Eˇpeˇsu 5:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Jawflafni ghae-eu dawq, aqdzawq argan-euq dawq hawr-eu caeflaefka nirgha-eu dawq heudeuq, nawmaf tiqpawf-iq ngaeq-eu maqtsaq-a. Miqyaer-anr jaceuq-eu dawq taef-aer ngaeq-eu tsaq mae.

Akha

⁴ Jawꞈ dui dui-eu dawˬ, gaˇ dahˇ maˬ tsoeˬ-eu dawˬ hawˇ-eu, yaw jawꞈ jeˬ gaˇ kawˆ cehꞈ lehꞈ ka niˇ gʼa-eu dawˬ heu deuˬ-ahˇ naw maꞈ tiˬ pawꞈ-iˬ ngehˬ-eu maˬ tsaˬ-a.

Eˇpeˇsu 5:4 ပူးပေါင်းရင်းမြစ်များ

Jaceuq 33:1

Tsaq-awr dawr-eu tsawrhaq deuq-or! Ya’we Miqyaer-euq lafkhoer laqkhaq caer-awq. Dawrcoeni ghae-eu tsawrhaq, aqyawf-anr jaceuq-eu tsaq mae.

Jaceuq 92:1

Ya’we Miqyaer-or! Nawq-euq guiqlanq-anr jaceuq-eu arnavni muiq-eu nga. Gor duidui-eu ghaq-or! Nawq-euq tsawrmyanr-anr car-awr jaceuq-eu arnavni jaq-eu nga.

Dawqdaq 12:23

Noeqdanr doe-eu tsawrhaq-aq, Siqnya-eu tsawrganr zaftaq nya-eu mae. Aerkhawf, aqdzawq argan-euq nuima-aq, Yawdzawq yawgan jeq gurdov lef-eu mae.

Dawqdaq 15:2

Tsawrganr-euq maeqlar-aq, Siqnya-eu tsawrganr yawmuiq-aer zmq-eu mae. Aqdzawq argan deuq-euq khaqmae-aq, Yawdzawq yawgan jeq yoerdov lef-eu mae.

Dawqdaq 26:19

Yawqha-euq dawqpae jawr-eu tsawrhaq-anr maershuir shuir-awr, “Naqgha-eu taef le” laer aer-eu tsawrhaq mae.

Maˬkuˆ 7:22

smrkhoeq khoeq-eu, aqcawq-euq myawq-anr maerjuir juir-eu, yawcawv jeq mr-eu, jaqmyawf myawf-eu, jawflafni daef-eu, myavnav nav-eu, yaeqbawq saerlu-aer aer-eu, nuima huiq-eu, aqdzawq argan gan-eu,

Yoˇhaˬ 6:23

Sanqpaq Yeqsur, Miqyaer-euq guiqlanq-anr jaceuq-awr, aqyawfmaf kaqmur yadzaq-euq jawrduq khoertsanr-euq dawqpae, Deqbeqlir meuq-anr nae lawq tiqdeuq larkeuv taq-euq mae.

Lormav 1:28

Aqyawfmaf dirdaq-aer Miqyaer-anr maq siqnya mawf-eu lof-aer, maq noeqsiq maq noeqmawr nya-eu nuima bi anrlar-awr, maqtsaq-eu jeq mrni, Miqyaer, aqyawf maf-anr pyaeqnaeq-euq mae.

2 Gawˇliˬtu 1:11

Nawmaf khawf, nga’maf-anr guiqlanq sharcaw naeqlaf-awq. Tsawrhaq ghawqmya’ni guiqlanq sharluf-eu mirnae, nga’maf nae za-euq lafsawq-euq gharduq, tsawrhaq ghawqmya’ni Miqyaer-anr jaceuq taef-a.

2 Gawˇliˬtu 9:15

Maq aerjir coer-eu lafsawq bifnaeq laf-euq Miqyaer-anr jaceuq kar-eur.

Eˇpeˇsu 1:16

ngar, nawmaf-euq gharduq maq naqlerni Miqyaer-anr jaceuq-eu lafkhoer, nawmaf-anr aerkeuv aerkeuv-aer guiqlanq sharluf-eu ma.

