Gʼaˬkʼehˇ 15:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Khoerngae, Kalizaq armur aqyawf maf-anr khaerdov-awr bile-euq mae. Aqyawfmaf, Pirnir mirkhanq hawr-eu Saqmaqliv mirkhanq-anr cantsaev-awr, aqcawq tsawrjeuq tsawrca, Miqyaer jawr-eu paw ghoflar-euq garkawv dzawrmaeqnaeq ngae, aqyuif aqnyir dawqtawvluf laqkhaqcaer duidui-eu mae.

Akha

³ Aˬ yawꞈ maꞈ-ahˇ Ka li zaˬ aˇ muˇ neh kʼehˇ-awˇ bi iˇ-euˬ meh. Piˇniˇshaˆ miˇ kʼahˬ hawˇ-eu Saˬmaˬliˇ miˇ kʼahˬ kʼoeˇ deuˬ-ahˇ iˇ luꞈ ngeh, aˬ cawˬ tsawˇ jeuˬ deuˬ Miˬyehˇ jawˇ paw gʼoꞈ pyawˇ laˇ-euˬ gaˇ kawˆ ja mehˬ-euˬ meh. Gaˇ kawˆ kʼoeˇ kʼaˇ ya gaˬ-euˬ jah-eu tsawˇ haˬ dawˬ tawˆ luꞈ, laˬ kʼaˬ cehˇ dui dui-euˬ meh.

Gʼaˬkʼehˇ 15:3 ပူးပေါင်းရင်းမြစ်များ

Luˇkaꞈ 15:32

Aerkhawf, nawqnyir heughaq-aq, shir-euq khawf ghofdaef lar-awr, byov-ir-euq khawf mawrkhof-euq mirnae, aqdui laqkhaq caertavni laqkhaq cawcaer naeq-eu tsaq taef-a.’ ”

Gʼaˬkʼehˇ 1:15

(Khoerngae yamq-anr, tsawrhaq 120 ghaq aerghaqni uiqler taq-awr jawr-eu gar), Beqtuvluv, zaqlanr deuq-euq ghanrcae nae turlar-awr heulof-aer aer-eu mae:

Gʼaˬkʼehˇ 13:48

Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Gʼaˬkʼehˇ 13:52

Khoerngae, zaqlanr deuq laqkhaq caer-eu jeq hawr-eu Yawshawr Saflar tiqbyanni byanluf-eu mae.

Gʼaˬkʼehˇ 14:27

Aqyawfnyaf ghofkeuvle ngae, Kalizaq armur-anr tiqgar kuruiq-awr, Miqyaer, aqyawf nyaf-anr ghoe-awr kharmr kharshar-euq garkawv hawr-eu, aqcawq tsawrjeuq tsawrca, Kali-anr janlarni Miqyaer larghov aqjox-aer pannaeq-euq garkawv, aqyawf maf-anr dzawrnaeq-euq mae.

Gʼaˬkʼehˇ 15:1

Khoerngae, Yurdav mirkhanq-anr jawr-eu tsawrhaq tiqpavnav deuq oeka-awr, aqyuif aqnyir deuq-anr maeqnaeq tsovnaeq-eu lafkhoer aer-eu, “Nawmaf, Morseq-euq zanrtaq khoftaq jav-eu lof-aer, bawkhov maeqdzaq maqyaeq nar-aq, maqbuq-ir nya-a.”

Gʼaˬkʼehˇ 15:12

Khoerngae, uiqlar-euq tsawrhaq dawqtawvluf ciqcurni jawr-awr, Baqnaqbar hawr-eu Pawrluv dzawrnaeq-eu gar narhaq luf-eu mae. Miqyaer, aqyawf nyaf-anr ghoe-awr, aqcawq tsawrjeuq tsawrca-euq ghanrcae bisiq bimawr-eu jeq hawr-eu zanqler paq-aer ghae-eu jeq ghawqmya’ni mr-euq garkawv dzawrnaeq-euq mae.

Gʼaˬkʼehˇ 15:22

Khoermirnae, aqyawf maf-euq lafkhoer nae tsawrhaq tserdov-awr, Pawrluv hawr-eu Baqnaqbar naeq-aer Aqdirawq-anr bi’ir ma laer ghaqkhaer deuq, aqyuif aqtsu deuq hawr-eu Kalizaq armur murlan-aer nuikhanr shir-eu mae. Aqyuif aqnyir deuq-euq ghanrcae sheuqghae luf-eu Baqsaqbav laer kur-eu Yurdav hawr-eu Siqlav-anr tserdov-awr bi’ir-euq mae.

Gʼaˬkʼehˇ 15:32

Yurdav hawr-eu Siqlav, aqnyaf khawf, Miqyaer gharduq ngaeqdan-eu tsawrhaq pyeuf-eu mirnae, aqyuif aqnyir deuq-anr dawq ghawqmya’ni ngaeqnaeq-eu lafkhoer maeqbawq bif-awr ghaq bi khavlar-euq mae.

