Eˇpeˇsu 5:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Akha

⁸ Naw maꞈ kʼawꞈ, yaw zahˇ laꞈ kʼoeˇ dehꞈ haw-euˬ tsawˇ haˬ deuˬ meh. Ehˇ kʼawꞈ, Sahˬpaˬ Yeˬsuˇ-euˬ tsawˇ haˬ pyeuꞈ laˇ gʼaˬ-euˬ miˇ neh, yaw shehꞈ laꞈ kʼoeˇ naw maꞈ jawˇ luꞈ-eu meh. Kʼoeˇ miˇ neh, yaw shehꞈ-euˬ zaˬ deuˬ loꞈ-ehˇ dehꞈ gʼeh-awˬ.

Eˇpeˇsu 5:8 ပူးပေါင်းရင်းမြစ်များ

Jaceuq 74:20

Dawqma sarjax-anr sharnoeq naeqlaf-awq; Aqjeq mirnae aernar-aq, mirtsaq-euq khoertav yawzanr kharjav-eu gar, Coeqler deuqlerni mr-eu deuq nae jawrbyanjir taq-euq mae.

Maꞈtehˬ 3:8

Nawmaf noeqpov noeqpar-euq gar geux-eu arsiq bi siqle-awq.

Maꞈtehˬ 4:16

Yawzanr-euq lafkhoer jawr-eu tsawrhaq heudeuq, Zawr bya-eu yawshaef-anr ya’mawr-euq mae. Mirkhanq heudeuq-anr hawr-eu shir-eu narshmr-euq uqmov nuirluv-eu tsawrhaq deuq-euq gharduq, yawshaef byadov le-euq mae.” (Isy 9:1-2)

Luˇkaꞈ 1:79

Yawzanr-euq lafkhoer shir-eu narshmr-euq uqmov jawr-eu tsawrhaq-anr yawshaef bya’naeq-awr, Aqdui-euq aqkuir-anr nuisar of-eu garma-anr sheuqmaeq naeqlaf taef-a.”

Luˇkaꞈ 16:8

Maqdawr-aer maqtsaq-eu myawqganq hawpir-eu heughaq zaqsiq tsawrganr zmqnya-eu mirnae, yawsanr ghaq, aqyawf-anr jaceuq-euq mae. Mirtsaq-euq zaqdeuq-aq, aqyawf maf-euq heuzir lafkhoer, yawshaef-euq zaqdeuq navmaqtser zaqsiq tsawrganr zmqnya dzaeq-eu mae.

Yoˇhaˬ 1:9

Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Yoˇhaˬ 12:35

Yeqsur, aqyawf maf-anr heulof-aer aernaeq-euq mae, “Nawmaf jawr-eu gar yawshaef tiqkhaeq bya-a siq. Yawzanr nawmaf-anr maqbi taemini, yawshaef bya ngae can-awq. Yawzanr-euq lafkhoer can-eu tsawrhaq-aq, aqyawf aqgeugar irluf-eu le laer maq siqnya-a.

Yoˇhaˬ 12:36

Nawmaf jawr-eu gar yawshaef byaluf ngae, nawmaf yawshaef-euq zaq pyeuflarni yawshaef-anr jan-awq.” Yeqsur dawq heudeuq ngaeqghaq ngae, aqyawfmaf jawr-eu gar nae dov-ir-awr yawzaf zaf-aer jawr-ir-euq mae.

Yoˇhaˬ 12:46

Ngaq-anr kharjan-eu tsawrhaq yawzanr-euq lafkhoer maqya jawrni, ngar yawshaef lof-aer mirtsaq-euq khoertav oe-euq ma.

Yoˇhaˬ 8:12

Yeqsur, aqyawf maf-anr tiq pov par aernaeq-eu, “Ngar-aq, mirtsaq-euq yawshaef ma. Ngaq-euq maeqnan cantae-eu tsawrhaq-aq, yawzanr-euq lafkhoer maqpar can-aer, daef-eu jeq bif-eu yawshaef za taef-a.”

