Eˇpeˇsu 4:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ “Aqyawf ghofdav ler-euq” laer aer-eu-aq, mirtsaq-euq dawqdan jeqhu irka-euq maqngeur-a lor?

Akha

⁹ “Aˬ yawꞈ daˆ leˇ-euˬ” lehˇ ehˇ-eu kʼoeˇ, aˬ jeˬ-ahˇ ehˇ mawꞈ ta. Heu loꞈ-ehˇ ehˇ mawꞈ-eu meh. Yaw beh miˇ tsaˬ heu-euˬ naꞈ dui dui-eu tsahˇ-ahˇ aˬ yawꞈ oe ka-euˬ meh.

Eˇpeˇsu 4:9 ပူးပေါင်းရင်းမြစ်များ

Jaceuq 139:15

Mirtsaq-euq dawqdan, ngaq-anr yawmuiq-aer shaev-awr dzeuf-eu lafkhoer, Yawzaf zaf-aer ghae-eu gar ngaq-anr bae ngae, Ngaq-euq mawrkawr-aq, nawq-anr nae zaftaq-euq maqngeur-a.

Jaceuq 63:9

Aerkhawf, ngaq-euq daefzir-anr lavcawv-eu laer pov-eu tsawrhaq deuq-aq, Mirtsaq-euq lafov paw ya’ur-ir taef-a.

Jaceuq 8:5

Nawr, aqyawf-anr mqtav ghaqkhaer taf-aer uicuiv teqni janrnaeq-awr, Aqyawf-anr yawshaef khanqsaer hawr-eu taqhuiq taqmanr-eu uqdzanq bidzanq taq-euq mae.

Dawqdaq 30:4

Mqtav mirkhanq-anr ledav-awr zafka le-euq aqsur ghaq-a? Laftuv-euq lafkhoer, jaqlaer nyaefuiq taq-euq aqsur ghaq la? Ircuf-anr paerkhanq nae cu-euq aqsur ghaq-a? Mirma oeqcoer oeqbawq lavzif-euq aqsur ghaq la? Aqyawf-euq tsawrmyanr aqjeq laer kur-awr, Aqyawf-euq Zaqyo-euq tsawrmyanr aqjeq laer la? Nawr siqnya ma lor?

Maꞈtehˬ 12:40

Yornav, ngaqshaq shaqma-euq uqmav-euq lafkhoer smq nan smq mir ur-euq lof-aer, (Yn 1:17) Tsawrhaq-euq Zaqyo khawf, mirtsaq-euq dawqdan smq nan smq mir yajawr taef-a.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Yoˇhaˬ 3:13

Mq-anr nae zafka le-awr, mq-anr khawf jawrluf-eu Tsawrhaq-euq Zaqyo maqngeur nar-aq, tsawrhaq tiqghaq-iq mq-anr maq davler haw-aq.

Yoˇhaˬ 6:33

Aqjeq mirnae aernar-aq, Miqyaer-euq kaqmur-aq, mq-euq khoertav nae oe-awr, mirtsaqzaq-anr daef-eu jeq bif-eu khoerghaq mae.”

Yoˇhaˬ 6:38

Aqjeq mirnae aernar-aq, ngar mq-anr nae oe-euq-aq, ngaq-euq nuima tsaq-eu lof-aer mr-eu laer oe-euq maqngeur, ngaq-anr khaerghae lef-euq ghaq nuima tsaqni mr-eu laer oe-euq ma.

Yoˇhaˬ 6:41

Yeqsur, “Ngar-aq, mq-euq khoertav nae oe-euq kaqmur ma” laer aer-eu mirnae, Yurdav tsawrhaq, aqyawf-anr dawqghof dov-eu mae.

Yoˇhaˬ 6:51

Ngar-aq, mq-anr nae oe-euq daef-eu jeq bif-eu kaqmur ma. Kaqmur heu-anr khardzaq-eu tsawrhaq-aq, mqmaq maqbyav yarzir yadaef-eu mae. Mirtsaqzaq yadaefni ngar yabif-eu kaqmur-aq, ngaq-euq shiqshaq yabif-eu mae.”

Yoˇhaˬ 6:58

Kaqmur heu-aq, nawmaf-euq aqpoeq deuq nae dzaq-euq maqnav kaqmur khoer-anr maqdur-a. Aqyawfmaf yadzaq-euq khawf shir-euq mae. Kaqmur heu-aq, mq-anr nae oe-euq mae. Kaqmur heu dzaq-eu tsawrhaq-aq, mqmaq maqbyav yarzir yadaef taef-a.”

Yoˇhaˬ 6:62

Tsawrhaq-euq Zaqyo, aqyawf-euq jawrduq-anr ghofdav ler-eu gar nawmaf ya’mawr nar-aq, aqjox-aer noeq nmr-mq?

Yoˇhaˬ 8:14

Khoerngae, Yeqsur, aqyawf maf-anr heulof-aer aerkhof naeq-euq mae: “Ngar, ngaq-euq garkawv sarkir kamq-eu khawf, ngaq-euq sarkir-aq byan ma. Aqjeq mirnae aernar-aq, ngar aqgeugar nae oe-awr, aqgar ir-eu laer ngar siqnya-eu ma. Aerkhawf, ngar aqgeugar nae oe-awr, aqgar ir-eu la laer nawmaf maq siqnya-a.

HeˬByehˇ 2:7

Nawr, aqyawf-anr mqtav ghaqkhaer taf-aer uicuiv teqni janrnaeq-awr, Aqyawf-anr yawshaef khanqsaer hawr-eu taqhuiq taqmanr-eu uqdzanq bidzanq taq-euq mae. Nawr, nawq-euq aqlaf-euq lafzar deuq-anr, aqyawf nae bi uvlanr-awr,

HeˬByehˇ 2:9

Aerkhawf, mqtav ghaqkhaer taf-aer uicuiv teqni janrnaeq-euq Yeqsur-anr aqdui ya’mawr-euq ma. Aqyawf shir-eu gar yadaq-euq mirnae, taqhuiq taqmanr-eu jeq hawr-eu yawshaef khanqsaer, shuir uqkhov lof-aer aqyawf-anr ciqkhov naeq-euq mae. Miqyaer-euq guiqlanq yawdzanr baqda’nae, aqyawf, tsawrhaq yawqghaq navluf-euq gharduq shirdan-euq mae.