Gʼaˬkʼehˇ 2:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Beqdeqgordeq yawbui bui-eu arnan keuvlar ngae, aqyawfmaf dawqtawvluf nuima tiqgar gm-awr, tiqgar taef-aer uiqler taq-awr jawrluf-eu mae.

Akha

¹ Beˬdeˬgoˇdeˬ aˇ nah keuˆ le ngeh, jah-eu tsawˇ haˬ dawˬ tawˆ luꞈ, tiˬ gaˇ uiˬ leˇ-awˇ jawˇ-euˬ meh.

Gʼaˬkʼehˇ 2:1 ပူးပေါင်းရင်းမြစ်များ

Jaceuq 133:1

Hawsher-eq, maernmr deuq nuima gm-awr tiqgar taef-aer jawrtaf-eu, Arnavni muiq-awr arnavni nuikhanr shirlar paq-aer ghae-eu nga!

Gʼaˬkʼehˇ 1:5

Yorhaq-aq, ircuf nae bartirsaq mrnaeq-euq mae. Aerkhawf, aqkar nar-aq, ghawqmya nan maqghae-aer, nawmaf-aq, Yawshawr Saflar-euq lafkhoer bartirsaq ya hageuf taef-a.”

Gʼaˬkʼehˇ 1:8

Aerkhawf, Yawshawr Saflar, nawmaf-euq khoertav zafkale ngae, nawmaf baoq za taef-a. Khoernar-aq, nawmaf, Yeqlursaqlaeq hawr-eu Yurdav mirkhanq-euq lafkhoer, Saqmaqliv mirkhanq doeni hawr-eu mqdzer mirdzer-anr keuvni, ngaq-euq garkawv sarkir kamq-eu tsawrhaq pyeuflar taef-a.”

Gʼaˬkʼehˇ 2:46

Aqyawfmaf nan-anr nae nuima gm-awr, uqduq tanqnymr nymrma-anr davler-eu uqtaf, kaqmur ngawqpyaeq-awr, laqkhaq tiqcaer nuima jerloni, tiqnymr sair tiqnymr dzaqtaf dawrtaf-eu mae.

Gʼaˬkʼehˇ 20:16

Aqsir mircoer-anr ghawqmyanr maqya jawrni, Erpersu-anr maqnaq-aer, maeqhu paw irghae ma laer Pawrluv noeqtsaev taq-euq mae. Ghaenya nar-aq, Beqdeqgordeq yawbui arnan-anr Yeqlursaqlaeq-anr jawrnya’ni, aqyawf yawkawr-aer irmawf-eu mae.

Gʼaˬkʼehˇ 4:24

Aqyawfmaf yagaq ngae, nuima tiqsiq taef-aer taq-awr, tersar yawkhav-aer Miqyaer-anr heulof-aer aernaeq-euq mae, “Sanqpaq Miqyaer-or! Nawr-aq, mq hawr-eu mir, iqmalavshav hawr-eu heudeuq-euq lafkhoer kharjawr kharjav-eu yawqjeq navluf-anr bae-euq Yawsanr ghaq mae.

Gʼaˬkʼehˇ 4:31

Aqyawfmaf guiqlanq sharghaq ngae, aqyawfmaf uiqler taq-euq khoertsanr nyaelar-euq mae. Khoernar-aq, aqyawfmaf yawqghaq navluf-anr Yawshawr Saflar byanle-awr, aqyawfmaf nuima khaqduqni Miqyaer-euq dawq ngaeq-eu mae.

Gʼaˬkʼehˇ 4:32

Kali-anr jan-eu tsawrhaq baqmaf myaq-eu khawf, nuima tiqsiq taef-aer taq-awr, nuinoeq tiqgar taef-aer tsaq-eu mae. Aqgeu ghaq maqkaq, yawqha jav-eu myawqdeuq, yawqha-euq le laer tiqghaq-iq maqaerni, kharjav-eu myawq dawqtawvluf tiqkawv lof-aer zmq-eu mae.

Gʼaˬkʼehˇ 5:12

Sanqpaq Miqyaer, ghaqkhaer deuq-euq aqlaf-anr ghoe-awr, tsawrhaq ghawqmya ni-euq ghanrcae, bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq mae. Aqyawfmaf dawqtawvluf nuima tiqsiq taef-aer taq-awr, Sorlaqmoq-euq guirgaceuq-anr uiqler-awr jawr-eu mae.

Lormav 15:6

Heu-euq baqda’nae, nawmaf nuima tiqgar taf-awr, khaqmae tiq mae lof-aer, aqdui-euq Sanqpaq Yeqsur Kali-euq Aqda Miqyaer-anr ciqhuiq ciqmanr luf-ur.

1 Gawˇliˬtu 16:8

Aerkhawf, Beqdeqgordeq yawbui bui-eu aryamq keuvlar ngae keuvni, ngar, Erpersu-anr jawrtawq ma.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Piˇliˇpiˆ 2:2

ngar laqkhaq caer-eu jeq byanlarni, nawmaf nuinoeq tiqgar bidur-awr, gaq-eu tiqkawv lof-aer bidur-eu uqtaf, nuima tiqgar gm-awr, nuinoeq tiqjeq taef-aer bipyeuf-awq.