Gʼaˬkʼehˇ 1:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yeqsur, Yawshawr Saflar-anr ghoe-awr, aqyawf nae tserdov taq-euq ghaqkhaer deuq-anr dawq bifyaf-awr, mqtav bi sheuqdav lef-euq gar keuvni boftaq-euq ma.

Akha

² Aˬ yawꞈ-ahˇ mˬ kʼoeˇ taˆ bi ciˬ daˆ kʼoꞈ gʼeh ngeh nah-ahˇ keuˆ ni boꞈ taˬ-euˬ ma. Aˬ yawꞈ-ahˇ mˬ kʼoeˇ taˆ maˬ bi ciˬ kʼoꞈ daˆ kʼoꞈ leꞈ mi naˆ-ehˇ, aˬ yawꞈ-euˬ gʼaˬ kʼehˇ bi geuꞈ-eu gʼaˇ duˬ aˬ yawꞈ neh tseˇ doˆ-euˬ tsawˇ haˬ deuˬ-ahˇ, Muiˬ-eu shawˇ-eu Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ aˬ yawꞈ mehˬ yaꞈ tsoˆ yaꞈ-euˬ meh.

Gʼaˬkʼehˇ 1:2 ပူးပေါင်းရင်းမြစ်များ

Maꞈtehˬ 12:28

Ngar, Miqyaer-euq Saflar-anr ghoeghoe-aer naef-anr taedov-eu ngeur nar-aq, Miqyaer uvlanr-eu jeq nawmaf jawr-eu gar keuvle-euq mae.

Maꞈtehˬ 3:16

Yeqsur bartirsaq hageuf ghaq-euq naeq-aer, ircuf-anr nae dovlar-euq mae. Khoerngae, aqyawf-euq gharduq mq panlar-awr, Yawshawr Saflar, khaqkhoeq lof-aer zafka le-awr nae, aqyawf-euq khoertav zawdawf le-euq gar aqyawf ya’mawr-euq mae.

Maˬkuˆ 6:30

Khoerngae, ghaqkhaer deuq, Yeqsur jawr-eu gar ghofuiq lar-awr, aqyawfmaf nae mr-awr shar-euq, maeq-awr tsov-euq jeq dawqtawvluf, aqyawf-anr dzawrnaeq lar-euq mae.

Luˇkaꞈ 24:51

Khoerngae, heulof-aer pyeuflar-euq mae. Dawq ngaeqghae naeqluf ngae, Yeqsur, aqyawf maf-anr nae ghawq-ir-awr, mq-euq khoertav bi sheuqdav lef-euq mae.

Luˇkaꞈ 9:51

Khoerngae, heulof-aer pyeuflar-euq mae. Yeqsur-anr mq-euq khoertav bi hadav lef-eu aryamq paelarluf ngae, Yeqlursaqlaeq-anr le ma laer aqyawf noeqtsov taq-euq mae.

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Yoˇhaˬ 13:1

Baqsaqkaq yawbui bui-eu maq keuvlar-euq minav-aer, Yeqsur-aq, aqyawf, mirtsaq heu-anr yaghawq-awr, Aqda jawr-eu gar ya ghofler-eu aryamq keuvlar-euq mae laer siqnya luf-eu mae. Aqda-aq, mirtsaq-euq khoertav jawr-eu aqyawf-euq tsawrhaq-anr gaq-awr, arsaqsaq ngae keuvni, aqyawf, aqyawf maf-anr gaq-euq mae.

Yoˇhaˬ 13:18

“Ngar heulof-aer aer-eu-aq, nawmaf yawqghaq navluf-anr aer-eu maqngeur. Ngaq nae tserdov taq-euq tsawrhaq-anr ngar siqnya ma. Aerkhawf, ‘Ngaq naeq-aer kaqmur dzaqtaf-eu tsawrhaq, Aqyawf-euq kuirnuif bafdir-awr, ngaq-anr muirlar-eu mae,’ (Jc 41:9) laer Yaerbof-euq lafkhoer boftaq-euq lof-aer ya byanlar taef-a.

