Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Eˇpeˇsu 4:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

1 Sanqpaq Yeqsur-euq gharduq kuv-anr urluf-eu ngar, nawmaf-anr heulof-aer shar-eu ma. Miqyaer, nawmaf-anr kur-euq lof-aer, kur-euq gar geuxni daef-awq.

အခန်းကိုကြည့်ပါ။ ကော်ပီ

Akha

1 Sahˬpaˬ Yeˬsuˇ-euˬ gaˇ mˇ-eu miˇ neh tawˬ-ahˇ ya uˇ-euˬ tsawˇ haˬ pyeuꞈ-eu ngaˇ, naw maꞈ-ahˇ heu loꞈ-ehˇ shaˇ-eu ma. Miˬyehˇ naw maꞈ-ahˇ kuˇ ngeh aˬ yawꞈ neh noeˬ taˬ-euˬ aˇ tiˆ kʼoeˇ tiˆ-ahˇ dehꞈ keuˆ-awˬ.

အခန်းကိုကြည့်ပါ။ ကော်ပီ




Eˇpeˇsu 4:1
36 ပူးပေါင်းရင်းမြစ်များ  

Khoerngae, Yurdav mirkhanq, Gaqliqlaer mirkhanq hawr-eu Saqmaqliv mirkhanq doeni jawr-eu Kali-anr jan-eu armur deuq, nuisar of-eu lafkhoer yajawr-awr huiqlar manrlar-euq mae. Sanqpaq Miqyaer-anr yawzeu baw-awr, Yawshawr Saflar ghaq bif-eu lof-aer daefghae-eu lafkhoer, aqyawfmaf myaqlar-euq mae.


Aqjeq mirnae aernar-aq, Miqyaer-aq, aqyawf nae bif-euq lafsawq hawr-eu, aqyawf nae kur-euq khoer-anr maqpov maq parlar-a.


Khoermirnae, aqyuif aqnyir deuq-or! Miqyaer-euq ghawqshaq gaq-eu jeq-euq baqda’nae, ngar, nawmaf-anr shar-eu ma. Miqyaer nuima tsaq-eu, shawrjaevni ghae-eu, daefluf-eu lawrnaeq-eu jeq lof-aer, nawmaf-euq mawrdo a’naeq-awq. Nawmaf heulof-aer mr-eu-aq, aqdir uqduq tanq-eu jeq pyeuf-eu mae.


Khoermirnae, ngaq-anr mrcaw-awq laer ngar, nawmaf-anr shar-eu ma.


Ngar-aq, nawmaf naeq-aer jawr ngae nuinanq nuiyu anr-awr, nawmaf naeq-aer maqjawr ngae-aq, nuima khaqduqni ghae-eu Pawrluv ma. Nymq-mr ngar, Kali-euq nuinanq nuiyu hawr-eu nuima nanqyuni ghae-eu lafkhoer, nawmaf-anr shar-eu ma.


Khoermirnae, nga’maf-aq, Kali-euq danzar geufluf-eu ma. Miqyaer, nga’maf-anr ghoe-awr nawmaf-anr sharluf-eu gar dur-eu mae. Miqyaer-anr tsaqler dzoerler-awq laer nga’maf, Kali-euq danzar geuf-awr, nawmaf-anr tanqshar-eu ma.


Nawmaf, Miqyaer-euq guiqlanq yawdzanr hageuf-euq khoer yawqngaef-aer taqbi pyeuf laer Miqyaer-euq gar mrcawq pyeuf-awr mrluf-eu nga’maf, nawmaf-anr tanqshar-eu ma.


Aqyuif aqnyir deuq-or! Ngar, nawmaf lof-aer pyeufle-euq mirnae, nawmaf khawf ngar lof-aer pyeuflar-awq laer sharmawf mir-a. Nawmaf, ngaq-anr mrlaeq taq-euq tiqjeq-iq maqjav-a.


Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.


Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.


Khoermirnae, ngar, Sanqpaq Miqyaer-euq maeqshi sarkir kamq-eu lafkhoer nawmaf-anr aer-eu ma. Nawmaf, aqcawq tsawrjeuq tsawrca daef-eu lof-aer taqpar daef. Aqyawf maf-euq nuinoeq nuidur-aq, tiqjeq-iq gardanr maqtsoeq-a.


Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.


Kali, aqdui-anr gaq-awr, aqyawf-euq mawrdo, Miqyaer-anr damqnaeq-eu jeq hawr-eu lawrnaeq-eu yawsaw jeq lof-aer aqdui-anr bifnaeq laf-euq mae. Khoermirnae, nawmaf khawf gaq-eu lafkhoer daef-awq.


