Eˇpeˇsu 4:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.

Akha

⁴ Miˬyehˇ naw maꞈ-ahˇ kuˇ-euˬ kʼoeˇ noeˬ tmˬ duˬ tiˬ jeˬ tehꞈ-ehˇ jaˆ-eu loꞈ-ehˇ, gʼawˇ mawˇ tiˬ mawˇ tehꞈ-ehˇ baw-awˇ, Yaw sahˇ Miˬyehˇ tiˬ gʼaˬ tehꞈ-ehˇ jawˇ-eu meh.

Eˇpeˇsu 4:4 ပူးပေါင်းရင်းမြစ်များ

Jaceuq 122:8

Ngar, ngaq-euq maernmr deuq hawr-eu cawqdeuq-euq gharduq heulof-aer aer-eu ma, “Nawq-euq lafkhoer nuisar of-eu jeq jav luf-ur.”

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Gʼaˬkʼehˇ 15:11

Sanqpaq Yeqsur Kali-euq guiqlanq yawdzanr-euq baqda’nae, aqdui yabuq-ir taef-a laer aqdui jan-eu ma. Aqyawfmaf khawf khoerlof-aer yabuq-ir taef-a.”

Lormav 11:29

Aqjeq mirnae aernar-aq, Miqyaer-aq, aqyawf nae bif-euq lafsawq hawr-eu, aqyawf nae kur-euq khoer-anr maqpov maq parlar-a.

1 Gawˇliˬtu 10:17

Aqdui, tsawrhaq ghawqmya ghaq pyeuf-eu khawf, kaqmur tiq siq hawr-eu mawrdo tiq do taef-aer pyeuf-eu ma. Aqjeq mirnae aernar-aq, aqdui yawqghaq navluf kaqmur tiq siq-anr taef-aer taf-eu ma.

1 Gawˇliˬtu 12:20

Nymq-mr arsaer ghawqmya’ni baw-eu khawf, mawrdo tiq do taef mae.

2 Gawˇliˬtu 11:4

Nga’maf nae dawqmaeq maeq-euq Yeqsur maqngeur-eu, Yeqsur nuighaq-euq garkawv maeqlar-awr, nawmaf nae hageuf-euq Saflar maqngeur-eu, saflar nuijeq-anr hageuf-eu uqtaf, nawmaf nae hageuf-euq guiqlanqdawq maqngeur-eu, guiqlanqdawq nuijeq-anr hageuf-awr nae zawr-aer daqnya-eu nga aerlawq!

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Eˇpeˇsu 2:16

Kali, lafyaq-anr ghoe-awr, tsawrjeuq nyiq jeuqluf Miqyaer naeq-aer bitsaq bi dzoerler-euq lafkhoer, mawrdo tiq do taef-aer bi pyeuflarni, tiqjeuq tirjeuq muir-eu jeq-anr lavbyov-euq mae.

Eˇpeˇsu 2:18

Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.

Eˇpeˇsu 2:22

Aqyawf, nawmaf-anr khawf, Miqyaer-euq jawrduq pyeuflarni, muiq-eu Saflar-anr ghoeghoe-aer, aqyawf-euq lafkhoer tsovanr luf-eu mae.

Eˇpeˇsu 4:1

Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

Eˇpeˇsu 5:30

Aqjeq mirnae aernar-aq, aqdui-aq, aqyawf-euq mawrdo-euq arsaer pyeuf-awr, aqyawf-euq shiqshaq hawr-eu aqyawf-euq shaqyoeq deuq ma.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

Gawˇlawˇsehˇ 3:15

Khoeruqtaf, Miqyaer-euq nuisar of-eu jeq nae nawmaf-euq nuima-anr bi uvlanr-awq. Khoerlof-aer bi uvlanr-eu laer, mawrdo tiq do taef-aer pyeuflarni Miqyaer, nawmaf-anr kurtaq-euq mae. Khoermirnae, nawmaf, Miqyaer-euq guiqlanq-anr noeqmuiq-awq.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

1 Tiˆmoˇseˬ 1:1

Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

Tiˇtuˆ 2:13

Aqdui-euq huiqdui manr duidui-eu Miqyaer pyeuf-eu, Kakhof-eu ghaq Yeqsur Kali-euq yawshaef khanqsaer dovle-eu gar, aqdui laqkhaq caertavni noeqtmq luf-eu ma.

Tiˇtuˆ 3:7

Aqyawf-euq guiqlanq yawdzanr baqda’nae, aqdui tsaq-awr dawr-eu tsawrhaq pyeuflar-awr, mqmaq maqbyav yarzir daef-eu jeq-anr noeqtmqkhar za-eu aqyawf-euq jeqbir of-eu tsawrhaq ma.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.