Gʼaˬkʼehˇ 3:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Beqtuvluv khoer-anr ya’mawr ngae, tsawrhaq khoerdeuq-anr heulof-aer aernaeq-euq mae: “Irsaqleqlav tsawrhaq deuq-or! Nawmaf aqjeq mirnae garkawv heu-anr zanqler-eu nya? Nga’maf-anr aqjeq mirnae hawtsov taq-euq le? Nga’nyaf-euq baoq hawr-eu nga’nyaf, Miqyaer-anr yawzeu baw-eu baqda’nae heughaq-anr garma bi cannya lar-euq nga laer nawmaf noeq-eu le lor?

Akha

¹² Cehˆ gʼeh laꞈ-euˬ tsawˇ haˬ kʼoeˇ deuˬ-ahˇ Beˬtuˆluˆ mawˇ ngeh, heu loꞈ-ehˇ ehˇ nehˬ-euˬ meh. “Aˬ yuiꞈ aˬ nyiˇ Iˇsaˬleˬlaˆ tsawˇ haˬ deuˬ-oˇ, aˬ jeˬ miˇ neh gaˇ kawˆ heu-ahˇ zahˬ leˇ-awˇ nga nyaꞈ-ahˇ haw te. Nga nyaꞈ-euˬ baoˬ hawˇ-eu nga nyaꞈ muiˬ-eu shawˇ-eu baˬ da neh tsawˇ haˬ heu gʼaˬ gaˇ ma cah nya laˇ ni jahˇ nehˬ nya-eu ngaˇ lehˇ naw maꞈ noeˬ te loˇ.

Gʼaˬkʼehˇ 3:12 ပူးပေါင်းရင်းမြစ်များ

Yoˇhaˬ 7:18

Yawqha-anr nae dovlar-euq jeq ngaeq-eu tsawrhaq-aq, yawqha-euq yawshaef khanqsaer pov-eu mae. Aerkhawf, aqyawf-anr khaerghae lef-euq ghaq-euq yawshaef khanqsaer-anr pov-eu ghaq-aq, tsaq-awr dawr-awr, aqyawf-euq lafkhoer maqtsaq maqdawr-eu jeq maqanr-a.

Gʼaˬkʼehˇ 13:26

“Aqbyaqhaq-euq zaq pyeuf-eu aqyuif aqnyir hawr-eu nawmaf-euq lafkhoer Miqyaer-anr guv-eu tsawrhaq deuq-or! Kakhof-eu garkawv-anr taf-eu dawq heu-aq, nawmaf-anr shaha keuvlef taq-euq mae.

Gʼaˬkʼehˇ 2:22

“Irsaqleqlav tsawrhaq deuq-or! Ngar aer-eu gar narhaq sher-eq. Miqyaer, Naqzaqlaer tsawrhaq Yeqsur-anr ghoe-awr, nawmaf-euq ghanrcae khavjeq-aer ghae-eu jeq, zanqler paq-aer ghae-eu jeq hawr-eu bisiq bimawr-eu jeq bimr-awr, Miqyaer nae nawmaf-euq gharduq sarkir bipyeuf-euq ghaq mae laer nawmaf yawqghaq navluf siqnya-eu lof-aer mae.

Gʼaˬkʼehˇ 3:11

Aqkuir yawcawv taqler-euq khoerghaq, Beqtuvluv hawr-eu Yorhaq-anr nyaeftaeq-awr jawrluf-eu gar tsawrhaq dawqtawvluf zanq duidui ler-awr, aqyawfmaf jawr-eu Sorlaqmoq-euq guirgaceuq laer kur-eu tsanr-anr caevghae lef-euq mae.

Gʼaˬkʼehˇ 3:13

Nawmaf, Yeqsur, Pirlav-anr a’naeq-awr, Pirlav, aqyawf-anr pyaeqnaeq ma laer noeqtsaev-euq khawf, Pirlav-euq maeqshi nawmaf, aqyawf-anr byaerdzae-euq mae. Aerkhawf, ‘ Aqbyaqhaq , Irtsav hawr-eu Yaqkov-euq Miqyaer pyeuf-eu aqdui-euq aqpoeq deuq-euq Miqyaer-aq,’ (Di 3:6,15) aqyawf-euq ghaqzaq ghaqkhaer Yeqsur-anr yawshaef khanqsaer bifnaeq-euq mae.

Lormav 11:1

Tox-aer mar-iq, ngar narhaq mawf-eu-aq, Miqyaer, aqyawf-euq tsawrhaq-anr byaerdzae-euq la laq? Tiqpawf-iq maqngeur-a. Aqjeq mirnae aernar-aq, ngar khawf Irsaqleqlav tsawrhaq ma. Aqbyaqhaq-euq aryoeq pyeuf-eu Beqyaqmiq-euq arjeuq arca ma.

Lormav 9:4

Aqyawf maf-aq, Irsaqleqlav tsawrhaq mae. Miqyaer-euq zaq pyeuflar-awr, yawshaef khanqsaer hawr-eu dawqma sarjax za-euq uqtaf, zanrdawq bifnaeq-awr, uqduq tanq-eu zanr hawr-eu sarjax za-euq mae.

2 Gawˇliˬtu 3:5

Nga’maf, yawqha-euq ghaq-anr ghoe-awr, yawqha taef-aer tiqjeqnav mrnya ma laer aer-eu maqngeur. Aerkhawf, nga’maf, Miqyaer-euq ghaq-anr ghoe-awr mrnya-eu gar aer-eu ma.

Panmaeq 7:13

Khoerngae, aqyuif aqtsu deuq-euq lafkhoer-euq tiq ghaq, ngaq-anr narhaq-eu, “Pyurdeuqni ghae-eu paerkhanq paermanr dmluf-eu tsawrhaq heudeuq aqsur ghaq la? Aqyawfmaf aqgeugar nae lar-euq la?”