Gʼaˬkʼehˇ 21:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Gurbaqlur irjawlanr-anr ya’mawr ngae, nanrma gakhaeq paw nae Surliv-anr ir-euq ma. Khoernar-aq, lawq khoerlawq Durlu-anr myawq ya bafka-eu mirnae, khoergar naq-euq mae.

Akha

³ Guˇbaˬluˇ iˇ jaw lahˇ-ahˇ haw mawˇ laˇ gaˇ iˇ keuˆ ngeh, laꞈ oˆ paw pyawˬ-ahˇ Suˇliˆ miˇ kʼahˬ paw iˇ-euˬ ma. Saˇ baoˬ kʼoeˇ laˇ Duˇlu meuˬ-ahˇ myawˬ baꞈ doˆ-eu miˇ neh, nga maꞈ kʼoeˇ gaˇ naˬ-euˬ ma.

Gʼaˬkʼehˇ 21:3 ပူးပေါင်းရင်းမြစ်များ

Jaceuq 45:12

Khoernar-aq, Durlu mirkhanq-euq zaqmiq, lafsawq yur-awr lar taef-a; Tsawrhaqzaq-euq smrmuiq smrbaw deuq khawf, nawq-euq ghoer mr-eu jeq-anr sharpov taef-a.

Jaceuq 87:4

“Ngaq-anr siqnya-eu deuq-anr, Laqhar hawr-eu Baqburloq-euq garkawv ngaeqkeuv naeq-awr; Hawde-eq, Eqtiqorpir, Durlu hawr-eu Pirlirtiv-or, ‘Heughaq-aq, khoergar daefle-euq mae’ laer aer taef-a.”

Maꞈtehˬ 11:21

“Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq huiq-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tawvdav tawvdav-aer noeqpov noeqpar taef-a.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Luˇkaꞈ 10:13

“Kawrlaqseq-or! Nawr ghawqshar shaq-aer ya ghaesaef taef-a. Baeqdzerdaq-or! Nawr ghawqshar shaq-aer ya ghaesaef taef-a. Aqjeq mirnae aernar-aq, nawmaf-euq lafkhoer mr-euq baoq khav duidui-eu gardeuq, Durlu meuq hawr-eu Sirdoq meuq-euq lafkhoer mr-euq lawnmr-aq, aqyawfmaf arhu nae guqdar paerzeur dm-awr, khaqlaer tsanq-anr nuir-awr noeqpov noeqpar taef-a.

Luˇkaꞈ 2:2

Heupov-aq, Surliv-anr Gurleqnir meuqsanr geufluf ngae, tsawrmyanr dawvbae bae-euq pov mae.

Gʼaˬkʼehˇ 11:19

Saqteqpaq-anr khaeq-awr khav-euq mirnae, jawrbyav taq-euq tsawrhaq khoerdeuq, Pirnir mirkhanq, Gurbaqlur irjawlanr hawr-eu Aqdirawq-anr keuvni ir-awr, Yurdav tsawrhaq-anr taef-aer dawqmaeq maeqnaeq-euq mae.

Gʼaˬkʼehˇ 12:20

Heqlor-aq, Durlu hawr-eu Sirdoq-anr jawr-eu tsawrhaq deuq-anr nuima paer duidui-eu mae. Khoermirnae, aqyawfmaf nuima tiqgar gm-awr, aqyawf jawr-eu gar lar-euq mae. Sanqpaq-anr cawba-eu ghaq Baqlaqdur laer kur-eu ghaq-anr bawqdzaq tsaq-awr, tsaqler dzoerlerni sharler-euq mae. Aqjeq mirnae aernar-aq, aqyawf maf-euq dzaqdzaq dawrdawr Heqlor-euq mirkhanq-anr ghoeluf-eu mae.

Gʼaˬkʼehˇ 13:4

Khoermirnae, Yawshawr Saflar, aqyawf nyaf-anr khaer-eu lof-aer, Seqlurgir meuq-anr irka-awr, khoergar nae lawq-anr dziq-awr, Gurbaqlur irjawlanr-anr irghae-euq mae.

Gʼaˬkʼehˇ 15:23

Aqyawfmaf nae bof-euq sanqbof-aq, heulof-aer boftaq-euq mae: “Nga’maf, ghaqkhaer deuq, aqyuif aqtsu deuq hawr-eu aqyuif aqnyir deuq, nawmaf, Aqdirawq, Surliv hawr-eu Girlirciv-anr jawr-eu, aqcawq tsawrjeuq tsawrca pyeuf-eu aqyuif aqnyir deuq-anr dawqcawqpuq ma.

Gʼaˬkʼehˇ 15:39

Khoermirnae, aqyawfnyaf yawkaq yawkhav-aer jadzaq-awr, tiqghaq tiqpaw-aer ghawq-ir-euq mae. Baqnaqbar-aq, Maqkuv sheuq-awr nae, Gurbaqlur irjawlanr-anr lawq-anr dziq-awr ir-euq mae.

Gʼaˬkʼehˇ 15:41

Aqyawf, Surliv hawr-eu Girlirciv doedoe-aer, Kalizaq armur deuq-anr ghaq bifbif-aer can-euq mae.

Gʼaˬkʼehˇ 18:18

Pawrluv khoergar ghawqmya nan jawr-euq nar-aq, aqyuif aqnyir deuq-anr ghawqdawq tsaf-awr, lawq-anr dziq-awr Surliv-anr ir-euq mae. Birgirla hawr-eu Aqgurla aqnyaf dzerzaq khawf aqyawf naeq-aer ir-euq mae. Aqyawf nae kamqtaq-euq lof-aer, Geqjeq meuq-anr irkeuv ngae, aqyawf uqjaev jaev-euq mae.

Gʼaˬkʼehˇ 21:16

Gaersaqlir-anr jawr-eu zaqlanr tiqpavnav deuq, Gurbaqlur irjawlanr-anr jawr-eu Maqnaqsoq khawf sheuq-awr nga’maf naeq-aer lar-euq mae. Maqnaqsoq-aq, zaqlanr geuf-eu myanrlar-euq mae. Nga’maf, aqyawf-euq nymr-anr yafler-euq ma.

Gʼaˬkʼehˇ 21:2

Khoergar, Pirnir mirkhanq-anr ir-eu lawq tiq lawq povmawr-awr, dziqler-awr irghae-euq ma.

Gʼaˬkʼehˇ 21:7

Nga’maf, Durlu meuq-anr nae ircuf-euq garma canli-awr, Baqdawrleq meuq-anr irkeuv-euq ma. Khoergar jawr-eu aqyuif aqnyir deuq-anr dawqcawq puq-awr, aqyawfmaf naeq-aer tiq nan jawrnaq mr-euq ma.

Gʼaˬkʼehˇ 27:4

Nga’maf khoergar nae lawq-anr dziq-awr dov-ir ngae, jaqlaer baw-eu arpyawq maqtsaq-eu mirnae, Gurbaqlur irjawlanr-anr ghoe-awr, jaqlaer maqzaw-eu paw nae irghae-euq ma.

Gʼaˬkʼehˇ 4:36

Gurbaqlur irjawlanr-anr daefle-euq Leqbir arjeuq arca Yorsaev laer kur-eu tiq ghaq jawr-eu mae. Ghaqkhaer deuq, aqyawf-anr Baqnaqbar laer myanrpar naeq-euq mae (Baqnaqbar laer aer-eu-aq, “Ghaq bif-eu zaqyo” laer aermawf-eu mae).