Gʼaˬkʼehˇ 2:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

Akha

⁴ Aˬ yawꞈ maꞈ dawˬ tawˆ luꞈ-ahˇ Muiˬ-eu shawˇ-eu Yaw sahˇ Miˬyehˇ byah laˇ-awˇ, Yaw sahˇ Miˬyehˇ neh bi ngehˬ bi tmˇ-euˬ loꞈ-ehˇ, dawˬ gʼawˬ mya jeˬ ngehˬ-euˬ meh.

Gʼaˬkʼehˇ 2:4 ပူးပေါင်းရင်းမြစ်များ

Maꞈtehˬ 10:19

Aqcawq, nawmaf-anr yarkhaq bidar-eu laer a’naeq ngae, aqjeq aqjox-aer ya’ngaeq yatmr-eu la laer khanq taqlanr. Khoerngae yamq-anr, nawmaf ya’ngaeq-eu dawqdeuq, nawmaf-anr bifnaeqlaf taef-a.

Maˬkuˆ 16:17

Jan-eu tsawrhaq deuq-aq, bisiq bimawr-eu jeq heudeuq mrdovlaf taef-a. Aqyawfmaf, ngaq-euq tsawrmyanr-anr ghoe-awr naef-anr taedov taef-a. Aqyawfmaf dawqbav yawshuif deuq bav taef-a.

Luˇkaꞈ 1:15

Aqyawf, Sanqpaq Miqyaer-euq maeqshi yawhuiq yawmanr ghaq pyeuflar taef-a. Aqyawf-aq, aqgaf dzaruir yawtav hawr-eu aqgaf dzaruir yawbyawq khawf maqdawr-ar. Aqma-euq uqmav-euq lafkhoer ur ngae nae, Yawshawr Saflar tiqbyanni byan taef-a.

Luˇkaꞈ 1:41

Erlirsaqbaev, Maqliv dawqcawq puqlar-eu gar yagaq-euq naeq-aer, aqyawf piluf-eu zaq khoerghaq, uqmav-euq lafkhoer luvluv-aer teuv-eu mae. Khoeruqtaf, Erlirsaqbaev-anr Yawshawr Saflar byanle-awr,

Luˇkaꞈ 1:67

Khoerngae, Yawshawr Saflar, Yorhaq-euq aqda Zeqkaqlir-anr byanle-awr, Miqyaer gharduq heulof-aer ngaeqdan-euq mae:

Luˇkaꞈ 12:12

Aqjeq mirnae aernar-aq, nawmaf khoerngae yamq-anr ya’ngaeq yatmr-eu dawq, Yawshawr Saflar, nawmaf-anr maeqnaeqlaf taef-a.”

Luˇkaꞈ 21:15

Aqjeq mirnae aernar-aq, nawmaf-anr muir-eu tsawrhaq dawqtawvluf pyaer-eu khawf maq pyaernya-aer, lavtsoeq-eu khawf maq lavtsoeq nya-eu dawq hawr-eu zaqsiq tsawrganr, ngar, nawmaf-anr bifnaeq ma.

Luˇkaꞈ 4:1

Yeqsur-aq, Yawshawr Saflar byan-eu lafkhoer, Yawrdaq lawrbaq-anr nae ghofler ngae, muiq-eu Saflar, aqyawf-anr bawrtsanq bawrdanr-anr sheuqghae-awr,

Yoˇhaˬ 14:26

Ngaq-euq tsawrmyanr-euq uqmov nae, Aqda, Cawba-eu ghaq pyeuf-eu Yawshawr Saflar-anr bi’oe ngae, aqyawf, nawmaf-anr yawqjeq navluf maeqnaeq laf-awr, ngaq nae nawmaf-anr aernaeq taqyaf-euq dawq khoer dawqtawvluf, aqyawf, nawmaf-anr bi noeqdovlar taef-a.

Yoˇhaˬ 20:22

Khoerlof-aer aerghaq-euq nar-aq, aqyawf maf-euq khoertav saf baw-awr heulof-aer aernaeq-euq mae, “Yawshawr Saflar-anr hageuf-awq.

Gʼaˬkʼehˇ 1:5

Yorhaq-aq, ircuf nae bartirsaq mrnaeq-euq mae. Aerkhawf, aqkar nar-aq, ghawqmya nan maqghae-aer, nawmaf-aq, Yawshawr Saflar-euq lafkhoer bartirsaq ya hageuf taef-a.”

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 10:46

Aqjeq mirnae aernar-aq, tsawrhaq heudeuq yawqjeq yawq-euq dawq bavbav-aer Miqyaer-anr ciqhuiq ciqmanr-eu gar yagaq ya’mawr-euq mae.

