Gʼaˬkʼehˇ 2:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoernar-aq, aqyawfmaf jawr-eu gar, miqdzaq dofluf-eu maeqlar larcaeq lof-aer dur-eu miqdzaq miqlmr dovle-awr, aqyawf ghaq aqyawf-euq khoertav birkhawq ghae-awr naqler taq-awr jav-eu gar ya’mawr-euq mae.

Akha

³ Kʼoeˇ ngeh, miˬ dzaˬ miˬ lmˇ-ahˇ duˇ-eu mehˬ laˇ deuˬ-ahˇ aˬ yawꞈ maꞈ ya mawˇ-euˬ meh. Mehˬ laˇ kʼoeˇ deuˬ oe kʼawˬ gʼeh-awˇ, kʼoeˇ gaˇ kʼaˇ jawˇ-eu tsawˇ haˬ yawˬ gʼaˬ na luꞈ-ahˇ toeˬ ciˆ-euˬ meh.

Gʼaˬkʼehˇ 2:3 ပူးပေါင်းရင်းမြစ်များ

Jaceuq 55:9

Sanqpaq Miqyaer-or! Aqyawf maf-euq maeqlar gheupav-awr lavcawv naeq-awq; Aqjeq mirnae aernar-aq, ngar meuq-euq lafkhoer coeqler deuqler-eu iqdaeq iqcae ya’mawr-euq ma.

Maꞈtehˬ 3:11

Nawmaf noeqpov noeqparni, ngar-aq, aqdir nawmaf-anr ircuf nae bartirsaq mrnaeq luf-eu ma. Aerkhawf, ngaq-euq maeqnan oeluf-eu ghaq-aq, ngaq-euq navmaqtser baoq huiq-eu mae. Ngar-aq, aqyawf-euq saeqnawv yurnaeq-eu taef khawf maqgeux-a. Aqyawf-aq, Yawshawr Saflar hawr-eu miqdzaq nae nawmaf-anr bartirsaq mrnaeq taef-a.

Maꞈtehˬ 3:15

Khoerngae, Yeqsur, aqyawf-anr aerkhof naeq-eu, “Nymq-mr pov-aq, mrnaeq laf-awq. Aqjeq mirnae aernar-aq, aqdui-euq gharduq tsaq-awr dawr-eu jeq dawqtawvluf byanlarni mr-eu tsaq taef-a.” Khoernar-aq, Yorhaq, aqyawf-anr bartirsaq mrnaeq-euq mae.

Luˇkaꞈ 24:32

Khoerngae, aqyawfnyaf yawkaq ja-eu, “Garpaer-anr canluf ngae nae, aqyawf, arnyaf-anr dawq ngaeqcawq lar-awr, Yaerbof panmaeq naeqlaf ngae, arnyaf-euq nuima-euq lafkhoer miqdzaq dof-eu lof-aer ghaelar-euq maqngeur nya lor?”

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 2:11

Gaqlaqdeq tsawrhaq hawr-eu Aqlar tsawrhaq khawf keuq-eu mae. Miqyaer nae muiq duidui-eu gardeuq mr-euq garkawv, aqyawfmaf ngaeq-eu gar aqdui yawqha-euq dawq-anr nae yagaq-euq ma.”

Gʼaˬkʼehˇ 2:2

Khoerngae, japyuqni jaqlaer laerma baw-eu tersar lof-aer, mq-anr nae yawkhav-aer manrdov lef-awr, aqyawfmaf nuirluf-eu nymr nymrlan-aer tersar khoer byanluf-eu mae.

Gʼaˬkʼehˇ 2:4

Khoerngae, aqyawfmaf yawqghaq navluf-anr Yawshawr Saflar byanle-awr, Yawshawr Saflar nae bingaeq-euq lof-aer, danqbae-awr nuijeq-euq dawq-anr nae dawqbav bav-eu mae.

1 Gawˇliˬtu 12:10

Tiq ghaq-anr khavjeq-aer ghae-eu jeq bi mrnya-awr, tiq ghaq-anr-aq, Miqyaer gharduq bi ngaeqdan nya-eu uqtaf, tiq ghaq-anr-aq, saflar deuq-anr bi tserpav nya-eu mae. Tiq ghaq-anr, dawqbav ghawqmya jeq bi bavnya-awr, tiq ghaq-anr-aq, dawqbav khoer-euq dawqtsuif bi yurdov nya-eu mae.

Yaˬkoˆ 3:6

Maeqlar-aq, miqdzaq lof-aer dur-awr, maqtsaq maqdawr-eu mirkhanq pyeuf-eu mae. Mawrdo dolan-aer lavjawf nya-awr, daefzir-anr taf-eu yawqjeq navluf-anr khawf shiqbuir lanma-euq miqdzaq keuqdof-awr, bi puivdzaqjir nya-eu mae.

Panmaeq 11:3

Ngar, ngaq-euq sarkir kamq-eu khoer nyiq ghaq-anr baoq bif ma. Aqyawf nyaf-aq, guqdar paerzeur-euq maeqtsoeq dm-awr 1,260 nan Miqyaer gharduq ngaeqdan taef-a.”

Panmaeq 14:6

Khoernar-aq, ngar, mqtav mirkhanq-euq ghanrcae mqtav ghaqkhaer tiq ghaq zawluf-eu gar ya’mawr-euq ma. Aqyawf-aq, mirtsaq-euq khoertav kharjawr-eu tsawrjeuq tsawrca, arjeuq arca, dawqngaeq dawqbav hawr-eu tsawrhaq yawqjeq navluf-anr maeqnaeq-eu gharduq, mqmaq maqbyav yarzir-euq guiqlanqdawq piluf-eu mae.