Yoˇhaˬ 13:3

Aqda Miqyaer nae aqyawf-euq aqlaf-euq lafkhoer yawqjeq navluf a’naeq jir-awr, aqyawf, Miqyaer jawr-eu gar nae oe-awr, Miqyaer jawr-eu gar ya ghofler-eu mae laer Yeqsur siqnya luf-eu mae.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

Yoˇhaˬ 17:13

“Aerkhawf, nymq-mr ngar, nawr jawr-eu gar ghoflar ma. Ngaq-euq laqkhaq caer-eu jeq aqyawf maf-euq lafkhoer byanlarni, mirtsaq-euq khoertav jawr ngae, ngar dawq heudeuq aernaeq-euq ma.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Yoˇhaˬ 20:21

Khoerngae, Yeqsur, aqyawf maf-anr par aernaeq-eu, “Nawmaf, nuisar of luf-ur! Aqda, ngaq-anr khaerghae lef-euq lof-aer, ngar khawf, nawmaf-anr khaerghae-eu ma.”

Yoˇhaˬ 3:34

Miqyaer nae khaerghae lef-euq ghaq-aq, Miqyaer-euq dawq ngaeq-eu mae. Aqjeq mirnae aernar-aq, Miqyaer, aqyawf-anr Yawshawr Saflar maqpaeq maq savjir coer-eu gar keuvni bif-eu mae.

Yoˇhaˬ 6:62

Tsawrhaq-euq Zaqyo, aqyawf-euq jawrduq-anr ghofdav ler-eu gar nawmaf ya’mawr nar-aq, aqjox-aer noeq nmr-mq?

Yoˇhaˬ 6:70

Khoerngae, Yeqsur, aqyawf maf-anr aernaeq-eu, “Nawmaf 12 ghaq-anr ngaq nae tserdov taq-euq maqngeur-a lor? Aerkhawf, nawmaf-euq lafkhoer keuq-eu tiq ghaq-aq, naef sanqpaq mae.”

Gʼaˬkʼehˇ 1:11

Aqyawfnyaf aer-eu, “Gaqliqlaer tsawrhaq deuq-or! Nawmaf aqjeq mirnae yawf-awr mq-anr hawluf-eu le? Nawmaf-anr nae mq-anr bi sheuqdav lef-euq Yeqsur heughaq-aq, aqyawf mq-anr bi sheuqdav lef-eu gar nawmaf nae ya’mawr-euq lof-aer, aqyawf tiq pov par zafka le-eu mae.”

Gʼaˬkʼehˇ 1:13

Aqyawfmaf meuq-anr ghofkeuv-ir-awr, aqyawfmaf yaf-eu laftav tiv-euq kuvlawv-anr ledav-euq-aq heudeuq mae: Beqtuvluv, Yorhaq, Yaqkov, Aqdaeqlaeq, Pirlirpuv, Tormav, Baqtawrlaqmaer, Maqtaeq, Aqlaqpaer-euq zaqyo Yaqkov, Sirmoq Zeqlur hawr-eu Yaqkov-euq zaqyo Yurdav.

Gʼaˬkʼehˇ 1:22

Yorhaq bartirsaq mrnaeq-eu aryamq-anr nae bae-awr, Yeqsur, aqdui jawr-eu gar nae bi sheuqdav lef-euq arnan aryamq-anr keuvni, aqdui naeq-aer keuq-eu tiq ghaq, Yeqsur ghofdaef lar-euq garkawv, aqduimaf naeq-aer sarkir kamq-eu tsawrhaq ya pyeuflar-eu mae.”

Gʼaˬkʼehˇ 1:9

Dawq khoerdeuq aerghaq-awr, aqyawfmaf hawluf ngae, aqyawf-anr bi sheuqdav lef-euq mae. Mqdmr tiq tsanq nae aqyawf-anr uvkaq le-awr, aqyawf-anr maqpar mawrnya-aq.

Gʼaˬkʼehˇ 10:38

Miqyaer, Naqzaqlaer tsawrhaq Yeqsur-anr Yawshawr Saflar hawr-eu baoq nae tsaqtsov-awr, aqyawf doedoe-aer can ngae, Miqyaer, aqyawf naeq-aer jawr-eu mirnae, yawmuiq jeq mr-awr, naef sanqpaq khaeq-awr khav-eu gar daqluf-eu tsawrhaq dawqtawv luf-anr bi taqler-euq mae.

Gaˬlaˬtiˆ 1:1

Ngar-aq, ghaqkhaer Pawrluv ma. Ngar ghaqkhaer geufluf-eu-aq, tsawrhaq nae bi geufnaeq laf-euq maqngeur-aer, tsawrhaqzaq nae aryaq bifnaeq laf-euq khawf maqngeur-a. Yeqsur Kali hawr-eu aqyawf-anr shir-euq gar-anr nae bi ghofdaef lar-euq Aqda Miqyaer nae bi geufnaeq laf-euq mae.

