Eˇpeˇsu 5:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Nawmaf-aq, tsawrshawr pyeuf-eu gar tsaqni, aqcawq-euq myawq-anr maerjuir juir-eu, maqshawr-eu yawqjeq navluf hawr-eu, banq-awr muv-eu garkawv, nawmaf-euq yawkaq ja-eu taef-aer khawf taq jadov.

Akha

³ Naw maꞈ-aˬ, Miˬyehˇ-euˬ tsawˇ haˬ pyeuꞈ-eu miˇ neh, maˬ tsaˬ maˬ dawˇ-eu jeˬ laꞈ kʼoeˇ kʼaˬ miˬ sheu-eu, jawꞈ dui dui-eu jeˬ mˇ-eu, aˬ cawˬ-euˬ myawˬ-ahˇ mehˇ juiˇ juiˇ-eu, heu loꞈ-ehˇ gʼeh-eu gaˇ kawˆ deuˬ-ahˇ mˇ-eu taˬ ehˇ siˬ. Ja-eu kʼawꞈ maˬ tsaˬ-a.

Eˇpeˇsu 5:3 ပူးပေါင်းရင်းမြစ်များ

Jaceuq 10:3

Tsawrcawv-aq, yawqha-euq nuima nuikhanr jav-eu jeq-anr khanqsaer jaev-awr; Yawlof maqbaw-eu tsawrhaq-anr jaceuq-eu uqtaf, Ya’we Miqyaer-anr yaeqbawq-aer aer-eu mae.

Jaceuq 119:36

Yawqjeq yawq-anr maerjuir juir-eu maqngeur-eu, Nawq-euq dawqdzawr-anr za’mawf-eu nuima bi anrlar naeqlaf-awq.

Dawqdaq 28:16

Ghovshaw nya-eu jeq, maqanr-eu uvlanr-eu tsawrhaq-aq, Yawkhav-aer khaeq-awr khav-eu tsawrhaq pyeuf-eu mae. Aerkhawf, maerjuir juir-eu jeq-anr byae-eu tsawrhaq-aq, zir baw-eu mae.

Maꞈtehˬ 15:19

Aqjeq mirnae aernar-aq, nuima-euq lafkhoer nae heudeuq dovlar-eu mae: yawdoer jeq sharnoeq-eu, tsawrhaq saef-eu, banq-awr joe-eu, banq-awr muv-eu, smrkhoeq khoeq-eu, maqtsaq maqdawr-eu sarkir kamq-eu hawr-eu, yaeqbawq saerlu-aer aer-eu

Luˇkaꞈ 12:15

Khoerngae, Yeqsur, aqyawf maf-anr par aernaeq-eu, “Nawmaf maerjuir maqjuirni, yawqhar yawqha yawmuiq-aer yanr-awq. Aqjeq mirnae aernar-aq, pyurshuir myawqganq ghawqmya’ni jav-eu mirnae, tsawrhaq yawdaef daefnya-eu maqngeur-a.”

Luˇkaꞈ 16:14

Paqliqsaer deuq-aq, pyurshuir-anr maerjuir juir-eu tsawrhaq mirnae, aqyawfmaf khoerdeuq dawqtawv luf-anr yagaq ngae, Yeqsur-anr aqjaf jafjaf-aer uir-eu mae.

Gʼaˬkʼehˇ 15:20

Aerkhawf, tanqpanq aqma mawrkawr-anr lawrnaeq-euq maqshawr-eu jeq dzaq-eu, banq-awr khaqmiq sheu-eu, shiq hawr-eu pafsaef-euq jeqzaq dzaq-eu, heudeuq-anr byaer-awq laer aqyawf maf-anr sanqbof bofnaeq-eu tsaq taef-a.

Gʼaˬkʼehˇ 20:33

Ngar-aq, tiqghaq-iq-euq pyur, shuir maqngeur nar-aq, dmghaq dmlmr-anr maerjuir maqjuir-aq.