Gʼaˬkʼehˇ 10:47

Khoerngae, Beqtuvluv aer-eu, “Tsawrhaq heudeuq khawf aqduimaf lof-aer Yawshawr Saflar za-euq mae. Aqyawf maf-anr ircuf-euq lafkhoer bartirsaq taq hageuf laer aqsur ghaq lavtsoeq nya-eu la?”

Gʼaˬkʼehˇ 11:15

“Ngar ngaeqdanq bae-euq naeq-aer, yawbae aqdui-euq khoertav Yawshawr Saflar zafka le-euq lof-aer, aqyawf maf-euq khoertav khawf zafka le-euq mae.

Gʼaˬkʼehˇ 11:24

Baqnaqbar-aq, tsawrmuiq tsawrjaq tiq ghaq pyeuf-awr Yawshawr Saflar hawr-eu jan-eu nuima tiqbyanni anr-eu mae. Khoerngae, tsawrhaq, baqmaf-aer Sanqpaq Miqyaer jawr-eu paw lanqlar-euq mae.

Gʼaˬkʼehˇ 13:52

Khoerngae, zaqlanr deuq laqkhaq caer-eu jeq hawr-eu Yawshawr Saflar tiqbyanni byanluf-eu mae.

Gʼaˬkʼehˇ 13:9

Khoerngae, Sawrluv laer khawf kur-eu Pawrluv-anr Yawshawr Saflar byanle-awr, mawloq loqnya-eu khoerghaq-anr hawtsov taq-awr,

Gʼaˬkʼehˇ 15:8

Tsawrhaq-euq nuima-anr siqnya-eu Miqyaer-aq, aqdui-anr Yawshawr Saflar bifnaeq laf-euq lof-aer, aqcawq tsawrjeuq tsawrca-anr khawf bifnaeq-euq mirnae, Miqyaer, aqyawf maf-anr khawf hageuf-eu nga laer mawrlar-eu mae.

Gʼaˬkʼehˇ 19:6

Khoernar-aq, Pawrluv, aqyawf maf-euq khoertav aqlaf bafdavnaeq ngae, aqyawf maf-euq khoertav Yawshawr Saflar zafka le-euq mae. Aqyawfmaf dawqbav bav-eu uqtaf, Miqyaer gharduq ngaeqdan-eu mae.

Gʼaˬkʼehˇ 2:11

Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.”

Gʼaˬkʼehˇ 2:3

Khoernar-aq, aqyawfmaf jawr-eu gar, miqdzaq dofluf-eu maeqlar larcaeq lof-aer dur-eu miqdzaq miqlmr dovle-awr, aqyawf ghaq aqyawf-euq khoertav birkhawq ghae-awr naqler taq-awr jav-eu gar ya’mawr-euq mae.

Gʼaˬkʼehˇ 4:31

Aqyawfmaf guiqlanq sharghaq ngae, aqyawfmaf uiqler taq-euq khoertsanr nyaelar-euq mae. Khoernar-aq, aqyawfmaf yawqghaq navluf-anr Yawshawr Saflar byanle-awr, aqyawfmaf nuima khaqduqni Miqyaer-euq dawq ngaeq-eu mae.

Gʼaˬkʼehˇ 4:8

Khoerngae, Beqtuvluv, Yawshawr Saflar byan-eu lafkhoer, aqyawf maf-anr heulof-aer aernaeq-euq mae: “Mirkhanqzaq-anr uvlanr-eu deuq hawr-eu Irsaqleqlav-euq aqyuif aqtsu deuq-or,

Gʼaˬkʼehˇ 6:3

Khoermirnae, aqyuif aqnyir deuq-or! Nawmaf-euq lafkhoer tsawrmyanr muiq-awr, Yawshawr Saflar hawr-eu zaqsiq tsawrganr byan-eu tsawrhaq shif ghaq-anr tserdov-awq. Nga’maf, aqyawf maf-anr khaerdar naeq-awr gar heu bimr ma.

Gʼaˬkʼehˇ 6:5

Aqyawfmaf aer-eu gar, tsawrhaq armaf maflanni nuikhanr shir-awr, heudeuq-anr tserdov-euq mae: jan-eu jeq byan-awr Yawshawr Saflar byan-eu Saqteqpaq hawr-eu Pirlirpuv, Bawrkawq, Nirgaqnawq, Tirmoq, Baqmeqnar hawr-eu Yurdav-euq zanr tawqlar-euq Aqdirawq-anr jawr-eu Nirgawrla heudeuq mae.

Gʼaˬkʼehˇ 6:8

Saqteqpaq-aq, jan-eu jeq hawr-eu baoq tiqbyanni anr-awr, mirkhanqzaq-euq ghanrcae huiq duidui-eu zanqler paq-aer ghae-eu jeq hawr-eu bisiq bimawr-eu jeq mr-euq mae.

