Gʼaˬkʼehˇ 13:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Aqyawfmaf, Sanqpaq Miqyaer-anr uqduq tanqtanq-aer dzardzaq sheuqluf ngae, Yawshawr Saflar, aqyawf maf-anr aernaeq-eu, “Ngaq nae aqyawf nyaf-anr kurtaq-awr bi mr-eu laer ghaer-eu gar deuq-anr mrni, ngaq-euq gharduq Baqnaqbar hawr-eu Sawrluv-anr tserpavdov taq-awq.”

Akha

² Aˬ yawꞈ maꞈ maˬ dzaˬ-eu zahˇ jahˇ-awˇ Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ ngeh, Muiˬ-eu shawˇ-eu Yaw sahˇ Miˬyehˇ aˬ yawꞈ maꞈ-ahˇ ehˇ-eu, “Ngaˬ neh a yawꞈ nyaꞈ-ahˇ bi mˇ-eu lehˇ kuˇ-euˬ gaˇ deuˬ-ahˇ bi mˇ-eu gʼaˇ duˬ, Baˬnaˬbaˇ hawˇ-eu Sawˇluˆ aˬ ha nyaꞈ-ahˇ tseˇ doˆ-awˇ bi jawˇ-awˬ.”

Gʼaˬkʼehˇ 13:2 ပူးပေါင်းရင်းမြစ်များ

Maꞈtehˬ 17:21

Aerkhawf, naef heujeq-anr-aq, dzardzaq sheuq-awr guiqlanq shar-eu maqngeur nar-aq, maq taedov nya-a.”

Maꞈtehˬ 6:16

“Nawmaf dzardzaq sheuq-awr guiqlanqshar ngae, yawmuiq janrgeuf-eu tsawrhaq lof-aer myavpyawq nyoeqkheurni taqjawr. Aqjeq mirnae aernar-aq, aqyawf maf-aq, dzardzaq sheuq-awr guiqlanq sharluf nga laer, aqcawq bisiq bimawr-eu laer, myavpyawq nyoeqkheurni jawr-eu mae. Ngar, nawmaf-anr aqdirma-aer aernaeq nyar, aqyawf maf-aq, yawqha-euq guiqlanq yawqha zadzeur-euq mae.

Maꞈtehˬ 9:38

Khoermirnae, Aqyawf-euq caeryar-anr caer yaeq-eu tsawrhaq bi’oe-awq laer caer lavluiv-eu Sanqpaq Miqyaer-anr shar-awq.”

Luˇkaꞈ 10:1

Khoernar-aq, Sanqpaq Yeqsur, zaqlanr nuideuq 70 ghaq-anr tsaqtsov-awr, aqyawf kharir-eu laer ghae-eu meuqdeuq pudeuq-anr, tiqpaw nyiq ghaq nyiq ghaq-aer aqyawf-euq maeqhu bi’ir-euq mae.

Luˇkaꞈ 2:37

Nymq-mr aqyawf 84 khof khawvlar-euq mae. Aqyawf, uqduq tanqnymr nymrma-anr taef-aer jawrjawr-aer uqcif nan’ghanr maqaer, dzardzaq sheuqsheuq-aer guiqlanq shar-awr Miqyaer-anr uqduq tanqluf-eu mae.

Gʼaˬkʼehˇ 10:19

Beqtuvluv mawrle-euq jeq-euq garkawv sharnoeqluf ngae, muiq-eu Saflar, aqyawf-anr heulof-aer aer-eu mae: “Hawsher-eq, tsawrhaq smr ghaq, nawq-anr povluf-eu mae.

Gʼaˬkʼehˇ 10:30

Khoerngae, Gorneqlir heulof-aer aer-eu mae, “Dzeurlaf-euq oeq nan ngae nan-anr nae heuyamq-anr keuvni, ngar dzardzaq sheuq-euq ma. Uqciftaw naqliq smr laf-anr ngar, irkanr-euq lafkhoer guiqlanq sharluf ngae, tsawrhaq tiq ghaq yawshaef bya-eu maeqtsoeq dm-awr, ngaq-euq maeqshi yawfle-awr,

Gʼaˬkʼehˇ 13:3

Khoernar-aq, aqyawfmaf dzardzaq sheuq-awr guiqlanq shar-eu lafkhoer, aqyawf nyaf-euq khoertav aqlaf bafdav naeq-awr khaerdov ghae-euq mae.

Gʼaˬkʼehˇ 13:4

Khoermirnae, Yawshawr Saflar, aqyawf nyaf-anr khaer-eu lof-aer, Seqlurgir meuq-anr irka-awr, khoergar nae lawq-anr dziq-awr, Gurbaqlur irjawlanr-anr irghae-euq mae.

Gʼaˬkʼehˇ 14:26

Khoergar nae nar-aq, lawq dziq-awr Aqdirawq-anr ghofkeuv-ir-euq mae. Yawbae, meuq khoermeuq-euq lafkhoer jawr ngae, aqyawfnyaf, Miqyaer-euq gar mr-eu gharduq, aqcawq, aqyawf nyaf-anr Miqyaer-euq guiqlanq yawdzanr-euq lafkhoer a’naeq-euq mae. Nymq-mr aqyawfnyaf gar khoer-anr mrluiv-euq mae.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 22:21

Khoerngae, aqyawf, ngaq-anr aernaeq laf-eu, ‘Nawr ir-awq. Ngar, nawq-anr garmanr kaq-eu gar jawr-eu aqcawq tsawrjeuq tsawrca jawr-eu gar khaerghae-eu ma.’ ”

Gʼaˬkʼehˇ 4:36

Gurbaqlur irjawlanr-anr daefle-euq Leqbir arjeuq arca Yorsaev laer kur-eu tiq ghaq jawr-eu mae. Ghaqkhaer deuq, aqyawf-anr Baqnaqbar laer myanrpar naeq-euq mae (Baqnaqbar laer aer-eu-aq, “Ghaq bif-eu zaqyo” laer aermawf-eu mae).