Lormav 1:29

Aqyawf maf-euq lafkhoer heudeuq dawqtawvluf anr-eu mae: maqtsaq maqdawr-eu jeq, banq-awr khaqmiq sheu-eu jeq, yawcawv jeq, maerjuir juir-eu jeq, yawdoer jeq mr-eu, myavnav nav-eu, tsawrhaq-anr saef-eu, caemawf-eu, jaqmyawf maershuir shuir-eu, noeqdoer-eu hawr-eu jabu jadoer-eu mae.

Lormav 16:2

Sanqpaq Miqyaer-euq lafkhoer, tsawrshawr deuq mr paq-aer ghae-eu lof-aer, nawmaf, aqyawf-anr hageuf naeq-awq. Aqyawf, nawmaf-anr nae mawf-eu aqgeu jeq maqkaq, nawmaf, aqyawf-anr cawba naeq-awq. Aqjeq mirnae aernar-aq, aqyawf, tsawrhaq ghawqmya ghaq-anr cawba naeqluf-eu uqtaf, ngaq-anr khawf cawba naeqlaf-euq mae.

Lormav 6:13

Nawmaf-euq arsaer deuq maqtsaq maqdawr-eu jeq mr-eu gar zmq-eu keuka bi pyeufni, iqbax-anr taq a’naeq. Shir-euq gar nae ghofdaef lar-euq tsawrhaq lof-aer, yawqha-euq mawrdo, Miqyaer-anr a’naeq-awr, nawmaf-euq arsaer deuq khawf, tsaq-awr dawr-eu jeq-euq gharduq zmq-eu keuka pyeufni, Miqyaer-anr a’naeq-awq.

1 Gawˇliˬtu 10:8

Aqyawfmaf tiqpavnav deuq banq-awr khaqmiq sheu-euq lof-aer, aqdui maqya mr-a. Aqyawfmaf khoerlof-aer mr-euq mirnae, tiq nan-euq lafkhoer taef-aer 23,000 ghaq yashir-euq mae.

1 Gawˇliˬtu 5:1

Nawmaf-euq lafkhoer, aqcawq tsawrjeuq tsawrca deuq ngaeq-eu taef-aer khawf maq ngaeqkeuv shaf-eu, banq-awr khaqmiq sheu-eu garkawv javluf-eu mae laer, ngar aqdir yagaq-euq ma. Khoer-aq, tsawrhaq tiq ghaq, aqyawf-euq aqma ma’nyir naeq-aer banq-awr joe-eu garkawv mae.

1 Gawˇliˬtu 6:13

Dzaqdzaq dawrdawr-aq, uqmav-euq gharduq pyeuf-awr, uqmav-aq, dzaqdzaq dawrdawr-euq gharduq mae. Aerkhawf, Miqyaer heu nyiq jeq luf-anr lavcawv taef-a. Mawrdo-aq, banq-awr khaqmiq sheu-eu gharduq maqngeur-a, Sanqpaq Yeqsur-euq gharduq mae. Sanqpaq Yeqsur khawf mawrdo-euq gharduq mae.

1 Gawˇliˬtu 6:18

Banq-awr khaqmiq sheu-eu jeq-anr caevdzeur-awq. Tsawrhaqzaq nae kharmr-euq iqbax-aq, mawrdo-euq lafnyir paw mr-eu mae. Aerkhawf, maqtsaq-eu lafkhoer banq-awr joe-eu-aq, yawqha-euq mawrdo-anr mrbanq-eu mae.

2 Gawˇliˬtu 12:21

Ngar paroe ngae, ngaq-euq Miqyaer, nawmaf-euq maeqshi ngaq-anr daqga paq-aer janrnaeq laf-eu gar guv mir-a. Dzeurlaf ngae, maqshawr-eu jeq mr-euq, banq-awr muv-euq, jawflafni daef-euq, khoerlof-aer mr-euq tsawrhaq ghawqmya ghaq nymq-mr keuvni maq noeqpov-eu mirnae, ngar tsawrngoer ya’ngoer-eu paq laer guv mir-a.

Eˇpeˇsu 5:12

Aqyawfmaf barzaf-anr mrkhoeq luf-eu khoerdeuq-aq, ngaeqkeuv-eu taef-aer khawf, shafdawrlar paq-aer ghae-eu mae.