Eˇpeˇsu 2:20

Nawmaf-aq, ghaqkhaer deuq hawr-eu Miqyaer gharduq ngaeqdan-eu deuq nae dawqpaeq baetaq-euq gar tsovtsaf davlef-euq nymr mae. Yeqsur Kali-aq, lafcoer-euq lozif pyeuf-eu mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

HeˬByehˇ 9:24

Aqjeq mirnae aernar-aq, marmarni ghae-eu jawrduq-euq arbar taef-aer pyeuf-eu, tsawrhaqzaq nae tsovtaq-euq shawr-eu jawrduq-anr Kali urler-euq maqngeur-a. Aerkhawf, aqyawf, aqdui-euq danzar Miqyaer-euq maeqshi jawrni mq-euq khoertav urler-euq mae.

1 Beˬtuˆluˆ 3:22

Yeqsur mq-euq khoertav ghofdav ler-awr, Miqyaer-euq armar paw nuirluf-eu mae. Mqtav ghaqkhaer deuq, aryaq jav-eu deuq, baoq huiq-eu deuq, dawqtawvluf, aqyawf-euq lafov jawrluf-eu mae.

2 Beˬtuˆluˆ 3:2

arhu, shawr-eu Miqyaer gharduq ngaeqdan-eu deuq nae aertaq-euq dawq hawr-eu, Kakhof-eu ghaq pyeuf-eu Sanqpaq Yeqsur-euq ghaqkhaer pyeuf-eu nga’maf nae bif-euq dawqdeuq-anr khawf, maqbi ngaer-eu gharduq ma.

Panmaeq 1:1

Yeqsur Kali nae panmaeq naeqlaf-euq, ghawqmyanr maqghae-aer pyeuflar-eu laer ghae-eu garkawv heudeuq-aq, aqyawf-euq ghaqzaq ghaqkhaer deuq-anr bimawr-eu laer Miqyaer nae aqyawf-anr bif-awr, panmaeq naeq-euq mae. Aqyawf, mqtav ghaqkhaer-anr ghoe-awr garkawv heudeuq, aqyawf-euq ghaqzaq ghaqkhaer Yorhaq-anr bi siqnya-euq mae.

Panmaeq 2:11

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Nyiq pov tiqpov shir-eu jeq, ghaqler-eu tsawrhaq-anr maq lavnar nya-ar.” ’

Panmaeq 2:17

“Naqbawr tsof-awr gaqnya-eu tsawrhaq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq-anr, zaftaq-euq maqnav bidzaq-awr, khaqlo lopyur tiq siq bif ma. Khaqlo khoersiq-euq khoertav tsawrmyanr yawshuif boftaq-euq mae. Khaqlo khoersiq za-euq aqyawfghaq maqngeur nar-aq, tsawrmyanr khoermyanr-anr nuighaq tiqghaq-iq maq siqnya-a.” ’

Panmaeq 2:29

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’

Panmaeq 2:7

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawq-anr yawmuiq-aer narhaq-awq. Ngar, ghaqler-eu tsawrhaq deuq-anr, Miqyaer-euq Baqlaqdirsuv-euq lafkhoer daef-eu jeq bif-eu arbawr-euq arsiq bidzaq ma.” ’

Panmaeq 21:14

Meuq-euq lanr khoerlanr-aq, zeurdanr khaqlo 12 siq-euq khoertav ciqtaq-euq mae. Zeurdanr khaqlo-euq khoertav, Yawrzaq-euq ghaqkhaer 12 ghaq-euq tsawrmyanr boftaq-euq mae.

Panmaeq 3:13

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’

Panmaeq 3:16

Aerkhawf, nawr-aq, yawtsaef khawf maqngeur, yawlanr khawf maqngeur-aer lmrboqni taef-aer ghae-eu mirnae, ngaq-euq khaqmae-anr nae nawq-anr maevdzae ma.

Panmaeq 3:22

“Naqbawr tsof-awr gaqnya-eu tsawrhaq deuq, muiq-eu Saflar nae Kalizaq armur-anr aernaeq-euq dawqdeuq-anr yawmuiq-aer narhaq-awq.” ’ ”