Gʼaˬkʼehˇ 18:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoergar, Boqtuv mirkhanq-anr daefle-euq Aqgurla laer kur-eu Yurdav tsawrhaq tiq ghaq-anr tanqpuq-euq mae. Yurdav tsawrhaq dawqtawvluf Lormav meuq-anr nae yadov-ir jir-eu mae laer, sanqpaq Gaqlawrdir dawq bif-euq mirnae, aqyawf-euq nymrdanq Birgirla naeq-aer Irdaqliq mirkhanq-anr nae dovle-euq maq myanrlar-aq siq. Pawrluv, aqnyaf dzerzaq-anr dzoer-ir-euq mae.

Akha

² Kʼoeˇ gaˇ, Boˬtuˆ miˇ kʼahˬ-ahˇ dehꞈ le-euˬ Aˬguˇla lehˇ myahˇ-euˬ Yuˇdaˆ tsawˇ haˬ tiˬ gʼaˬ-ahˇ aˬ yawꞈ ya tahˬ puˬ-euˬ meh. Yuˇdaˆ tsawˇ haˬ dawˬ tawˆ luꞈ Loˇmaˆ meuˬ-ahˇ neh ya doˆ-iˇ jiˇ meh lehˇ, Loˇmaˆ sahˬ paˬ Gaˬlawˇdiˇ dawˬ biꞈ-euˬ miˇ neh, aˬ yawꞈ-euˬ mi zaˬ Biˇgiˇla sheuˬ-awˇ Iˇdaˬliˬ miˇ kʼahˬ-ahˇ neh gʼoꞈ doˆ le-euˬ tiˬ dehˬ pyeuꞈ-eu meh. Aˬ nyaꞈ dzeˇ zaˬ-ahˇ Pawˇluˆ tahˬ puˬ leˇ-euˬ meh.

Gʼaˬkʼehˇ 18:2 ပူးပေါင်းရင်းမြစ်များ

Gʼaˬkʼehˇ 11:28

Aqyawf maf-euq lafkhoer, Aqgaqbar laer kur-eu tiq ghaq turlar-awr, muiq-eu Saflar sheuqghae-eu lafkhoer, mirtsaq doeni maefdui shuf duidui-eu jeq keuvle taef-a laer bimawr-euq mae. Maef-awr shuf-eu khoer-aq, sanqpaq Gaersaq Gaqlawrdir dzoeqdzaq mrluf ngae keuvle-euq mae.

Gʼaˬkʼehˇ 18:18

Pawrluv khoergar ghawqmya nan jawr-euq nar-aq, aqyuif aqnyir deuq-anr ghawqdawq tsaf-awr, lawq-anr dziq-awr Surliv-anr ir-euq mae. Birgirla hawr-eu Aqgurla aqnyaf dzerzaq khawf aqyawf naeq-aer ir-euq mae. Aqyawf nae kamqtaq-euq lof-aer, Geqjeq meuq-anr irkeuv ngae, aqyawf uqjaev jaev-euq mae.

Gʼaˬkʼehˇ 18:26

Aqyawf, zanrdawq khawqnymr-euq lafkhoer, danqbae-awr nuima khaqduqni maeq-eu mae. Birgirla hawr-eu Aqgurla aqnyaf dzerzaq, aqyawf maeq-eu dawq yagaq ngae, aqyawf-anr kurceuv dov-awr, Miqyaer-euq garkawv marjawvni yawmuiq-aer, aqyawf-anr maeqnaeq-euq mae.

Gʼaˬkʼehˇ 2:9

Aqdui maf-aq, Baqtir mirkhanq, Miqdir mirkhanq, Erlamq mirkhanq hawr-eu Meqsoqpoqtaqmir mirkhanq-anr jawr-eu tsawrhaq, Yurdav mirkhanq, Gaqbaqdawrciv mirkhanq, Boqtuv mirkhanq, Aqsir mircoer,

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 27:6

Khoergar, yardzoeq guirhuq khoerghaq, Aqleqsaqdur meuq-euq lawq, Irdaqliq mirkhanq-anr ir-eu laer ghae-eu lawq tiq lawq-anr povmawr-awr, nga’maf-anr bi urler naeqlaf-euq mae.

1 Gawˇliˬtu 16:19

Aqsir mircoer-anr jawr-eu Kalizaq armur deuq, nawmaf-anr dawqcawq puqanr laf-euq mae. Aqgurla hawr-eu Birgirla, aqnyaf dzerzaq naeq-aer aqyawf nyaf-euq nymr-anr dzoer-eu Kalizaq armur khawf, Sanqpaq Miqyaer-euq lafkhoer nuigaq keuv-awr, nawmaf-anr dawqcawq puqanr laf-euq mae.

2 Tiˆmoˇseˬ 4:19

Birgirla hawr-eu Aqgurla-anr khawf, Awqneqsiqpawq-euq nymrjir-anr khawf, “Ngar noeqmawrluf ma jer” laer tsafnaeq law de-eq.

HeˬByehˇ 13:24

Nawmaf-anr uvlanr luf-eu yawqghaq navluf-anr hawr-eu tsawrshawr yawqghaq navluf-anr dawqcawq puqanr laf-euq ma. Irdaqliq-anr nae lar-euq deuq khawf nawmaf-anr dawqcawq puqanr laf-euq mae.

1 Beˬtuˆluˆ 1:1

Ngar-aq, Yeqsur Kali-euq ghaqkhaer Beqtuvluv ma. Boqtuv, Gaqlaqtiv, Gaqbaqdawrciv, Aqsir hawr-eu Beqturnir-anr jawrbyav taq-euq deuq-anr sanqbof heupur bofanr lef-euq ma.