Eˇpeˇsu 5:5

Aqjeq mirnae aernar-aq, banq-awr joe-eu tsawrhaq, maqshawr-eu tsawrhaq, maerjuir juir-eu tsawrhaq hawr-eu, tanqpanq aqma mawrkawr-anr uqduq tanq-eu tsawrhaq-aq, Kali hawr-eu Miqyaer uvlanr-eu lafkhoer jeqbir maq za’nya-a laer nawmaf siqnya-eu mae.

Piˇliˇpiˆ 1:27

Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.

Gawˇlawˇsehˇ 3:5

Khoermirnae, nawmaf-euq lafkhoer anr-eu mirtsaq-anr taf-eu heudeuq-anr lavsaef-awq: banq-awr muv-eu, maqshawr-eu jeq, nuikhanr, yawdoer jeq mrmawf-eu hawr-eu, tanqpanq aqma mawrkawr-anr uqduq tanq-eu jeq pyeuf-eu maerjuir juir-eu jeq.

1 Teˇsaˬloˇni 4:3

Nawmaf yawshawr shawr-aer daefni Miqyaer nuima tsaq-eu mae. Banq-awr khaqmiq sheu-eu jeq taqbi jav.

1 Teˇsaˬloˇni 4:7

Miqyaer, aqdui-anr kur-euq-aq, jawflafni bidaef-eu laer maqngeur-a, yawshawr shawr-aer bidaef-eu laer kur-euq mae.

1 Tiˆmoˇseˬ 2:10

Aerkhawf, Miqyaer-anr yawzeu baw-eu zaqmiq aqbur tiq ghaq ma laer aer-eu lof-aer geuxni, yawmuiq jeq mrdov laf-awr bimawr-awq.

1 Tiˆmoˇseˬ 3:3

Khoeruqtaf, jirbaq maq dawryaef-eu, iqdaeq iqcae maqmr-eu, kharngeur-eu jeq-anr maerjuir maqjuir-eu, nuima nanqyuni ghae-awr, aqcawq-anr tsawrpyaer maqpyaer-eu uqtaf, pyur-anr maerjuir maqjuir-eu tsawrhaq yapyeuf-eu mae.

1 Tiˆmoˇseˬ 6:10

Pyur-anr maerjuir juir-eu jeq-aq, yawdoer dawqtawv luf-euq dawqpaeq duqpur mae. Tsawrhaq tiqpavnav deuq, pyur-anr maerjuir juir-eu mirnae, Kali-anr jan-eu jeq-anr byaerdzae-awr, yawqha-euq nuima-anr micaer nae tsawv-euq lof-aer noeqshaq noeqzanq-eu ghawqmya jeq-anr yadaq-eu mae.

2 Tiˆmoˇseˬ 3:2

Khoerngae yamq-anr tsawrhaqzaq heulof-aer pyeuflar taef-a. Yawqha-euq gharduq taef-aer sharnoeq-eu, pyurshuir-anr maerjuir juir-eu, janrghae-eu, nuima huiq-eu, yaeqbawq saerlu-aer ngaeq-eu, aqma aqda-euq dawq maq narhaq-eu, guiqlanq-anr maq noeqmawr-eu, maqshawr-eu,

Tiˇtuˆ 1:11

Aqyawf maf-anr maqbi ja’ni lavtsoeq-awq. Aqjeq mirnae aernar-aq, aqyawf maf-aq, pyurshuir za’ni, maqmaeq paq-aer ghae-eu jeq maeqmaeq-aer nymrkhanq khanqlan ni-anr lavcawv luf-eu mae.

Tiˇtuˆ 1:7

Kalizaq armur-anr hawlanr-eu tsawrhaq-aq, Miqyaer-euq myawq-anr hawpir-eu tsawrhaq pyeuf-eu mirnae, aerkhar maqza-eu, yawqha-euq nuinoeq nuilov maqgeuf-eu, nuima maqsuq-eu, jirbaq maqyaef-aer, aqcawq-anr maqdiq maqkhov-eu uqtaf, pyur-anr maerjuir maqjuir-eu tsawrhaq yapyeuf-eu mae.