Gʼaˬkʼehˇ 6:4

Aerkhawf, nga’maf-aq, guiqlanq shar-awr, Yaerdawq-anr taf-eu guiqlanq-euq gar-anr taef-aer noeqtsov taq-awr mr ma.”

Gʼaˬkʼehˇ 8:29

Khoerngae, muiq-eu Saflar, Pirlirpuv-anr aernaeq-eu, “Nawr, manq lavlawq-anr taemir-awr, manq lavlawq naeq-aer ir-awq.”

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Lormav 1:1

Ngar-aq, Yeqsur Kali-euq kuirlaf zaqkhav Pawrluv ma. Miqyaer, ngaq-anr ghaqkhaer geuf laer kur-awr, Miqyaer-euq guiqlanq dawq-euq gharduq bi tserpav taq-euq tiq ghaq ma.

Lormav 10:15

Dawqmaeq maeq-eu tsawrhaq maq khaerghae-euq nar-aq, dawqmaeq aqjox-aer maeqnya-eu? Yaerbof-euq lafkhoer boftaq-euq lof-aer, “Nuisar of-eu guiqlanqdawq maeq-eu tsawrhaq deuq-euq aqkuir arnavni hawmuiq-eu nga. Aqyawfmaf, yawmuiq jeq-euq laqkhaq caer-eu guiqlanqdawq pi-awr canluf-eu mae.” (Isy 52:7)

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

1 Gawˇliˬtu 12:11

Aerkhawf, heudeuq dawqtawvluf bi pyeuflarni mr-eu ghaq-aq, muiq-eu Saflar mae. Aqyawf nuima tsaq-eu lof-aer, aqyawf ghaq aqyawf-anr daeqbirnaeq taq-euq mae.

1 Gawˇliˬtu 7:5

Dzardzaq sheuq-awr guiqlanq shar-eu gharduq, nyiq ghaqluf nuima tsaq-awr tiqkhaeq lafkhoer, maq yuftaf-eu laer maqngeur nar-aq, miqzaq yozaq-euq yawkaq maq yuftaf laer aer-eu maqtsaq-a. Khoer dzeur-euq nar-aq par yuftaf-awq. Heu-aq, nawmaf, yawqha-euq nuima-anr maq ghaqler-aer jawr ngae, naef Saqdaq, nawmaf-anr maqbi murni khmq-eu jeq pyeuf-eu mae.

2 Gawˇliˬtu 11:27

Laejae-awr gar mr-euq mirnae ghaqdoerdoer duidui-awr, maqmyanr kaq-anr maqya yufdaev-eu uqtaf, hawq maef-awr ircuf maef-eu hawr-eu ghawqmya pov maqdzaq maqdawrni dzanq-euq ma. Yawgav gavgav-aer nermyawvni khawf ya shaqhaw-euq ma.

2 Gawˇliˬtu 6:5

diq-eu, kuv-anr dawv-eu, tsawrhaq baqmaf-aer luiqgha lar-eu, gar yawkhav-aer mr-eu, maqya yufkhav daev-eu hawr-eu maqya dzaq maqya dawr-eu, heudeuq-anr daqdaq-aer mr-euq ma.

Gaˬlaˬtiˆ 1:15

Aerkhawf, ngar, aqma-euq uqpanq-euq lafkhoer urngae nae ngaq-anr tserdov-awr, aqyawf-euq guiqlanq yawdzanr nae ngaq-anr kurnaeq laf-euq Miqyaer-aq,

Eˇpeˇsu 3:7

Miqyaer-euq baoq gar mr-eu lafkhoer, Miqyaer, ngaq-anr lafsawq lof-aer, aqyawf-euq guiqlanq yawdzanr bifnaeq laf-euq mirnae, ngar kuirlaf zaqkhav geuflar-euq ma.

Gawˇlawˇsehˇ 4:17

Aqgirpuv-anr heudawq aernaeq-awq, “Sanqpaq Miqyaer-anr nae za-euq guiqlanq-euq gar, nawr mrluiv jirnya ngae keuvni yawmuiq-aer mr-awq.”

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

2 Tiˆmoˇseˬ 4:11

Ngaq naeq-aer-aq, Lurkaf jawr-eu taef mae. Maqkuv-anr cawq-awr, nawq naeq-aer sheuqcaw laf-awq. Aqjeq mirnae aernar-aq, aqyawf-aq, ngar guiqlanq-euq gar mr-eu gar gardanr tsoeq-eu mae.

2 Tiˆmoˇseˬ 4:5

Aerkhawf, nawr-aq, yawqjeq navluf-euq lafkhoer yawqha-euq nuima-anr ghaqler-eu tsawrhaq pyeuf-awq. Shaqzanq nargawr-anr daq-awr, guiqlanqdawq maeq-eu uqtaf, nawq-euq guiqlanq-euq gar mrluiv-awq.

HeˬByehˇ 5:4

Tsawrhaq tiqghaq-iq yawqhar yawqha Pirma yawhuiq ghaq maq tsaqgeuf nya-a. Miqyaer nae Aqloq-anr kur-euq lof-aer, Miqyaer nae bikur-euq tsawrhaq taef-aer geufnya-eu mae.