Eˇpeˇsu 5:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.

Akha

² Ka li aˬ dui-ahˇ gaˬ-eu miˇ neh, Miˬyehˇ nui kʼahˇ shiˇ-eu saw dui dui-eu lawˇ-eu jeˬ loꞈ-ehˇ aˬ yawꞈ-euˬ gʼawˇ mawˇ aˬ dui gʼaˇ duˬ lawˇ nehˬ-euˬ gaˇ duˇ ni, gʼoeˇ-eu gaˬ-eu jeˬ laꞈ kʼoeˇ dehꞈ gʼeh-awˬ.

Eˇpeˇsu 5:2 ပူးပေါင်းရင်းမြစ်များ

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Yoˇhaˬ 13:34

Nawmaf tiqghaq tirghaq gaq-awq laer ngar, nawmaf-anr dawq yawshuif tiq dawq bif-eu ma. Ngar, nawmaf-anr gaq-euq lof-aer, nawmaf khawf tiqghaq tirghaq gaq-awq.

Yoˇhaˬ 6:51

Ngar-aq, mq-anr nae oe-euq daef-eu jeq bif-eu kaqmur ma. Kaqmur heu-anr khardzaq-eu tsawrhaq-aq, mqmaq maqbyav yarzir yadaef-eu mae. Mirtsaqzaq yadaefni ngar yabif-eu kaqmur-aq, ngaq-euq shiqshaq yabif-eu mae.”

Lormav 15:16

ngar, aqcawq tsawrjeuq tsawrca-euq gharduq Yeqsur Kali-euq gar mrzaq geuf-awr, Miqyaer-euq guiqlanq dawq-euq gar mrluf-eu ma. Yawshawr Saflar nae aqcawq tsawrjeuq tsawrca-anr lavshawr-euq nar-aq, aqyawf maf-anr yur-awr lawrnaeq-eu jeq lof-aer lawrnaeq ngae, Miqyaer hageuf paq-aer ngar mrluf-eu ma.

Lormav 4:25

Aqdui mrbanq lavlaeq-euq baqda’nae, Yeqsur, aqcawq-euq aqlaf-euq lafkhoer bi a’naeq-euq mae. Aqdui tsaq-awr dawr-eu tsawrhaq pyeuflarni aqyawf ghofdaef lar-euq mae.

Lormav 8:3

Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

Lormav 8:37

Aerkhawf, aqdui-anr gaq-eu ghaq-anr ghoe-awr, heudeuq dawqtawv luf-anr yawmuiq-aer ghaqler jir-euq ma.

1 Gawˇliˬtu 16:14

Nawmaf kharmr-eu yawqjeq navluf gaq-eu lafkhoer mr-awq.

1 Gawˇliˬtu 5:7

Nawmaf daeqtseq maqanr-eu kaqmur yawshuif tiq siq pyeuflarni, daeqtseq yawoer yurdov dzae-awq. Aqjeq mirnae aernar-aq, Kali, aqdui-euq gharduq lawrdan dzeur-euq, aqdui-euq Baqsaqkaq yawrzaq pyeuf-eu mae.

2 Gawˇliˬtu 2:14

Aerkhawf, Miqyaer-anr jaceuq ma. Aqyawf, aqmyanluf Kali-anr ghoe-awr ghaqler-eu lafkhoer, aqdui-anr sheuqghae naeqlaf luf-eu mae. Kali-anr siqnya-eu tsawrganr-euq baqda’nae dovlar-eu yawsaw jeq, Miqyaer, aqdui-anr ghoe-awr yawqgar navluf bi sawkeuv-ir luf-eu mae.

2 Gawˇliˬtu 2:15

Aqjeq mirnae aernar-aq, aqdui maf-aq, buq-ir luf-eu tsawrhaq hawr-eu, cawv-ir luf-eu tsawrhaq-euq ghanrcae, Miqyaer-euq gharduq Kali-euq yawsaw jeq pyeuf-eu ma.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Gaˬlaˬtiˆ 2:20

Ngar, Kali naeq-aer lafyaq-euq khoertav bi taftaeq-euq ma. Khoermirnae, nymq-mr ngar daefluf-eu-aq, ngar daef-eu maqngeur. Kali, ngaq-euq lafkhoer daefluf-eu mae. Khoeruqtaf, nymq-mr ngar shiqshaq paw yawdaef daefluf-eu-aq, Miqyaer-euq Zaqyo-anr jan-eu lafkhoer daefluf-eu ma. Aqyawf, ngaq-anr gaq-awr, ngaq-euq gharduq aqyawf-euq mawrdo lawrnaeq-euq mae.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Eˇpeˇsu 4:15

Gaq-eu lafkhoer, yawtsaq yawdawr jeq ngaeq-awq. Khoerlof-aer nar-aq, uqduq pyeuf-eu Kali-euq lafkhoer, yawqpaw navluf huiqlar manrlar taef-a.

Eˇpeˇsu 4:2

Yawqjeq navluf-euq lafkhoer, nuinanq nuiyu anr-awr, nuima nanqyuni ghae-eu uqtaf, nuinoeq ghawqmanrni noeq-awr, gaq-eu lafkhoer tiqghaq tirghaq or-awq.