Eˇpeˇsu 4:29

Nawmaf-euq khaqmae-anr nae dawqdoer taqbi dovle. Yagaq-eu tsawrhaq guiqlanq yawdzanr za’ni, huiqlar manrlar-eu gar gardanr tsoeq-eu dawqmuiq ngaeq-awq.

Piˇliˇpiˆ 4:6

Tiqjeq-anr-iq khanq taqlanr. Aerkhawf, yawqjeq navluf-euq lafkhoer guiqlanq sharshar-aer, tanqshar-awr jaceuq-eu lafkhoer, nawmaf sharmawf-eu jeq Miqyaer-anr dzawrnaeq-awq.

Gawˇlawˇsehˇ 3:8

Aerkhawf, nymq-mr-aq, nawmaf heudeuq dawqtawv luf-anr ya byaerdzae-eu mae: nuima dav-eu jeq, nuima paer-eu jeq, muir-eu nuinoeq, yaeqbawq saerlu-aer aer-eu jeq hawr-eu, nawmaf-euq khaqmae-anr nae jawflafni ghae-eu dawq ngaeq-eu jeq.

1 Teˇsaˬloˇni 3:9

Nawmaf-euq baqda’nae nga’maf, aqdui-euq Miqyaer-euq maeqshi laqkhaqcaer duidui mir-a. Laqkhaq caer-eu heudeuq dawqtawv luf-euq lafkhoer nawmaf-euq gharduq, nga’maf, Miqyaer-anr aqjox-aer jaceuq jircoer nmr-mq!

1 Teˇsaˬloˇni 5:18

Yawqjeq navluf-euq lafkhoer Miqyaer-euq guiqlanq-anr jaceuq-awq. Aqjeq mirnae aernar-aq, nawmaf heulof-aer janr-eu-aq, Yeqsur Kali-euq lafkhoer Miqyaer nuima tsaq-eu mae.

Piˇleˇmoˬ 1:8

Khoermirnae, nawr mr paq-aer ghae-eu deuq mr-awq laer ngar, Kali-euq lafkhoer nawq-anr nuima khaqduqni dawq bifnya-eu ma.

HeˬByehˇ 13:15

Khoermirnae, aqdui, Yeqsur-anr ghoe-awr, aqmyanluf Miqyaer-anr jaceuq-eu lawr-eu jeq lawrnaeq kar-eur. Khoer-aq, aqyawf-euq tsawrmyanr-anr jaceuq-eu laer aqdui-euq maeqluq-anr nae siqle-eu arsiq mae.

2 Beˬtuˆluˆ 2:18

Aqyawfmaf gardanr maqtsoeq-aer jasae-eu dawq ngaeq-awr, yawbanq-euq lafkhoer daef-euq gar nae caevdzeur-euq deuq-anr, jawflafni ghae-eu jeq hawr-eu shiqshaq-euq nuikhanr deuq nae murtawv luf-eu mae.

2 Beˬtuˆluˆ 2:7

Aerkhawf, tsawrcawv khoerdeuq jawflafni daefluf-eu mirnae, noeqshaq duidui luf-eu, tsaq-awr dawr-eu Lortav-anr bibuq-ir-euq mae.

Yuˇdaˆ 1:10

Aerkhawf, tsawrhaq heudeuq-aq, aqyawfmaf maq siqnya-eu garkawv dawqdoer ngaeq-eu mae. Aqyawf maf-aq, tiqjeq-iq maq sharnoeq nya-eu bawrtsanq-euq jeqzaq siqnya-eu lovni taef-aer, yawqha siqnya-eu jeq-euq lafkhoer, yawqhar yawqha lavcawv luf-eu mae.

Yuˇdaˆ 1:13

Aqyawf maf-aq, iqmalavshav-euq lafkhoer irluv dzae duidui-awr, buirmeuf bi meuflar-eu lof-aer yawqha-euq shafdawr-eu jeq-anr bi dovlar-eu mae. Aqyawf maf-aq, yawqha-euq garma-anr maqcan-eu aqguir lof-aer dur-awr, aqyawf maf-euq gharduq, li-eu maqbawni zanr duidui-eu yawzanr laeqhmq taq-euq mae.