Gʼaˬkʼehˇ 20:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoergar bala smr siq byanni jawr-awr, lawq-anr dziq-awr Surliv-anr ghof-ir-eu laer ghae ngae, Yurdav tsawrhaq, Pawrluv-anr saef-eu laer tovluf-eu mirnae, aqyawf, Maqgeqdawrniv mirkhanq paw nae ghof-ir ma laer noeqtsaev-euq mae.

Akha

³ Kʼoeˇ gaˇ ba la smˇ siˬ byah ni aˬ yawꞈ jawˇ-euˬ meh. Suˇliˆ miˇ kʼahˬ-ahˇ gʼoꞈ leˇ-eu lehˇ lehˬ hmˬ luꞈ ngeh, Yuˇdaˆ tsawˇ haˬ deuˬ aˬ yawꞈ-ahˇ sehꞈ-eu lehˇ nawˬ jawˬ luꞈ-eu gaˇ kawˆ siˬ leˇ-awˇ, Maˬgeˬdawˇniˆ miˇ kʼahˬ paw neh gʼoꞈ leˇ-eu gʼaˇ duˬ noeˬ tsehˆ-euˬ meh.

Gʼaˬkʼehˇ 20:3 ပူးပေါင်းရင်းမြစ်များ

Dawqdaq 1:11

Aqyawfmaf heulof-aer cawqlar-eu baw-mr: “Nga’maf naeq-aer oe-awq, aqduimaf, tsawrhaq-euq shiq lavdov-eu gharduq joeyuf-awr lof-ir kar-eur. Aqduimaf dzurzaf taq-awr tiqjeq-iq maqlaeq maqca-eu deuq-anr lavsaef-ir kar-eur.

Maꞈtehˬ 4:24

Aqyawf-euq garkawv Surliv mirkhanq-anr keuvni gaqdoe-ir-euq mae. Khoerngae, nargawr ghawqmya jeq nar-eu tsawrhaq, nargawr yawkhav-aer ya daqluf-eu tsawrhaq, naef ur-eu tsawrhaq, mawrbawq seu-eu tsawrhaq hawr-eu kuirshir lafshir shir-eu tsawrhaq dawqtawv luf-anr, aqcawq, Yeqsur jawr-eu gar sheuqlaf-awr, Yeqsur, aqyawf maf-anr lavtaq naeq-euq mae.

Gʼaˬkʼehˇ 16:12

Khoergar nae nar-aq, Pirlirpiv-anr lekeuv-euq ma. Meuq khoermeuq-aq, Maqgeqdawrniv mirkhanq-euq lafkhoer, Lormav tsawrhaq uvlanr luf-eu meuq uqdzan mae. Nga’maf khoergar heumyav nan jawr-euq ma.

Gʼaˬkʼehˇ 16:9

Uqcif pawdzer, Pawrluv-anr mawrle-euq lafkhoer, Maqgeqdawrniv tsawrhaq tiq ghaq yawfle-awr Pawrluv-anr shar-eu, “Maqgeqdawrniv mirkhanq-anr lar-awr, nga’maf-anr cawba lar-awq.”

Gʼaˬkʼehˇ 18:18

Pawrluv khoergar ghawqmya nan jawr-euq nar-aq, aqyuif aqnyir deuq-anr ghawqdawq tsaf-awr, lawq-anr dziq-awr Surliv-anr ir-euq mae. Birgirla hawr-eu Aqgurla aqnyaf dzerzaq khawf aqyawf naeq-aer ir-euq mae. Aqyawf nae kamqtaq-euq lof-aer, Geqjeq meuq-anr irkeuv ngae, aqyawf uqjaev jaev-euq mae.

Gʼaˬkʼehˇ 19:21

Garkawv heudeuq pyeuflar dzeur-euq nar-aq, Pawrluv, Maqgeqdawrniv mirkhanq hawr-eu Aqgaqyar mirkhanq-anr irtsaev ghae-awr, Yeqlursaqlaeq-anr le ma laer muiq-eu Saflar-euq lafkhoer noeqtsaev-euq mae. Aqyawf aer-eu, “Ngar khoergar leghaq-euq nar-aq, Lormav meuq-anr khawf yale-a siq.”

Gʼaˬkʼehˇ 20:1

Luiqgha-eu khoer cof-ir-euq nar-aq, Pawrluv, zaqlanr deuq-anr kuruiq-awr, aqyawf maf-anr byarcuf-awr, Maqgeqdawrniv mirkhanq-anr irghae-euq mae.

Gʼaˬkʼehˇ 20:19

Ngar nuima nanqyuni tiqbyan tiqlof taq-awr, myavbir ghawqmya’ni dovdov-aer Sanqpaq Yeqsur-euq gar mr-euq ma. Yurdav tsawrhaq, ngaq-anr yawdoer janr-eu laer jawqluf-eu mirnae, shaqzanq ghawqmya jeq-anr yadaq-euq gar khawf nawmaf siqnya-eu mae.

Gʼaˬkʼehˇ 20:2

Mirkhanq khoerkhanq doeni irghae ngae, zaqlanr deuq-anr dawq ghawqmya’ni ngaeqnaeq-awr ghaq bifyaf-awr, Heqlaqsar mirkhanq-anr irkeuv-euq mae.

Gʼaˬkʼehˇ 21:3

Gurbaqlur irjawlanr-anr ya’mawr ngae, nanrma gakhaeq paw nae Surliv-anr ir-euq ma. Khoernar-aq, lawq khoerlawq Durlu-anr myawq ya bafka-eu mirnae, khoergar naq-euq mae.

Gʼaˬkʼehˇ 25:3

Pawrluv-anr muirni, Yeqlursaqlaeq-anr bi sheuqha lar-eu gharduq, janrtsaq naeqlaf laer Beqtur-anr shar-euq mae. Aqjeq mirnae aernar-aq, aqyawfmaf garpaer khoeqlof-awr, Pawrluv-anr saef-eu laer noeqtaq-euq mae.

2 Gawˇliˬtu 1:15

Ngar heulof-aer janzif luf-eu mirnae, nawmaf guiqlanq nyiq jeq tiqjeq khawf bi za’ni, ngar, nawmaf jawr-eu gar lar ma laer yawbae ngae nae noeqtaq-euq ma.

2 Gawˇliˬtu 11:26

Ngar maqmyanr kaq-anr garma dov-ir-eu, ircuf huiq-eu gar guvkhar za-eu, tanrjoe-anr guvkhar za-eu, ngaq-euq tsawrjeuq tsawrca-anr guvkhar za-eu, aqcawq tsawrjeuq tsawrca-anr guvkhar za-eu, meuq-euq lafkhoer guvkhar za-eu, bawrtsanq bawrdanr-anr guvkhar za-eu, iqmalavshav-euq lafkhoer guvkhar za-eu, aqyuif aqnyir janrgeuf-eu deuq-anr guvkhar za-eu heudeuq-anr yadaq-euq ma.

2 Gawˇliˬtu 7:5

Nga’maf, Maqgeqdawrniv mirkhanq-anr larkeuv ngae, tiqjawr-iq ghaqnaq naq-eu maqdan-aq. Khoeruqtaf, nga’maf-euq tiqjawq nuima maqsar-eu jeq keuvle-eu gar yadaq-euq ma. Lafnyir paw iqdaeq iqcae dovlar luf-awr, lafkhoer paw guv-eu jeq anr-eu mir-a.

Gaˬlaˬtiˆ 1:21

Khoernar-aq, ngar, Surliv mirkhanq hawr-eu Girlirciv mirkhanq-anr ir-euq ma.