Gʼaˬkʼehˇ 22:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Ngar, Yeqsur-euq Garma-anr can-eu tsawrhaq-anr shir-eu gar keuvni khaeqnaeq khavnaeq haw-euq ma. Zaqyo aqli deuq-anr khawf, zaqmiq aqbur deuq-anr khawf, nyaef-awr kuv-anr dawv-euq ma.

Akha

⁴ Gaˇma heu kahˇ mehˬ nah caw teh-eu tsawˇ haˬ deuˬ-ahˇ shiˇ gaˇ keuˆ ni ngaˇ kʼehˬ nehˬ kʼaˆ nehˬ-euˬ ma. Kʼaˬ dzeˇ zaˬ hawˇ-eu zaˬ miˬ zaˬ deuˬ-ahˇ nyehꞈ-awˇ tawˬ-ahˇ dawˆ nehˬ-euˬ ma.

Gʼaˬkʼehˇ 22:4 ပူးပေါင်းရင်းမြစ်များ

Gʼaˬkʼehˇ 16:17

Aqbur khoerghaq, Pawrluv hawr-eu nga’maf-euq maeqnan cantae cantae-aer gur-eu, “Tsawrhaq heudeuq-aq, Gor duidui-eu Miqyaer-euq ghaqzaq ghaqkhaer mae. Aqyawf maf-aq, aqdui-anr bibuq-ir-eu garma dawqdzawr mrlar-euq mae.”

Gʼaˬkʼehˇ 18:26

Aqyawf, zanrdawq khawqnymr-euq lafkhoer, danqbae-awr nuima khaqduqni maeq-eu mae. Birgirla hawr-eu Aqgurla aqnyaf dzerzaq, aqyawf maeq-eu dawq yagaq ngae, aqyawf-anr kurceuv dov-awr, Miqyaer-euq garkawv marjawvni yawmuiq-aer, aqyawf-anr maeqnaeq-euq mae.

Gʼaˬkʼehˇ 19:23

Khoerngae yamq-anr, Yeqsur-euq Garma-euq baqda’nae yawkhav-aer luiqgha lar-euq mae.

Gʼaˬkʼehˇ 19:9

Aerkhawf, tiqpavnav deuq nuima ghanr-awr maqjan-aer, tsawrhaq armaf mafma-euq maeqshi Yeqsur-euq Garma-anr dawqdoer ngaeq-eu mae. Khoerngae, Pawrluv, aqyawfmaf jawr-eu gar nae dov-ir-awr, zaqlanr deuq-anr khawf, aqyawf maf-euq lafkhoer nae bi dovle-awr, nan-anr nae Durlaqnmr-euq dawqmaeq maeq-eu dzawnymr-euq lafkhoer jasawx-euq mae.

Gʼaˬkʼehˇ 24:14

Aerkhawf, ngar, nawq-anr dawrcoeni aerdov ma. Maqtsaq-eu baqmur laer aqyawfmaf kur-eu Yeqsur-euq Garma-anr ngar cantae luf-eu ma. Khoermirnae, ngar, ngaq-euq aqpoeq deuq-euq Miqyaer-anr uqduq tanqluf-awr, zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-euq lafkhoer khar boftaq-euq dawqtawv luf-anr khawf ngar jan-eu ma.

Gʼaˬkʼehˇ 7:58

Khoernar-aq, aqyawf-anr meuq-euq lafnyir daeqdov ghae-awr, aqyawf-anr khaqlo nae biq-euq mae. Sarkir pyeuf-eu deuq, aqyawf maf-euq paerkhanq laev-awr, Sawrluv laer kur-eu zaqguq tiq ghaq-euq aqkuir-anr yurtaq yaf-euq mae.

Gʼaˬkʼehˇ 9:21

Kharya gaq-euq tsawrhaq dawqtawvluf zanqler-awr aer-eu, “Tsawrhaq heughaq, Yeqlursaqlaeq-euq lafkhoer, tsawrmyanr heumyanr-anr kharkur-eu tsawrhaq-anr lavcawv-euq khoerghaq maqngeur-a lor? Heugar khawf khoerlof-aer janr-eu gharduq, aqyawf, aqyawf maf-anr nyaef-awr pirma aqyuif deuq jawr-eu gar sheuqghae-eu laer, aqyawf oe-euq maqngeur-a laq?”

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

Gaˬlaˬtiˆ 1:13

Ngar, Yurdav tsawrhaq-euq zanr tawqluf ngae, aqjox-aer daefyaf-awr, Miqyaer-euq Kalizaq armur deuq-anr yawkhav-aer khaeqnaeq-awr, aqjox-aer lavcawv-eu paq nga laer laejae-euq garkawv, nawmaf gaqhaw-euq mae.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

2 Beˬtuˆluˆ 2:2

Tsawrhaq ghawqmya’ni, aqyawf maf-euq cawv-ir-eu garma-anr cantae taef-a. Aqyawf maf-euq baqda’nae, aqcawq, yawtsaq yawdawr-euq garma-anr yaeqbawq saerlu-aer aer taef-a.