Gʼaˬkʼehˇ 7:55

Khoerngae, Saqteqpaq-anr Yawshawr Saflar byanle-awr mq-anr hawtsovtaq ngae, Miqyaer-euq yawshaef khanqsaer-anr mawr-awr, Yeqsur, Miqyaer-euq armar paw yawfluf-eu gar khawf ya’mawr-awr,

Gʼaˬkʼehˇ 8:17

Beqtuvluv hawr-eu Yorhaq, aqyawf maf-euq khoertav aqlaf bafdavnaeq ngae, aqyawfmaf, Yawshawr Saflar za-euq mae.

Gʼaˬkʼehˇ 9:17

Khoermirnae, Aqnaqnir ir-awr, nymr khoernymr-anr urler-euq mae. Aqyawf, Sawrluv-euq khoertav aqlaf bafdav-awr aer-eu, “Maernmr Sawrluv-or! Nawr garpaer-anr oeluf ngae dovle-euq Sanqpaq Yeqsur khoerghaq, nawr myavnuiv mawrnya lar-awr, Yawshawr Saflar byanlarni, ngaq-anr khaerghae lef-euq mae.”

Lormav 15:13

Yawshawr Saflar-euq baoq baqda’nae nawmaf noeqtmq-eu jeq myaqlarni, nawmaf jan-eu lafkhoer, noeqtmq-eu jeq bif-eu Miqyaer, nawmaf-anr laqkhaq caer-eu jeq hawr-eu nuisar of-eu jeq bi byanlar luf-ur.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

1 Gawˇliˬtu 13:1

Ngar, tsawrhaq-euq dawqdeuq hawr-eu mqtav ghaqkhaer-euq dawq bavnya-eu khawf, gaq-eu jeq maqanr nar-aq, ngaq nae ngaeq-euq dawq-aq, boeloe diq-eu tersar hawr-eu caexlaer civ-eu tersar-anr dur-eu taef mae.

1 Gawˇliˬtu 13:8

Gaq-eu jeq-aq, byov-ir-eu maqbaw-a. Aerkhawf, tiq nan, Miqyaer gharduq ngaeqdan-eu jeq byov-ir-awr, dawqbav bav-eu, naq-ir-eu baw-eu uqtaf, siqnya-eu tsawrganr khawf maqjav-aer pyeuf-ir taef-a.

1 Gawˇliˬtu 14:18

Ngar, nawmaf yawqghaq navluf myavmaqtser dawqbav bavmyaq dzaeq-eu mirnae Miqyaer-anr jaceuq ma.

1 Gawˇliˬtu 14:5

Ngar, nawmaf yawqghaq navluf-anr dawqbav bi bavnya’mawf mir-a. Aerkhawf, nawmaf, Miqyaer gharduq ngaeqdan-eu gar ngar geufmawfdzaeq nya. Aqjeq mirnae aernar-aq, Kalizaq armur huiqlar manrlarni dawqbav bav-eu dawqtsuif maq yurdov nar-aq, Miqyaer gharduq ngaeqdan-eu ghaq-aq, dawqbav bav-eu ghaq navmaqtser gardanr tsoeqdzaeq-eu mae.

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Eˇpeˇsu 5:18

Jirbaq taq dawryaef. Dawryaef nar-aq, yawuq uq-ir nya-eu mae. Aerkhawf, nawmaf-euq lafkhoer muiq-eu Saflar bi byanlar-awq.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

1 Beˬtuˆluˆ 1:12

Miqyaer gharduq ngaeqdan-eu khoerdeuq, aqyawfmaf gar mr-eu-aq, yawqha-euq gharduq mr-eu maqngeur-aer, aqdui-euq gharduq mr-eu mae laer Miqyaer, aqyawf maf-anr panmaeq naeq-euq mae. Mq-anr nae bi’oe-euq Yawshawr Saflar, aqyawf maf-anr panmaeq naeq-euq mirnae, nymq-mr aqyawfmaf guiqlanqdawq khoerdeuq, nawmaf-anr maeqnaeq luf-eu mae. Mqtav ghaqkhaer deuq khawf, khoerdeuq-anr mawrmawf duidui-eu mae.

2 Beˬtuˆluˆ 1:21

Aqjeq mirnae aernar-aq, Miqyaer gharduq ngaeqdan-eu dawq-aq, tiqpawf-iq tsawrhaq-euq nuinoeq nuikhanr-anr nae dovle-euq maqngeur-a. Aerkhawf, Miqyaer-euq shawr-eu tsawrhaq deuq-aq, Yawshawr Saflar nae bi noeqdov-euq lof-aer ngaeq-eu mae.