Eˇpeˇsu 5:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Aqjeq mirnae aernar-aq, banq-awr joe-eu tsawrhaq, maqshawr-eu tsawrhaq, maerjuir juir-eu tsawrhaq hawr-eu, tanqpanq aqma mawrkawr-anr uqduq tanq-eu tsawrhaq-aq, Kali hawr-eu Miqyaer uvlanr-eu lafkhoer jeqbir maq za’nya-a laer nawmaf siqnya-eu mae.

Akha

⁵ Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ, jawꞈ dui dui-eu jeˬ mˇ-eu tsawˇ haˬ hawˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, Ka li-euˬ miˇkʼahˬ hawˇ-eu Miˬyehˇ Miˇkʼahˬ-ahˇ maˬ ya uˇ leˇ-a lehˇ naw maꞈ siˬ duˬ-awˬ. (Aˬ cawˬ-euˬ myawˬ-ahˇ mehˇ juiˇ juiˇ-eu tsawˇ haˬ-aˬ, pyuˇ shuiˇ myawˬ gahˬ-ahˇ uˬ duˬ tahˬ gaˇ duˇ-eu meh.)

Eˇpeˇsu 5:5 ပူးပေါင်းရင်းမြစ်များ

Gʼaˬkʼehˇ 20:32

“Aqyuif aqnyir deuq-or! Nymq-mr ngar, nawmaf-anr Miqyaer-euq aqlaf-euq lafkhoer hawr-eu aqyawf-euq guiqlanq yawdzanr-euq dawq-euq lafkhoer a’naeq-awr bi jawryaf ma. Guiqlanq yawdzanr-euq dawq khoer-aq, nawmaf-anr bihuiq bi manrlar nya-awr, lavshawr-euq tsawrhaq dawqtawvluf naeq-aer, nawmaf tiqkawv lof-aer jeqbir za’nya-eu mae.

Gʼaˬkʼehˇ 8:21

Miqyaer-euq maeqshi nawq-euq nuima maqdawr-eu mirnae, nawr garkawv heu-anr tiqjeq-iq maqtaf-aer, tiqpawf-iq maqgawf-a.

Gaˬlaˬtiˆ 5:19

Shiqshaq-euq nuikhanr-aq, byacaevni heudeuq mrdov laf-eu mae: banq-awr joe-eu, banq-awr muv-eu, maqshawr-eu jeq mr-eu, jawflafni daef-eu lafkhoer khar daefmawf-eu lof-aer daef-eu,

Gaˬlaˬtiˆ 5:21

maerjuir juir-eu, tsawrhaq lavsaef-eu, dzaqyaef dawryaef-eu, byaeqlaeq shaevdae-aer yawbui bui-eu hawr-eu heulof-aer ghae-eu deuq mrdov laf-eu mae. Heulof-aer ghae-eu deuq mr-eu tsawrhaq-aq, Miqyaer uvlanr-eu lafkhoer maqya urler-a laer arhu ngar, nawmaf-anr aernaeq-awr, nymq-mr khawf par aernaeq-eu ma.

Eˇpeˇsu 5:3

Nawmaf-aq, tsawrshawr pyeuf-eu gar tsaqni, aqcawq-euq myawq-anr maerjuir juir-eu, maqshawr-eu yawqjeq navluf hawr-eu, banq-awr muv-eu garkawv, nawmaf-euq yawkaq ja-eu taef-aer khawf taq jadov.

Gawˇlawˇsehˇ 1:13

Aqyawf, aqdui-anr yawzanr-euq baoq-euq lafkhoer nae bibuq-ir naeqlaf-awr, aqyawf zawr gaq-eu Zaqyo uvlanr-eu jeq-euq lafkhoer sheuqur naeqlaf-euq mae.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

1 Tiˆmoˇseˬ 6:10

Pyur-anr maerjuir juir-eu jeq-aq, yawdoer dawqtawv luf-euq dawqpaeq duqpur mae. Tsawrhaq tiqpavnav deuq, pyur-anr maerjuir juir-eu mirnae, Kali-anr jan-eu jeq-anr byaerdzae-awr, yawqha-euq nuima-anr micaer nae tsawv-euq lof-aer noeqshaq noeqzanq-eu ghawqmya jeq-anr yadaq-eu mae.

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

HeˬByehˇ 13:4

Tsawrhaq yawqghaq navluf oermr bar-eu jeq-anr taqhuiq-awq. Yufzar khawf yawshawr shawr-aer bijav-awq. Aqjeq mirnae aernar-aq, aqcawq-anr khaqmiq sheu-eu hawr-eu banq-awr joe-eu tsawrhaq deuq-anr Miqyaer yarkhaq darnaeq taef-a.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.