Gʼaˬkʼehˇ 12:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Khoermirnae, Heqlor, Beqtuvluv-anr nyaef-awr kuv-anr dawvtaq-euq mae. Aqyawf-anr guirzaq oeq ghaq tiq mur murtaq-euq, oeq mur nae bilof-euq mae. Baqsaqkaq yawbui dzeur-euq nar-aq, aqyawf-anr mirkhanqzaq-euq maeqshi yarkhaqdar ma laer noeqtaq-euq mae.

Akha

⁴ Beˬtuˆluˆ-ahˇ nyehꞈ gʼaˬ ngeh, paꞈ kuˆ-ahˇ dawˆ-awˇ, tiˬ muˇ-euˬ oeˬ gʼaˬ byah-eu yehˇ oeˬ muˇ neh bi loꞈ-euˬ meh. Baˬsaˬkaˬ Bawˬ-iˬ gʼeh gʼaˬ naˇ, miˇ kʼahˬ zaˬ-euˬ mehˬ shi tsahˇ doˆ-awˇ yaˇ kʼaˬ daˇ-eu gʼaˇ duˬ, Heˬloˆ lehˬ hmˬ taˬ-euˬ meh.

Gʼaˬkʼehˇ 12:4 ပူးပေါင်းရင်းမြစ်များ

Luˇkaꞈ 22:33

Beqtuvluv, aqyawf-anr aernaeq-eu, “Sanqpaq-or! Ngar, nawq naeq-aer kuv-anr ur-ir-eu hawr-eu shir-eu gharduq khawf laeqhmqdan taq-euq ma.”

Dawqdaq 19:21

Tsawrhaqzaq-euq nuima-euq lafkhoer. Bawqtov ghawqmya’ni anr-eu law-awr khawf, Ya’we Miqyaer-euq maeqbawq taef-aer zifnya-eu mae.

Luˇkaꞈ 21:12

“Aerkhawf, heudeuq dawqtawvluf maq pyeuflar-euq minav-aer, aqcawq, nawmaf-anr nyaef-awr, khaeqlar khavlar taef-a. Aqcawq, nawmaf-anr zanrdawq khawqnymr-anr a’naeq-awr, kuv-anr khawf nyaefur naeqlaf taef-a. Ngaq-euq tsawrmyanr baqda’nae, nawmaf-anr sanqpaq deuq hawr-eu uvlanr-eu deuq-euq maeqshi sheuqghae naeqlaf taef-a.

Gʼaˬkʼehˇ 4:28

Aqyawf maf-aq, nawr nuima tsaq-eu lof-aer nawq-euq aqlaf nae mr ma laer noeqtaq-euq lof-aer pyeuflarni mr-eu gharduq mae.

Gʼaˬkʼehˇ 4:3

Khoermirnae, aqyawf nyaf-anr nyaef-awr, khoerngae nan uqcif cifle-euq mirnae, nishawq ngae nan keuvni kuv-anr nyaefur taq-awr bijawr-euq mae.

Yoˇhaˬ 21:18

Ngar, nawq-anr aqdirma-aer aernaeq nyar, nawr zaqguq ngae, yawqhar yawqha jofpaf paf-awr, khar irmawf-eu gar ir-eu mae. Aerkhawf, nawr mawq-ir ngae, nawr aqlaf cawqja-awr, aqcawq, nawq-anr jofpaf pafnaeq-awr, nawr maq irmawf-eu gar sheuqghae naeqlaf taef-a.”

Maꞈtehˬ 26:5

Aerkhawf, aqyawfmaf aer-eu, “Yawbui builuf ngae, aqyawf-anr taqnyaef law siq. Khoerlof-aer janr nar-aq, mirkhanqzaq luiqgha lar-eu gar yayanr nga.”

Maꞈtehˬ 24:9

“Khoerngae, aqyawfmaf, nawmaf-anr khaeq-awr khav-eu jeq-euq lafkhoer a’naeq-awr nawmaf-anr saef taef-a. Ngaq-euq tsawrmyanr baqda’nae, mirkhanq-euq tsawrjeuq dawqtawvluf nawmaf-anr byae taef-a.

Dawqdaq 27:1

Nishawq-euq garkawv khanqsaer taqjaev. Aqjeq mirnae aernar-aq, Nawr, aqgeu nan-anr aqjeq pyeuflar-eu la laer maq siqnya-a.

Gʼaˬkʼehˇ 8:3

Aerkhawf, Sawrluv-aq, Kali-euq armur-anr lavcawv luf-eu mae. Aqyawf tiqnymr sair tiqnymr irir-aer, zaqmiq aqbur hawr-eu zaqyo aqli deuq-anr nyaef-awr kuv-anr dawvnaeq-eu mae.

Gʼaˬkʼehˇ 5:18

Khoerngae, aqyawfmaf, ghaqkhaer deuq-anr nyaef-awr kuv-anr nyaefur taq-euq mae.

Yoˇhaˬ 19:23

Guirzaq deuq, Yeqsur-anr lafyaq-euq khoertav taftaeq ghaq-euq nar-aq, aqyawf-euq maeqtsoeq yur-awr, oeq bymr bymr-awr nae, tiq ghaq tiq bymr geuf-euq mae. Lafkhoer dm-eu paerkhanq khoerkanr khawf aqyawfmaf yur-euq mae. Paerkhanq khoerkanr-aq, parkhawr maqbaw-aer, tiq kanr kanrlanni zaf-awr zaftaq-euq mae.

Maˬkuˆ 14:1

Baqsaqkaq yawbui bui-eu hawr-eu daeqtseq maqdawv-euq kaqmur yawbui bui-eu aryamq maq keuvlar-euq nyiq nan ca ngae, pirma aqyuif deuq hawr-eu zanr maeq-eu deuq jaqmyawf maershuir-euq lafkhoer aqjox-aer ghae-awr nae, Yeqsur-anr nyaef-awr saefdzae nya-eu paq nga laer jawqluf-eu mae.

Gʼaˬkʼehˇ 12:3

Khoerlof-aer saef-eu gar Yurdav tsawrhaq nuikhanrshir nga laer, aqyawf ya’mawr ngae, Beqtuvluv-anr khawf parnyaef-euq mae. Khoerngae yamq-aq, Daeqtseq maqdawv-euq kaqmur dzaq-eu yawbui-anr tsaq-eu mae.

Gʼaˬkʼehˇ 12:5

Khoermirnae, Beqtuvluv kuv-anr bi kaflanr taq-euq mae. Aerkhawf, Kalizaq armur-aq, maq naqlerni aqyawf-euq gharduq Miqyaer-anr guiqlanq shar-euq mae.