬ 16:12

Zaqlanr deuq khoerngae hawr-eu, kaqmur janr-eu gar dawv-eu daeqtseq-anr yanr-awq laer Yeqsur aermawf-eu maqngeur-aer, Paqliqsaer deuq hawr-eu Saqduqgaer deuq-euq dawqmaeq dawqtsov-anr yanr-awq laer aermawf-eu law hawrngaq laer ghovshawnya lar-euq mae.

Maꞈtehˬ 22:16

Khoernar-aq, aqyawf maf-euq zaqlanr hawr-eu Heqlor-euq armur-anr ur-eu tsawrhaq deuq-anr, Yeqsur jawr-eu gar khaerghae-awr heulof-aer bi narhaq-euq mae, “Saqlaq-or! Nawr-aq, tsaq-awr dawr-eu tiq ghaq pyeuf-awr, yawtsaq yawdawr dawr-aer Miqyaer-euq garma maeq-eu mae. Aqcawq noeqdoer lar-eu gar khanq maqlanr-aer, myavpyawq huiqnyir khawf maqtser-a laer nga’maf siqnya ma.

Maꞈtehˬ 27:20

Baqlaqbar-anr pyaeq-awr Yeqsur-anr saef-awq laer aer de-eq laer pirma aqyuif deuq hawr-eu aqyuif aqtsu deuq, tsawrhaq armaf mafma-anr cawqtawv-euq mae.

Maꞈtehˬ 27:41

Pirma aqyuif deuq, zanr maeq-eu deuq hawr-eu aqyuif aqtsu deuq khawf, aqyawf-anr khoerlof-aer aqjaf jafjaf-aer aer-eu,

Maꞈtehˬ 3:7

Paqliqsaer deuq hawr-eu Saqduqgaer deuq ghawqmya’ni, aqyawf-euq bartirsaq hageuf le-eu gar ya’mawr ngae, aqyawf maf-anr heulof-aer aernaeq-euq mae, “Dof khav-eu arlawr-euq zaqdeuq-or! Aqkar keuvle-eu nuima paer-eu jeq-anr caevbuq nya’ni, aqsur ghaq nae nawmaf-anr aernaeq laf-euq la?

Luˇkaꞈ 20:1

Tiqnan-aq, Yeqsur, uqduq tanqnymr nymrma-euq lafkhoer tsawrhaq ghawqmya ni-anr maeqnaeq tsovnaeq-awr, guiqlanqdawq maeqnaeq luf-eu mae. Khoerngae, pirma aqyuif deuq, zanr maeq-eu deuq hawr-eu aqyuif aqtsu deuq naeq-aer tiqkawv lof-aer lar-awr, Yeqsur-anr narhaq-eu,

Luˇkaꞈ 22:4

Aqyawf, pirma aqyuif deuq hawr-eu uqduq tanqnymr nymrma-anr lofpir-eu aqyuif deuq jawr-eu gar le-awr, aqyawf maf-anr Yeqsur aqjox-aer anqdzaq-eu paq nga laer bawqdzaq ler-euq mae.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Yoˇhaˬ 18:3

Yurdav-aq, pirma aqyuif deuq hawr-eu Paqliqsaer deuq nae khaerghae lef-euq lofpir-eu kuirlaf hawr-eu guirzaq tiq maf sheuq-awr oe-euq mae. Aqyawfmaf tsirkhmq dof-awr, miqdof keuq-awr, guirdeuv keuka khawf yur-awr, yarkmr-anr oekeuv taq-euq mae.

Gʼaˬkʼehˇ 4:6

Aqna pirma yawhuiq ghaq hawr-eu Gaqyaqpar, Yorhaq, Aqleqsaqdur hawr-eu pirma yawhuiq ghaq-euq aqyuif aqnyir dawqtawvluf khawf, Yeqlursaqlaeq-anr tiqkawv lof-aer uiqlar taq-euq mae.

Gʼaˬkʼehˇ 5:17

Khoerngae, pirma yawhuiq ghaq hawr-eu aqyawf naeq-aer kharjawr-eu Saqduqgaer armur-anr gawf-eu tsawrhaq deuq myavnavnav duidui-eu mirnae tsawqtur lar-euq mae.

Gʼaˬkʼehˇ 5:24

Khoerngae, pirma yawhuiq ghaq, uqduq tanqnymr nymrma-anr haw-eu aqyuif ghaq hawr-eu, pirma aqyuif deuq, dzawrlar-euq dawq khoer-anr yagaq ngae, garkawv heu aqjox-aer pyeuflar-eu laer ghae-eu nga laer noeq maqdov-a.

Gʼaˬkʼehˇ 5:26

Khoermirnae, uqduq tanqnymr nymrma-anr haw-eu aqyuif ghaq, lofpir-eu kuirlaf sheuq-awr, ghaqkhaer deuq-anr maq lavnarni sheuqlaq-ir-euq mae. Aqjeq mirnae aernar-aq, tsawrhaq armaf deuq, aqyawf maf-anr khaqlo biqlar-eu gar guv-eu mae.

Gʼaˬkʼehˇ 6:12

Khoernar-aq, aqyawfmaf nae mirkhanqzaq, aqyuif aqtsu deuq hawr-eu, zanr maeq-eu deuq-anr lavteuv-euq mae. Khoermirnae, aqyawfmaf, Saqteqpaq jawr-eu gar oe-awr, aqyawf-anr nyaef-awr nae, aqyawf-anr khavma armur jawr-eu gar sheuqghae-euq mae.

Gʼaˬkʼehˇ 6:7

Khoernar-aq, Miqyaer-euq dawq gaqdoe-ir-awr, Yeqlursaqlaeq-euq lafkhoer zaqlanr zawr myaqlar-awr, pirma ghawqmya’ni khawf Kali-anr janlar-euq mae.