Tiˇtuˆ 2:3

Khoerlof-aer durni, aqpiq tsawrmawq deuq-anr khawf, mr-awr shar-eu, ngaeq-awr tmr-eu lafkhoer, aqcawq yawzeu bawni daef-awr, aqcawq-anr taq jabu taq jadoer, jirbaq-euq zaqkhav taqgeuf. Yawmuiq jeq maeqnaeq tsovnaeq nya-eu tsawrhaq pyeuflarni maeqnaeq-awq.

HeˬByehˇ 12:16

Nawmaf tiqghaq-iq banq-awr joe-eu jeq maqbi dovlarni yanr-awq. Irsawr lof-aer maqshawr-aer maqya ghae-ir ni khawf yanr-awq. Irsawr-aq, dzar tiq dzaq nae huqbaw zaqyo-euq aryaq pardzae-euq mae.

1 Beˬtuˆluˆ 5:2

Nawmaf-euq lafkhoer jawr-eu Miqyaer-euq yawrmaf-anr hawpir-eu tsawrhaq lof-aer bosav-awq. Bi katir-euq mirnae bosav-eu maqngeur-aer, nuima keuv-eu lafkhoer bosav-awq. Maqsui maqdawr-eu lafkhoer za’nya’ni maqngeur-eu, shaqdaef shaqnar anr-eu lafkhoer bosav-awq.

2 Beˬtuˆluˆ 2:10

Aqcawq-anr navmaqtser, aryaq-euq uqmov maq jawrmawf-aer, jawflafni ghae-eu shiqshaq-euq nuikhanr-euq maeqnan cantae-eu tsawrhaq-anr khaeqnaeq khavnaeq taef-a. Tsawrhaq heudeuq-aq, nuima huiq-awr yawqha-euq nuikhanr taef-aer geuf-eu mae. Aqyawfmaf, khanqsaer jav-eu deuq-anr khawf maqguvni dawqdoer ngaeq-eu mae.

2 Beˬtuˆluˆ 2:14

Aqyawf maf-euq myavnuiv-aq, banq-awr joe-eu jeq byan-awr, iqbax mr-eu maq naqnya-aer, nuima maqzif-eu tsawrhaq-anr mur-awr shuir-eu mae. Aqyawf maf-euq nuima maerjuir juir-eu jeq za’ni mrdzaw laf-awr, yaqkhaer yaq-eu gar yadaq-eu tsawrhaq mae.

2 Beˬtuˆluˆ 2:3

Aqyawfmaf pyurshuir myawqganq-anr maerjuir juir-eu mirnae, jaqmyawf maershuir-euq dawq nae nawmaf-anr myawfdzaq lar-eu mae. Aerkhawf, dzeurlaf ngae nae, aqyawf maf-anr yarkhaq dartsaev taq-euq khoer, maq nyinaq-aer, lavcawv-eu jeq maq yufbyovni, aqyawf maf-euq khoertav keuvle luf-eu mae.

Panmaeq 2:14

Aerkhawf, ngar, nawq-anr aer paq-aer ghae-eu heumyav jeq jav-eu ma. Nawr jawr-eu gar, Baqlamq-euq dawqmaeq dawqtsov-anr cantae-eu tsawrhaq bijawr-euq mae. Dawqmaeq dawqtsov khoer-aq, Irsaqleqlav-euq zaqdeuq sanqtif bitif-eu laer, tanqpanq aqma mawrkawr-anr lawrnaeq-euq lawrdzar dzaqni hawr-eu, banq-awr khaqmiq sheuni, Baqlamq nae Baqlaer-anr maeqnaeq-euq mae.

Panmaeq 2:21

Aqyawf, banq-awr khaqmiq sheu-eu iqbax noeqpovni, ngar aryamq bif-euq khawf aqyawf maq noeqpov-a.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.

Panmaeq 9:21

Tsawrhaq khoerdeuq-aq, aqyawfmaf nae tsawrhaq-anr saef-euq, mawloq ja’maw mr-euq, banq-awr khaqmiq sheu-euq hawr-eu smrkhoeq khoeq-euq deuq-anr khawf, maq noeqpov maq noeqpar-a.