Eˇpeˇsu 5:15

Khoermirnae, nawmaf yanryanr-aer daef-awq. Aqdzawq argan lof-aer maqngeur-eu, zaqsiq tsawrganr anr-eu tsawrhaq lof-aer daef-awq.

Eˇpeˇsu 5:25

Khaqdzerzaq deuq-or! Kali, Kalizaq armur-anr gaq-awr, aqyawf-euq mawrdo bifnaeq-euq lof-aer, yawqha-euq miqzaq-anr gaq-awq.

Piˇliˇpiˆ 4:18

Nymq-mr ngar yawqjeq navluf javlof-eu uqtaf, ardzaeq jav-eu nya siq. Nawmaf nae Irbaqpawqdir-anr khaer-awr bi shaha le-euq lafsawq khoerdeuq-euq baqda’nae, ngar tiqbyanni javluf-eu ma. Lafsawq khoerdeuq-aq, Miqyaer nuikhanr shir-awr hageuf-eu, saw duidui-eu lawrnaeq-eu jeq pyeuf-eu mae.

Gawˇlawˇsehˇ 3:14

Aerkhawf, heudeuq dawqtawv luf-euq khoertav, yawqjeq navluf byanlarni ganrdzanq nya-eu gaq-eu jeq dmdav ghae-awq.

1 Teˇsaˬloˇni 4:9

Aqyuif aqnyir yawkaq gaq-eu garkawv, nga’maf, nawmaf-anr sanqbof bofanr lef-eu laer maqya ghae-ar. Aqjeq mirnae aernar-aq, tiqghaq tirghaq gaq-awq laer Miqyaer, nawmaf-anr maeqnaeq tsovnaeq-euq mae.

1 Tiˆmoˇseˬ 2:6

Aqyawf-aq, tsawrhaq yawqghaq navluf-anr zeurkhof-eu laer aqyawf-euq mawrdo lawrnaeq-euq mae. Aryamq tsaqlar ngae, garkawv khoer bisiq bimawr laf-euq mae.

1 Tiˆmoˇseˬ 4:12

Nawr zaqguq pyeuf-eu mirnae, aqcawq nae yaeqbawq-aer taqbi hawdoer. Ngaeq-awr tmr-eu paw, mr-awr shar-eu paw, gaq-eu paw, saflar paw, jan-eu paw hawr-eu shawrjaevni daef-eu paw, jan-eu tsawrhaq, nawq-anr hawgeuf dzawgeufduq pyeuf paq-aer daef-awq.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

HeˬByehˇ 8:3

Pirma yawhuiq yawqghaq navluf damqnaeq-eu jeq yadamq-awr, lawr-eu jeq ya lawrni khaerdar taq-euq mae. Khoermirnae, heughaq khawf lawrnaeq-awr damqnaeq-eu jeq tiqjeqnav yajav-eu mae.

HeˬByehˇ 9:14

Kali-euq shiq, ngeurdzaeq arnavni par lavshawr nya-eu jeq nga. Aqyawf, li-eu maqbawni daef-eu muiq-eu Saflar-anr ghoe-awr, marbyawf maqbaw-eu aqyawf-euq mawrdo, Miqyaer-anr lawrnaeq-euq mae. Nawmaf, daefluf-eu Miqyaer-anr uqduqtanq nya’ni, aqyawf-euq shiq-aq, gar yawshir-anr nae nawmaf-euq zaqsiq nuisiq-anr tsiqshawr naeqlaf-eu mae.

HeˬByehˇ 9:23

Khoermirnae, mq-euq khoertav jav-eu keuka deuq-euq arbar pyeuf-eu mrmyawq-anr khawf, heudeuq nae yashawr-eu ngeur nar-aq, mq-euq khoertav-euq mrmyawq keuka-aq, heudeuq navmaqtser muiq-eu lawrnaeq-eu jeq nae ya lavshawr-eu mae.

HeˬByehˇ 9:26

Khoerlof-aer ya lawrnaeq lawnmr-aq, mqmir bae-euq taf nar-aq, aqyawf ghawqmya pov shaqzanq yadaq-euq law taef-a. Aerkhawf, aqyawf iqbax yurdzae-eu laer arsaq saq-eu aryamq heu-euq lafkhoer, aqyawf-euq mawrdo lawrnaeq-euq baqda’nae, aqyawf tiq pov dovle-euq taef mae.

1 Beˬtuˆluˆ 4:8

Dawqtawv luf-euq khoertav huiqdzaeq-eu jeq-aq, aqdir gaq-eu jeq nae tiqghaq tirghaq gaq-awq. Aqjeq mirnae aernar-aq, “Gaq-eu jeq-aq, zawr myaq-eu iqbax-anr daeqkaq-eu mae.” (Dd 10:12)

1 Yoˇhaˬ 3:16

Kali, aqdui-euq gharduq shirdan-euq mirnae, gaq-eu laer aqjox-aer ghae-eu gar aer-eu la laer aqdui siqnya ma. Aqdui khawf aqyuif aqnyir-euq gharduq shirdan-eu tsaq mae.

1 Yoˇhaˬ 3:23

Miqyaer nae biftaq-euq dawq-aq heulof-aer mae. Aqdui, aqyawf-euq Zaqyo, Yeqsur Kali-euq tsawrmyanr-anr yajan-awr, aqyawf nae dawq biftaq yaf-euq lof-aer tiqghaq tirghaq yagaq-eu mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.