Eˇpeˇsu 4:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Miqyaer khawf tiq ghaq taef-aer jawr-awr, tsawrhaqzaq dawqtawv luf-euq Aqda pyeuf-eu uqtaf, dawqtawv luf-euq khoertav jawr-awr, dawqtawv luf-euq lafkhoer gar mr-awr, nawmaf yawqghaq navluf-euq lafkhoer khawf jawrluf-eu mae.

Akha

⁶ Tsawˇ jeuˬ dawˬ tawˆ luꞈ-euˬ Aˬda pyeuꞈ-eu Miˬyehˇ tiˬ gʼaˬ tehꞈ-ehˇ jawˇ-eu meh. Aˬ yawꞈ-aˬ, dawˬ tawˆ luꞈ kʼoeˇ taˆ Sahˬpaˬ pyeuꞈ-awˇ, dawˬ tawˆ luꞈ laꞈ kʼoeˇ gaˇ mˇ-awˇ, dawˬ tawˆ luꞈ laꞈ kʼoeˇ jawˇ-eu meh.

Eˇpeˇsu 4:6 ပူးပေါင်းရင်းမြစ်များ

Jaceuq 95:3

Aqjeq mirnae aernar-aq, Ya’we Miqyaer-aq, Zawr huiq-eu Miqyaer mae. Miqyaer dawqtawv luf-euq khoertav zawr huiq-eu sanqpaq mae.

Maꞈtehˬ 6:13

Iqbax murjur jur-eu maeqnan nga’maf-anr taqbi ir laf. Yawdoer jeq-anr nae nga’maf-anr bidzeur-ir laf. Uvlanr-eu jeq, baoq hawr-eu yawshaef khanqsaer dawqtawvluf, mqmaq maqbyav yarzir nawq-euq mae. Aqmeq.

Maꞈtehˬ 6:9

Khoermirnae, nawmaf guiqlanqshar ngae heulof-aer shar-awq: Mq-euq khoertav jawr-eu nga’maf-euq Aqda-or! Nawq-euq tsawrmyanr-anr yawzeu bibaw law.

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 17:26

Nawq nae ngaq-anr gaqnaeq laf-euq, gaq-eu jeq khoer, aqyawf maf-euq lafkhoer anr-awr, ngar khawf aqyawf maf-euq lafkhoer yajawrni, ngar, aqyawf maf-anr nawq-euq tsawrmyanr dzawrmaeqnaeq dzeur-euq khawf, pardzawr maeqnaeq le siq.”

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Lormav 11:36

Aqjeq mirnae aernar-aq, kharjawr kharjav-eu yawqjeq navluf, aqyawf-anr nae dovle-awr aqyawf-euq baqda’nae javluf jawrluf-awr, aqyawf-euq gharduq taef mae. Mqmaq maqbyav yarzir aqyawf-anr yawshaef khanqsaer damqnaeq kar-eur. Aqmeq.

1 Gawˇliˬtu 12:6

Mrdov laf-eu jeq beugar-eu mae. Aerkhawf, tsawrhaq yawqghaq navluf-euq lafkhoer yawqjeq navluf mr-eu ghaq-aq, Miqyaer tiq ghaq taef mae.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

2 Gawˇliˬtu 6:16

Miqyaer-euq uqduq tanqnymr nymrma hawr-eu tanqpanq aqma mawrkawr aqjox-aer tsaqler dzoerler nya-eu? Aqjeq mirnae aernar-aq, nawmaf-aq, daefluf-eu Miqyaer-euq uqduq tanqnymr nymrma mae. Miqyaer nae aertaq-euq lof-aer, “Ngar, aqyawf maf-euq lafkhoer jawr-awr, aqyawf maf-euq ghanrcae can ma. Ngar, aqyawf maf-euq Miqyaer pyeuf-awr, aqyawfmaf, ngaq-euq tsawrhaq pyeuf taef-a.” (Lb 26:12; Ezk 37:27)

Eˇpeˇsu 1:21

Kali-aq, mqsanr deuq, aryaq deuq, baoqdeuq, sanqpaq deuq hawr-eu tsawrmyanr khar myanrtaq-euq dawqtawv luf-euq khoertav huiq-eu ghaq pyeuf-awr, heuzir-anr taef-aer maqngeur-eu, aqkar karzir-anr khawf, huiq-eu ghaq pyeuf-eu mae.

Eˇpeˇsu 2:22

Aqyawf, nawmaf-anr khawf, Miqyaer-euq jawrduq pyeuflarni, muiq-eu Saflar-anr ghoeghoe-aer, aqyawf-euq lafkhoer tsovanr luf-eu mae.

Eˇpeˇsu 3:17

Nawmaf jan-eu mirnae, Kali, nawmaf-euq nuima-euq lafkhoer jawrle-eu uqtaf, nawmaf gaq-eu jeq-euq lafkhoer, duqcir ka’naf ghae-awr, dawqpaeq bi ziflar law.

Eˇpeˇsu 6:23

Aqda Miqyaer hawr-eu Sanqpaq Yeqsur Kali-anr nae oe-euq, nuisar of-eu jeq, gaq-eu jeq hawr-eu jan-eu jeq, aqyuif aqnyir deuq-euq khoertav jav luf-ur.

1 Yoˇhaˬ 3:24

Miqyaer nae aqdui-anr bif-euq dawq-anr narhaq geuf-eu tsawrhaq-aq, Miqyaer-euq lafkhoer jawr-awr, Miqyaer khawf aqyawf-euq lafkhoer jawr-eu mae. Miqyaer nae biflef-euq Muiq-eu Saflar baqda’nae, Miqyaer, aqdui-euq lafkhoer jawr mae laer aqdui siqnya-eu ma.