Gʼaˬkʼehˇ 10:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Gaersaqlir-anr Gorneqlir laer kur-eu tiq ghaq jawr-eu mae. Aqyawf-aq, Irdaqliq Guirmaf laer kur-eu guirmaf tiq mur-euq yardzoeq guirhuq tiq ghaq mae.

Akha

¹ Gehˇsaˬliˇ miˇ kʼahˬ-ahˇ Gawˬ neˬ liˇ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-aˬ, “Iˬtaˬliˬ guiˇ maꞈ” lehˇ kuˇ-eu Loˆmaˆ guiˇ maꞈ tiˬ maꞈ kʼoeˇ taˆ uˆ lahˇ luꞈ-eu yaw huiˬyaw mahˇ tiˬ gʼaˬ meh.

Gʼaˬkʼehˇ 10:1 ပူးပေါင်းရင်းမြစ်များ

Maꞈtehˬ 27:27

Khoerngae, meuqsanr-euq guirzaq deuq, Yeqsur-anr guirmaf dzoeqnymr-euq lafkhoer sheuqur lef-awr, guirzaq tiq mur murlanni, Yeqsur jawr-eu gar tiqjawq bi uiqlar-euq mae.

Maꞈtehˬ 27:54

Khoerngae, yardzoeq guirhuq hawr-eu aqyawf naeq-aer Yeqsur-anr lofluf-eu guirzaq deuq, mirluv luv-eu gar hawr-eu khar pyeuflar-euq deuq-anr ya’mawr ngae, guv duidui-ir-awr aer-eu, “Tsawrhaq heughaq-aq, aqdirma-aer Miqyaer-euq Zaqyo ngar-a!”

Maˬkuˆ 15:16

Khoerngae, guirzaq deuq, Yeqsur-anr guirmaf dzoeqnymr-euq lafkhoer sheuqur lef-awr, guirzaq tiq maf maflanni Yeqsur jawr-eu gar bi uiqlar-euq mae.

Luˇkaꞈ 7:2

Khoergar, yardzoeq guirhuq tiq ghaq jawr-eu mae. Aqyawf zawr gaq-eu kuirlaf zaqkhav tiq ghaq shir paq-aer narluf-eu mae.

Yoˇhaˬ 18:12

Khoerngae, guirzaq khoermaf, tanrdzoeq guirhuq hawr-eu Yurdav tsawrhaq-euq lofpir-eu kuirlaf deuq laer Yeqsur-anr nyaef-awr paf-euq mae.

Yoˇhaˬ 18:3

Yurdav-aq, pirma aqyuif deuq hawr-eu Paqliqsaer deuq nae khaerghae lef-euq lofpir-eu kuirlaf hawr-eu guirzaq tiq maf sheuq-awr oe-euq mae. Aqyawfmaf tsirkhmq dof-awr, miqdof keuq-awr, guirdeuv keuka khawf yur-awr, yarkmr-anr oekeuv taq-euq mae.

Gʼaˬkʼehˇ 10:24

Sarpaeq ngae nan, aqyawfmaf, Gaersaqlir-anr lekeuv-euq mae. Gorneqlir, aqyawf-euq aqyuif aqnyir hawr-eu cawq yawghoer deuq kuruiq-awr, aqyawf maf-anr dawqluf-eu mae.

Gʼaˬkʼehˇ 21:31

Aqyawfmaf, Pawrluv-anr saef-eu laer povluf ngae, Yeqlursaqlaeq meuq meuqlanni luiqgha luf-eu garkawv, tanrdzoeq guirhuq-anr tsafgaq ler-euq mae.

Gʼaˬkʼehˇ 21:8

Nishawq ngae nan, Pawrluv naeq-aer canluf-eu nga’maf dov-ir-awr, Gaersaqlir-anr irkeuv-euq ma. Pirlirpuv laer kur-eu guiqlanqdawq maeq-eu ghaq-euq nymr-anr urler-awr, aqyawf naeq-aer yaf-euq ma. Aqyawf-aq, cawba-eu shif ghaq-euq lafkhoer keuq-eu tiq ghaq mae.

Gʼaˬkʼehˇ 22:25

Aqyawfmaf, aqyawf-anr shaqkhov arcav nae paf-awr juif-eu laer ghae ngae, Pawrluv, aqyawf-euq dawqpae yawfluf-eu yardzoeq guirhuq-anr narhaq-eu, “Nawmaf, Lormav tsawrhaq-anr yarkhaq maqdar-euq minav-aer juif-eu zanr jav-eu le laq?”

Gʼaˬkʼehˇ 23:23

Khoerngae, tanrdzoeq guirhuq khoerghaq, yardzoeq guirhuq nyiq ghaq-anr kur-awr heulof-aer aernaeq-euq mae, “Nymrcif naqliq ghoeq laf-anr Gaersaqlir-anr ir-eu gharduq, guirdeuv deuv-eu guirzaq 200 ghaq, manq dziq-eu guirzaq 70 ghaq hawr-eu, ganq baf-eu guirzaq 200 ghaq laeqhmq taq-awq.

Gʼaˬkʼehˇ 23:33

Manq dziq-eu guirzaq deuq, Gaersaqlir-anr irkeuv-awr, meuqsanr Peqlir-anr sanqbof khoertaf bifnaeq-awr, Pawrluv khawf aqyawf-anr a’naeq-euq mae.

Gʼaˬkʼehˇ 25:1

Beqtur, mirkhanq khoerkhanq-anr larkeuv-euq smq nan byanlar ngae, Gaersaqlir-anr nae Yeqlursaqlaeq-anr le-euq mae.

Gʼaˬkʼehˇ 25:13

Ghawqmyanr maqghae-aer, sanqpaq Aqgirpav hawr-eu Beqlaqnir, Beqtur-anr dawqcawq puqlar-eu laer Gaersaqlir-anr lar-euq mae.

Gʼaˬkʼehˇ 27:1

Nga’maf-anr lawq-anr bidziq-awr, Irdaqliq mirkhanq-anr bi’ir ma laer noeqtsaev ghaq-euq nar-aq, Pawrluv hawr-eu kuv-anr ur-eu nuideuq-anr, Awrgurtuv guirzaq tiq mur-anr taf-eu, Yurluv laer kur-eu yardzoeq guirhuq-euq aqlaf-anr a’naeq-euq mae.

Gʼaˬkʼehˇ 27:31

Khoerngae, Pawrluv, yardzoeq guirhuq hawr-eu guirzaq deuq-anr aernaeq-eu, “Tsawrhaq teudeuq lawq-euq lafkhoer maqjawr nar-aq, nawmaf maqbuq-ir nya-ar.”

Gʼaˬkʼehˇ 27:43

Aerkhawf, yardzoeq guirhuq ghaq, Pawrluv-anr bibuq-ir mawf-eu mirnae, khoerlof-aer maqbi janrni lavtsoeq-euq mae. Khoerngae, yardzoeq guirhuq dawq bif-awr, irdiq diqnya-eu deuq-aq, aqcawq-euq jeqhu ircuf-anr tsawqpuf-awr lawrdzer irdiq bi diqdov ghae-awr,

Gʼaˬkʼehˇ 8:40

Khoernar-aq, Pirlirpuv, Aqcov meuq-anr jawr-eu gar bimawr-euq mae. Aqyawf, meuq yawqmeuq navluf-anr cantsaev ngae, guiqlanqdawq maeqmaeq-aer Gaersaqlir-anr lekeuv-euq mae.