Gʼaˬkʼehˇ 17:30

Dzeurlaf ngae, tsawrhaq nae maq siqnya-aer mr-euq deuq-anr Miqyaer hawdzeur-euq mae. Aerkhawf, nymq-mr yawqgar navluf jawr-eu tsawrhaq dawqtawvluf noeqpov noeqpar-awq laer dawq bif-euq mae.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Lormav 1:21

Aqyawfmaf, Miqyaer-anr siqnya-eu khawf, aqyawf-anr Miqyaer lof-aer maq ciqhuiq maq ciqmanr-eu uqtaf, guiqlanq-anr khawf maq jaceuq-a. Aerkhawf, aqyawfmaf tiqjeq-iq gardanr maqtsoeq-eu jeq taef-aer sharnoeq sharsawx-awr, maqganr-eu aqyawf maf-euq nuima zanrtsuini pyeuf-ir taq-euq mae.

Lormav 13:12

Uqcif dzeur-awr, uqbya byalar shaw-iq-eu ngar-a. Khoermirnae, yawzanr-euq gardeuq-anr byaerdzae yaf-awr, yawshaef-euq guirdeuv keuka dmdav kar-eur.

Lormav 2:19

Nawr, myavbaef-anr garma sheuqmaeq-eu tsawrhaq pyeuf-awr, yawzanr-euq lafkhoer jawr-eu tsawrhaq-anr yawshaef bya’naeq-eu tsawrhaq pyeuf-eu ma laer yawduq baw-eu mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

2 Gawˇliˬtu 3:18

Aqdui yawqghaq navluf-euq myavpyawq-anr saqpar maq daeqkaqni, pyawqhaw-anr hawluf-eu lof-aer, Sanqpaq Miqyaer-euq yawshaef khanqsaer-anr hawluf-eu ma. Aqdui, Sanqpaq Miqyaer-euq shaevdzeuf-anr durlarni, Sanqpaq Miqyaer-euq Saflar-euq baqda’nae, yawshaef khanqsaer tiqtiv sair tiqtiv javdzaeqlar luf-eu ma.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

2 Gawˇliˬtu 6:14

Nawmaf, Kali-anr maqjan-eu tsawrhaq naeq-aer taqgawf. Tsaq-awr dawr-eu jeq hawr-eu zanrdawq-anr leur-eu jeq aqjox-aer gmler nya-eu? Yawshaef hawr-eu yawzanr cawq aqjox-aer cawqtaf nya-eu?

Gaˬlaˬtiˆ 5:25

Aqdui, muiq-eu Saflar-euq lafkhoer daefluf-eu ngeur nar-aq, aqdui, muiq-eu Saflar-anr ghoeghoe-aer daefghae kar-eur.

Eˇpeˇsu 2:2

Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Eˇpeˇsu 4:18

Aqyawf maf-euq nuima myavbaef baef-ir-euq mirnae, aqyawfmaf tiqjeq-iq maq siqnya’ni pyeuf-ir-awr, Miqyaer nae biftaq-euq yawdaef daef-eu jeq-anr nae zanrdof kaq-ir-euq uqtaf, ghovshaw nya-eu jeq zanrtsuini pyeuf-ir-euq mae.

Eˇpeˇsu 5:2

Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Eˇpeˇsu 6:12

Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.

Gawˇlawˇsehˇ 1:12

Yawshaef-euq lafkhoer jawr-eu tsawrshawr deuq naeq-aer aqdui jeqbir of-eu tsawrhaq pyeuf-eu gar geuxni, janrnaeq laf-euq Aqda Miqyaer-anr jaceuq-awq.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

1 Yoˇhaˬ 1:7

Miqyaer, yawshaef-euq lafkhoer jawr-eu lof-aer, aqdui khawf yawshaef-euq lafkhoer daef nar-aq, aqdui tiqghaq tirghaq cawq cawqtaf taef-a. Khoeruqtaf, aqyawf-euq Zaqyo, Yeqsur Kali-euq shiq, aqdui-euq iqbax dawqtawv luf-anr tsiqshawr naeqlaf-eu mae.