Gʼaˬkʼehˇ 15:4

Aqyawfmaf, Yeqlursaqlaeq-anr lekeuv ngae, Kalizaq armur, ghaqkhaer deuq hawr-eu aqyuif aqtsu deuq, aqyawf maf-anr hageuf-euq mae. Khoerngae, Miqyaer, aqyawf nyaf-anr ghoe-awr kharmr kharshar-euq garkawv dawqtawvluf, aqyawf maf-anr dzawrnaeq-euq mae.

Gʼaˬkʼehˇ 17:15

Khoernar-aq, Pawrluv-anr sheuqha-ir-euq deuq, Aqteq-anr keuvni sheuqha keuv-ir-euq mae. Siqlav hawr-eu Tivmorseq-anr aqyawf jawr-eu gar yawkawr-aer oe laer, dawq bif-awr nae bi ghofler-euq mae.

Gʼaˬkʼehˇ 20:38

Aqkar nar-aq, nawmaf, ngaq-euq myavpyawq-anr maqpar ya’mawr-a laer Pawrluv nae aer-euq dawq khoerdawq-euq baqda’nae, aqyawfmaf noeqshaq duidui-eu mae. Khoernar-aq, aqyawfmaf, Pawrluv-anr lawq-anr sheuqur naeq-ir-euq mae.

Gʼaˬkʼehˇ 21:5

Khoergar jawr-eu arsaq saqlar ngae nan, nga’maf ghawq-awr maeqhu paw irghae-euq ma. Aqyawfmaf hawr-eu aqyawf maf-euq zaqmiqzaq deuq hawr-eu zaqdeuq dawqtawvluf khawf, meuq-euq meuqdzer keuvni nga’maf-anr sheuqha le-euq mae. Nga’maf iqmalavshav-euq lawrdzer-anr pawqtsuif pawqdmq dmq-awr guiqlanq shar-euq ma.

Gʼaˬkʼehˇ 28:15

Khoergar jawr-eu aqyuif aqnyir deuq, nga’maf larluf-eu mae laer yagaq-euq mirnae, Aqpir laer kur-eu laev-anr hawr-eu daqyan Yafduq Smqnymr laer kur-eu tsanr-anr keuvni oe-awr, nga’maf-anr hageuf laqle-euq mae. Pawrluv, aqyawf maf-anr ya’mawr ngae, Miqyaer-anr jaceuq-awr, nuima ghaq anrlar-euq mae.

Gʼaˬkʼehˇ 8:14

Saqmaqliv tsawrhaq, Miqyaer-euq dawq-anr hageuf-euq garkawv, Yeqlursaqlaeq-anr jawr-eu ghaqkhaer deuq yagaq ngae, Beqtuvluv hawr-eu Yorhaq-anr aqyawfmaf jawr-eu gar khaerghae-euq mae.

Lormav 15:24

Ngar, Saqbeq-anr le ngae, nawmaf jawr-eu gar lar taef-a. Aqjeq mirnae aernar-aq, ngar, nawmaf-anr jeqhu ya’mawr-awr nawmaf naeq-aer cawq tiqkhaeq yacawq-eu gar noeqtmq-eu uqtaf, ngar, Saqbeq-anr lenya’ni nawmaf cawba naeqlaf-eu gar khawf noeqtmq-eu ma.

1 Gawˇliˬtu 16:11

Khoermirnae, aqyawf-anr tiqghaq-iq maq hawdoer-aer, aqyawf, ngar jawr-eu gar ghofle-eu gharduq, aqyawf nuisar of-eu lafkhoer maeqhu paw sheuqha dovle naeq-awq. Aqjeq mirnae aernar-aq, aqyawf, aqyuif aqnyir deuq naeq-aer ghofle-eu gar ngar dawqluf-eu ma.

1 Gawˇliˬtu 16:6

Ngar, nawmaf naeq-aer tiqkhaeq jawr-eu paq. Maqngeur nar-aq, tsanqgav yamq jawr jir-eu maqsiq laer noeq-eu ma. Khoernar-aq, ngar aqgeu paw ir-eu maqkaq, nawmaf, ngaq-anr maeqhu paw sheuqha-ir naeqlaf-eu gar noeqtmq-eu ma.

2 Gawˇliˬtu 1:16

Maqgeqdawrniv mirkhanq-anr le-eu paw jaw-aer nawmaf jawr-eu gar urlar-awr, Maqgeqdawrniv mirkhanq-anr nae ghofle ngae khawf, nawmaf jawr-eu gar ghofurle ma laer noeqtaq-euq ma. Khoernar-aq, nawmaf nae ngaq-anr Yurdav mirkhanq-anr bi sheuqha-ir ma laer khawf noeq-euq ma.

Tiˇtuˆ 3:13

Yarkhaq ja-eu tsawrhaq pyeuf-eu Seqnar hawr-eu Aqpawrluv-anr yawkawr-aer bilar-awq. Aqyawfnyaf lar ngae, kharmawf-eu yawqjeq navluf cawba naeq-awq.