Gʼaˬkʼehˇ 3:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Nawmaf mawr-awr siqnya-eu tsawrhaq heughaq, ghaq anrlar-euq-aq, aqyawf, Yeqsur-euq tsawrmyanr-anr jan-eu mirnae, Yeqsur-euq tsawrmyanr baqda’nae, aqyawf-anr ghaq anrlar-euq mae. Aqyawf-anr nae dovle-euq Yeqsur-anr jan-eu jeq-euq baqda’nae, aqyawf, nawmaf dawqtawv luf-euq maeqshi tiqbyan tiqlof muiqlar jir-euq mae.

Akha

¹⁶ Kuiˇ cawˆ heu gʼaˬ aˬ yawꞈ tsawˇ myahˇ-euˬ baoˬ baˬ da neh gʼaˬ paˇ ahˇ laˇ-euˬ meh. Naw maꞈ ya siˬ ya mawˇ-euˬ gaˇ kawˆ heu-aˬ, aˬ yawꞈ-euˬ tsawˇ myahˇ-ahˇ jah-eu jeˬ baˬ da neh pyeuꞈ laˇ-euˬ meh. Naw maꞈ mawˇ luꞈ-eu loꞈ-ehˇ, tsawˇ haˬ heu gʼaˬ muiˬ laˇ-euˬ-aˬ, Yeˬsuˇ-ahˇ jah-eu jeˬ baˬ da neh meh.

Gʼaˬkʼehˇ 3:16 ပူးပေါင်းရင်းမြစ်များ

Gʼaˬkʼehˇ 14:9

Aqyawf, Pawrluv ngaeq-eu gar narhaq luf-eu mae. Pawrluv, aqyawf-anr hawtsov taq-awr, aqyawf taqlerni jan-eu nuima anr-eu nga laer hawsiq ngae,

Gʼaˬkʼehˇ 4:10

nawmaf dawqtawvluf hawr-eu Irsaqleqlav tsawrhaq dawqtawvluf heu-anr siqnya-awq. Nawmaf-euq maeqshi yawfluf-eu heughaq taqler-euq-aq, nawmaf nae tafsaef-awr, Miqyaer nae aqyawf-anr shir-euq gar nae bi ghofdaef lar-euq Naqzaqlaer tsawrhaq Yeqsur Kali-euq tsawrmyanr baqda’nae mae.

Gʼaˬkʼehˇ 3:6

Khoerngae, Beqtuvluv aer-eu, “Ngar, pyur hawr-eu shuir maqanr. Aerkhawf, ngar anr-eu jeq nawq-anr bif ma. Naqzaqlaer tsawrhaq Yeqsur Kali-euq tsawrmyanr-euq uqmov turlar-awr can-awq.”

Gʼaˬkʼehˇ 16:18

Aqyawf khoerlof-aer ghawqmya nan janrkeuv laf-euq mirnae, Pawrluv daevlar taq-awr, narkhan paw ciqpyawr-awr naef khoermawr-anr aernaeq-eu, “Yeqsur Kali-euq tsawrmyanr-euq uqmov, ngar, nawq-anr dawq bif-eu ma. Aqyawf-anr nae dovle-awq.” Khoerngae, tiqpov taef-aer naef khoermawr dovle-euq mae.

Maꞈtehˬ 9:22

Khoerngae, Yeqsur nanrghof ghofhaw-awr, zaqmiq aqbur khoerghaq-anr hawmawr-awr aernaeq-eu, “Zaqmiq-or! Laqkhaq caer-awq. Nawq-euq jan-eu jeq nae, nawq-anr bi taqler-euq mae.” Khoerngae yamq-anr nae, zaqmiq aqbur khoerghaq taqler-euq mae.

1 Gawˇliˬtu 13:2

Ngar, Miqyaer gharduq ngaeqdan-eu lafsawq za-awr, Miqyaer nae zaftaq-euq dawqtawvluf ghovshaw nya-eu uqtaf, yawqjeq navluf-anr siqnya-eu tsawrganr anr-awr, gawqjawq-anr bijiv-ir nya’ni jan-eu nuima tiqbyan anr-eu khawf, gaq-eu jeq maqanr nar-aq, ngar-aq, tiqjeq-iq gardanr maqtsoeq-a.

Yoˇhaˬ 14:12

“Ngar, nawmaf-anr aqdirma-aer aernaeq nyar, ngaq-anr jan-eu tsawrhaq-aq, ngaq nae mr-euq gardeuq mr taef-a. Ngar, ngaqDa jawr-eu gar ghofler-eu mirnae, aqyawf heunav maqtser huiq-eu gardeuq mr taef-a.

Gʼaˬkʼehˇ 4:7

Ghaqkhaer khoer nyiq ghaq-anr ghanrcae bijawr-awr, aqyawfmaf narhaq-eu, “Nawnyaf aqgeu jeq-euq baoq zmq-awr, aqsur ghaq-euq tsawrmyanr-anr ghoe-awr teulof-aer mrluf-eu le?”

Gʼaˬkʼehˇ 3:8

Khoermirnae, aqyawf tsawqdir laf-awr gawqyawf yawf-eu uqtaf, garma khawf can-eu mae. Khoernar-aq, aqyawf canlaw can, tsawqlaw tsawqtsawq-aer Miqyaer-anr jaceuq-eu lafkhoer, aqyawfnyaf naeq-aer uqduq tanqnymr nymrma-euq lafkhoer urler-euq mae.

Gʼaˬkʼehˇ 4:30

Nawq-euq aqlaf cawqja lef-awr nargawr lavtaq naeq-eu uqtaf, nawq-euq shawr-eu ghaqzaq ghaqkhaer Yeqsur-euq tsawrmyanr-anr ghoe-awr, bisiq bimawr-eu jeq hawr-eu zanqler paq-aer ghae-eu jeq mr-awq.”

Yoˇhaˬ 7:23

Landaw jawrnan ngae nan, tsawrhaq tiq ghaq bawkhov maeqdzaq yaeq-eu khoer, Morseq-euq zanrdawq-anr maqbanqni mrkhmq-eu ngeur nar-aq, landaw jawrnan ngae nan, ngar, tsawrhaq tiq ghaq-euq mawrdo dolan-aer bi taqler jir-euq gar, nawmaf, ngaq-anr nuima paer-eu le lor?

Lormav 3:22

Yeqsur Kali-anr kharjan-eu tsawrhaq dawqtawvluf, aqyawfmaf jan-eu lafkhoer, Miqyaer-euq tsaq-awr dawr-eu jeq-anr za-euq mirnae, beugar-eu tiqjeq-iq maqjav-a.

Maꞈtehˬ 14:29

Khoerngae, Yeqsur aer-eu, “Oe-awq.” Khoermirnae, Beqtuvluv, lawq-anr nae dov-ir-awr, ircuf-euq khoertav cancan-aer Yeqsur jawr-eu gar ir-euq mae.