Gʼaˬkʼehˇ 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Akha

³ Aˬ yawꞈ aˬ diˇ aˬ maˇ dehꞈ luꞈ-eu gaˇ kawˆ noeˬ bahˬ kʼaˇ maˬ bi za-eu gʼaˇ duˬ, aˬ yawꞈ shiˇ gʼaˬ naˇ kʼah, aˇ yamˬ oeˬ tseˇ nah laꞈ kʼoeˇ aˬ yawꞈ maꞈ jawˇ gaˇ gʼawˬ mya poˆ doˆ le-euˬ meh. Aˬ yawꞈ maꞈ aˬ yawꞈ-ahˇ mawˇ-awˇ, Miˬyehˇ Miˇkʼahˬ gaˇ kawˆ aˬ yawꞈ maꞈ-ahˇ aˬ yawꞈ ja mehˬ-euˬ meh.

Gʼaˬkʼehˇ 1:3 ပူးပေါင်းရင်းမြစ်များ

Maꞈtehˬ 21:43

“Khoermirnae, ngar, nawmaf-anr aernaeq nyar, Miqyaer uvlanr-eu jeq nawmaf-euq lafkhoer nae yurdov-awr, Miqyaer uvlanr-eu jeq-euq arsiq siqle-eu tsawrjeuq tsawrca-anr bifnaeq taef-a.

Maꞈtehˬ 28:9

Aqyawf-euq zaqlanr deuq-anr dzawrnaeq ler-eu laer ghoflerluf ngae, Yeqsur, aqyawf nyaf-euq maeqshi dovle-awr aer-eu, “Nuisar of luf-ur.” Aqyawfnyaf, aqyawf jawr-eu gar lepae-awr, aqyawf-euq aqkuir-anr byartaeq-awr, aqyawf-anr uqduq tanq-euq mae.

Maꞈtehˬ 3:2

“Noeqpov noeqpar-awq. Aqjeq mirnae aernar-aq, mqtav mirkhanq keuvle shaw-iq mae.”

Maꞈtehˬ 4:2

Aqyawf 40 nan 40 mir byanni dzardzaq sheuq-euq nar-aq, hawq maeflar-euq mae.

Maˬkuˆ 16:19

Sanqpaq Yeqsur, aqyawf maf-anr dawq khoerlof-aer ngaeqnaeq ghaq-euq nar-aq, mq-euq khoertav bi sheuqkhofdav lef-awr, Miqyaer-euq armar paw nuir-euq mae.

Yoˇhaˬ 20:26

Khoernar-aq, yaef nan dzeur-ir-awr, aqyawf-euq zaqlanr deuq, nymr-euq lafkhoer par uiqler-awr jawr ngae, Tormav khawf aqyawfmaf naeq-aer jawrluf-eu mae. Aqyawfmaf larghov dawqtawvluf piqtaeqjir taq-awr jawrluf ngae, Yeqsur urlar-awr, aqyawf maf-euq ghanrcae yawf-awr aer-eu, “Nawmaf, nuisar of luf-ur!”

Yoˇhaˬ 21:1

Khoernar-aq, Deqbeqlir lan landzer, Yeqsur, zaqlanr deuq-anr tiq pov parbi mawr-euq mae. Aqyawf, aqyawf-euq mawrdo bimawr-euq garkawv-aq heulof-aer mae.

Yoˇhaˬ 21:14

Yeqsur, shir-euq gar nae ghofdaef lar-euq nar-aq, aqyawf-euq mawrdo aqyawf-euq zaqlanr deuq-anr bimawr-euq heupov-aq, smq pov tiqpov mae.

Gʼaˬkʼehˇ 13:31

Gaqliqlaer mirkhanq-anr nae Yeqlursaqlaeq-anr keuvni, aqyawf naeq-aer le-euq deuq-anr, aqyawf-euq mawrdo ghawqmya nan bimawr-euq mae. Tsawrhaq khoerdeuq-aq, nymq-mr aqcawq-euq maeqshi aqyawf-euq sarkir kamq-eu tsawrhaq pyeuf-eu mae.

Gʼaˬkʼehˇ 19:8

Khoernar-aq, Pawrluv zanrdawq khawqnymr-anr urler urler-aer, khaqduqni bala smr siq aerghaqni, aqyawf maf-anr gheupyawr khof-eu gharduq, Miqyaer uvlanr-eu garkawv jasawx jasawx-aer jawr-euq mae.

Gʼaˬkʼehˇ 28:23

Khoernar-aq, aqyawfmaf, Pawrluv naeq-aer nanpax pax-euq mae. Khoernan keuvlar ngae, tsawrhaq ghawqmya’ni Pawrluv jawr-eu gar uiqlar-euq mae. Pawrluv uqshawq paw nae uqcif pawdzer keuvni, Miqyaer uvlanr-eu garkawv, aqyawf maf-anr sarkir kamqnaeq-awr, aqyawfmaf, Yeqsur-anr taf-eu paw pyawrlarni, Morseq-euq zanrdawq hawr-eu Miqyaer gharduq ngaeqdan-eu tsawrhaq deuq-euq sanqbof-anr ghoeghoe-aer, yawmuiq paq-aer dufyawrni ja’maeq naeq-euq mae.

Gʼaˬkʼehˇ 28:31

Aqyawf nuima khaqduqni anr-eu lafkhoer, Miqyaer uvlanr-eu garkawv dawqmaeq maeq-awr, Sanqpaq Yeqsur Kali-euq garkawv maeqnaeq tsovnaeq-euq mae. Aqyawf khoerlof-aer maeq-eu gar tiqghaq-iq maq lavtsoeq-a.

Gʼaˬkʼehˇ 8:12

Aerkhawf, Pirlirpuv, Miqyaer uvlanr-eu garkawv hawr-eu Yeqsur Kali-euq tsawrmyanr garkawv dawqmaeq maeq-eu gar aqyawfmaf janlar-awr, zaqmiq aqbur hawr-eu zaqyo aqli deuq khawf bartirsaq hageuf-euq mae.

Lormav 14:17

Aqjeq mirnae aernar-aq, Miqyaer uvlanr-eu jeq-aq, dzaq-awr dawr-eu garkawv maqngeur-a. Yawshawr Saflar-euq lafkhoer, tsaq-awr dawr-eu, nuisar of-eu hawr-eu laqkhaq caer-eu jeq pyeuf-eu mae.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

1 Teˇsaˬloˇni 2:12

Miqyaer uvlanr-eu lafkhoer hawr-eu aqyawf-euq yawshaef khanqsaer-euq lafkhoer urlarni, nawmaf-anr kur-euq Miqyaer-anr geuxni yawdaef daef-awq laer nga’maf, nawmaf-anr dawq bif-euq ma.

1 Yoˇhaˬ 1:1

Ardanqbae ngae nae jawrluf-eu daef-eu jeq bif-eu dawq-anr nga’maf yagaq-awr, myavnuiv nae ya’mawr-euq uqtaf, ya hawduq-awr, aqlaf nae ya toeqciv-euq ma.