Eˇpeˇsu 6:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aqda deuq-or! Nawmaf-euq zaqdeuq nuima paerlar paq-aer taqjanr. Nawmaf zaqciq zaqcu mr ngae, Sanqpaq Miqyaer nae maeqnaeq laf-euq lof-aer, aqyawf maf-anr maeqnaeq tsovnaeq-awr maeqbym naeq-awq.

Akha

⁴ Aˬ da aˬ ma deuˬ-oˇ, naw maꞈ-euˬ zaˬ deuˬ nui ma pehˇ ni taˬ jahˇ. Sahˬpaˬ Yeˬsuˇ-euˬ zahˇ sahˇ kʼoꞈ mehˬ nehˬ tsoˆ nehˬ-awˇ, bo saˆ huiˬ-awˬ.

Eˇpeˇsu 6:4 ပူးပေါင်းရင်းမြစ်များ

Dawqdaq 19:18

Noeqtmq-eu jeq jav ngae, Yawqha-euq zaq-anr maeqpar tsovpar-awq. Zaq cawv-ir paq-aer nawq-euq nuima ghaqbaf taqbaf.

Dawqdaq 22:15

Yawdzawq yawgan jeq, zaq-euq nuima-anr paftawf taq-euq mae. Dzawpar-eu darcuir nae, garmanr kaq-eu gar taedzae nya-eu mae.

Dawqdaq 22:6

Zaq can paq-aer ghae-eu garma maeqduq naeq-awq. Aqyawf arkhof lar ngae, garma heu-anr nae maqdov-ir-ar.

Dawqdaq 29:15

Darcuir hawr-eu maeqpar-eu jeq-aq, zaqsiq tsawrganr bif-eu mae. Aerkhawf, zaq-anr khar daefmawf-eu lof-aer bidaef nar-aq, aqma daqga-eu mae.

Dawqdaq 29:17

Nawq-euq zaqyo-anr dzawpar naeq-awq. Khoerlof-aer janr nar-aq, nawq-anr ghaqnaq biza naeqlaf-awr, Nawq-euq nuima-anr laqkhaq bicaer naeqlaf taef-a.

Eˇpeˇsu 6:3

“Khoerlof-aer yawzeubaw nar-aq, nawq-euq gharduq yawqjeq navluf muiq-awr, mirtsaq-euq khoertav daef ngae zirbaw zirza taef-a.” (Di 5:16)

Gawˇlawˇsehˇ 3:21

Aqda deuq-or! Zaq nuima paerlarni taq janrnaeq. Janrnaeq nar-aq, aqyawfmaf nuighaq baq-ir-eu baw-mr.

2 Tiˆmoˇseˬ 1:5

Nawr shawrjaevni jan-eu gar ngar noeqdov lar-euq mir-a. Nawr jan-eu heu-aq, yawbae nawqpiq Lawriv hawr-eu nawqma Urnir-euq lafkhoer anr-awr, nymq-mr nawq-euq lafkhoer khawf anr-eu gar ngar yawduq baw-eu ma.

2 Tiˆmoˇseˬ 3:15

Khoeruqtaf, nawr-aq, nyir ngae nae Yawshawr Yaerbof-anr siqnya luf-eu mae. Yaerbof khoer-aq, nawr, Yeqsur Kali-anr jan-eu mirnae, kakhof-eu jeq za’nya-eu zaqsiq tsawrganr bifnya-eu mae.