Eˇpeˇsu 4:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Yawqjeq navluf-euq lafkhoer, nuinanq nuiyu anr-awr, nuima nanqyuni ghae-eu uqtaf, nuinoeq ghawqmanrni noeq-awr, gaq-eu lafkhoer tiqghaq tirghaq or-awq.

Akha

² Aˬ myah luꞈ nui nahˬ nui yu ahˇ-awˇ laꞈ oꞈ awꞈ-eu laꞈ kʼoeˇ, nui ma gʼawˬ mahˇ ni taˬ-awˬ. Goeˇ-eu gaˬ-eu laꞈ kʼoeˇ tiˬ gʼaˬ tiˇ gʼaˬ oˇ-awˬ.

Eˇpeˇsu 4:2 ပူးပေါင်းရင်းမြစ်များ

Jaceuq 138:6

Ya’we Miqyaer-aq, yawgor-anr jawr-eu khawf, Aqyawf, yaw’aw-anr jawr-eu deuq-anr noeqkeuv-eu mae; Aerkhawf, nuima huiq-eu deuq-anr-aq, garmanr kaq-eu gar nae siqnya-eu mae.

Jaceuq 45:4

Yawtsaq yawdawr, nuinanq nuiyu hawr-eu tsaq-awr dawr-eu gharduq, Nawq-euq jaqlaq khanqsaer-euq lafkhoer ghaqler-euq ghaq lof-aer dziq-awr dov-ir-awq; Nawq-euq armar laf, nawq-anr yawzeu bawlar paq-aer ghae-eu jeq maeqnaeqlaf taef-a.

Dawqdaq 16:19

Nuima huiq-eu tsawrhaq naeq-aer yurgeuf-euq myawqganq birdzaq-eu navmaqtser, Tsawrshaqzaq naeq-aer nuinanq nuiyu anr-awr daef-eu-aq, muiqdzaeq-eu mae.

Dawqdaq 3:34

Yawduq bawni, aqcawq-anr aqjaf jaf-eu tsawrhaq-anr aqyawf aqjaf jafnaeq-awr, Nuinanq nuiyu anr-eu tsawrhaq-anr guiqlanq yawdzanr bif-eu mae.

Maꞈtehˬ 11:29

Ngar-aq, nuima nanqyuni ghae-awr nuinanq nuiyu anr-eu ma. Nawmaf, ngaq-euq khavbaf baf-awr, ngaq-anr dzawgeuf-awq. Khoerlof-aer dzawgeuf nar-aq, nawmaf-euq nuima saflar ghaqnaq za taef-a.

Maˬkuˆ 9:19

Yeqsur aerkhof naeq-eu, “Nuijan maqanr-eu heuzir-euq tsawrhaq-or! Ngar, nawmaf naeq-aer aqmyan keuvni yajawr-eu la? Ngar, nawmaf naeq-aer aqmyan keuvni parya or-eu la siq? Aqyawf, ngar jawr-eu gar sheuqlaf-awq.”

Gʼaˬkʼehˇ 20:19

Ngar nuima nanqyuni tiqbyan tiqlof taq-awr, myavbir ghawqmya’ni dovdov-aer Sanqpaq Yeqsur-euq gar mr-euq ma. Yurdav tsawrhaq, ngaq-anr yawdoer janr-eu laer jawqluf-eu mirnae, shaqzanq ghawqmya jeq-anr yadaq-euq gar khawf nawmaf siqnya-eu mae.

Lormav 15:1

Aqdui jan-eu ghaq khav-eu tsawrhaq deuq, yawqha nuikhanr shirni mr-eu maqngeur-eu, ghaq baq-eu deuq-euq khavbaev cawpi naeq-eu tsaq mae.

1 Gawˇliˬtu 13:7

Gaq-eu jeq-aq, dawqtawv luf-anr orcoer-awr, dawqtawv luf-euq lafkhoer jancoer-eu uqtaf, dawqtawv luf-euq lafkhoer noeqtmq coer-awr, dawqtawv luf-anr daqcoer-eu mae.

Gaˬlaˬtiˆ 6:2

Nawmaf, Kali-euq zanr-anr mrbyanni, tiqghaq tirghaq-euq khavbaev cawpi-awq.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Gawˇlawˇsehˇ 1:11

Aqyawf-euq yawshaef khanqsaer huiq-eu baoq baqda’nae, nawmaf laqkhaq caertavni yawqjeq navluf-euq lafkhoer, ornya-awr nuima ghawqmanrni taqnya’ni, baoq dawqtawvluf nae nawmaf-anr ghaq bi khavlar-awq laer sharluf-eu ma.

1 Tiˆmoˇseˬ 6:11

Aerkhawf, Miqyaer-euq tsawrhaq pyeuf-eu nawr ghaq-aq, khoerdeuq-anr caevdzeur-awq. Tsaq-awr dawr-eu jeq, Miqyaer-anr yawzeu baw-eu jeq, jan-eu jeq, gaq-eu jeq, daqcoer orcoer-eu jeq hawr-eu nuinanq nuiyu anr-eu jeq, heudeuq-anr taemir nya’ni laejae-awq.

2 Tiˆmoˇseˬ 2:25

Maeq-eu gar pyaerlar-eu tsawrhaq-anr nuinanq nuiyu anr-awr maeqnaeq nya-eu tsawrhaq khawf yapyeuf-eu mae. Khoerlof-aer janr nar-aq, aqyawfmaf yawtsaq yawdawr-anr siqnya larni, Miqyaer, aqyawf maf-anr bi noeqpov bi noeqpar lar-eu baw-mr.

Yaˬkoˆ 1:21

Khoermirnae, nawmaf-euq lafkhoer anr-eu yawjawf yawqjeq navluf hawr-eu yawcawv jeq dawqtawvluf byaerdzae jir-awq. Nawmaf-euq saflar-anr kakhof nya-eu, nawmaf-euq lafkhoer kataq-euq dawq-anr nuima nanqyuni anr-awr hageuf-awq.

1 Beˬtuˆluˆ 3:15

Aerkhawf, nawmaf-euq nuima-euq lafkhoer Sanqpaq Miqyaer-aq, yawshawr mae laer noeqtsov taq-awq. Nawmaf noeqtmq luf-eu garkawv khar narhaq lar-eu tsawrhaq-anr, aqjox-aer aerkhof naeq-eu laer aqmyanluf yawmuiq-aer laeqhmq taq-awr, nuima nanqyuni yawzeu baw-eu lafkhoer jashaw naeq-awq.

1 Beˬtuˆluˆ 3:8

Arsaq heulof-aer saq-eu ma: nawmaf dawqtawvluf nuima tiqsiq taef-aer taq-awr, tiqghaq tirghaq ghawqshaq gaq-eu uqtaf, aqyuif aqnyir yawkaq gaq-eu lof-aer gaq-awr, nuima nanqyuni ghae-eu lafkhoer, aqcawq-euq gharduq sharnoeq nya-awq.