Aqjox-aer law khawf, nawmaf, Kali-euq guiqlanq dawq-anr geuxni yawdaef daef-awq. Khoerlof-aer daef nar-aq, ngar oekeuv-awr nawmaf-anr ya’mawr ngae maqaer, nawmaf naeq-aer maqjawr ngae maqkaq, nawmaf nuima tiqsiq taef-aer taq-awr, nuinoeq tiqjeq taef-aer taq-eu uqtaf, guiqlanq dawq-anr taf-eu jan-eu jeq-euq gharduq, tiqkawv lof-aer laejae duidui-eu garkawv-anr ngar yagaq taef-a.


Yeqsur Kali-euq lafkhoer Miqyaer-euq zawr gor-eu kur-eu jeq-euq lafsawq za’ni, ngar arpyar-anr hawtsov taq-awr taeluf-eu ma.


Khoernar-aq, nawmaf, Sanqpaq Miqyaer-anr geuxni daefnya lar-awr, yawqjeq navluf-euq lafkhoer aqyawf, nawmaf-anr nuikhanr shir-eu uqtaf, nawmaf yawmuiq yawqjeq navluf mr-awr shar-eu lafkhoer arsiq siqle-awr, Miqyaer-anr siqnya-eu tsawrganr myaqlar taef-a.


Khoermirnae, nawmaf, Sanqpaq Yeqsur Kali-anr hageuf-euq lof-aer, aqyawf-euq lafkhoer daef-awq.


Nawmaf-euq lafkhoer Kali-euq kuirlaf zaqkhav pyeuf-eu Irbaqpaqlar, nawmaf-anr dawqcawq puqanr lef-euq mae. Nawmaf, Miqyaer nuima tsaq-eu yawqjeq navluf-euq lafkhoer, zifdanni yawfnya lar-awr byanlarni, aqyawf aqmyanluf laejae-awr guiqlanq yawkhav-aer sharluf-eu mae.


Miqyaer uvlanr-eu lafkhoer hawr-eu aqyawf-euq yawshaef khanqsaer-euq lafkhoer urlarni, nawmaf-anr kur-euq Miqyaer-anr geuxni yawdaef daef-awq laer nga’maf, nawmaf-anr dawq bif-euq ma.


Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.


Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.


Myawq maqkhoeq-aer, yawqjeq navluf-euq lafkhoer sarjax zif-awq laer khawf maeqnaeq-awq. Khoerlof-aer janr nar-aq, yawqjeq navluf-euq lafkhoer aqdui-euq Kakhof-eu ghaq pyeuf-eu Miqyaer-euq dawqmaeq dawqtsov-anr ciqpoeq ciqgor taef-a.


nawmaf, aqyawf nuima tsaq-eu lof-aer mrnya’ni, aqyawf, nawmaf-euq lafkhoer yawmuiq yawqjeq navluf bi byanlar luf-eu mae. Yeqsur Kali-anr ghoe-awr, aqyawf-euq maeqshi aqyawf nuikhanr shir-eu jeq, aqdui-euq lafkhoer mrnaeqlaf luf-ur. Arsaq saq-eu maqbawni yawshaef khanqsaer dawqtawvluf Kali-anr a’naeq kar-eur. Aqmeq.


Mq-euq khoertav nae bikur-euq gar taf-eu shawr-eu aqyuif aqnyir deuq-or! Aqyawf-aq, Ghaqkhaer hawr-eu Pirma yawhuiq ghaq mae laer, aqdui aerdov-eu Yeqsur Kali-euq garkawv sharnoeq sharsawx haw-awq.


Ngar zawr gaq-eu aqyuif aqnyir deuq-or! Nawmaf-aq, aqcawq mirkhanq-anr jawrnaq mr-awr jawrzar sharpov luf-eu daqyan mae. Ngar, nawmaf-anr heulof-aer shar-eu ma, nawmaf-euq nuima saflar-anr guirdeuv deuvluf-eu shiqshaq-euq nuikhanr deuq-anr byaerdzae-awq.


Aqcawq yawdoer jeq janrlar-eu khawf, yawdoer jeq taq janrkhofnaeq. Aqcawq dawqdoer ngaeqlar khawf, dawqdoer maq ngaeqkhof naeqni, dawq ngaeqghae naeq-awq. Miqyaer-aq, nawmaf-anr guiqlanq-euq jeqbir biza-eu laer kur-euq mae laer siqnya-awq.


Nawmaf shaqzanq tiqkhaeq daqghaq-euq nar-aq, Yeqsur Kali-anr ghoe-awr, aqdui-anr mqmaq maqbyav yarzir zif-eu yawshaef khanqsaer jav-eu gar kurlaf-euq guiqlanq yawdzanr dawqtawv luf-euq Miqyaer, nawmaf-anr bi byanlar-awr, bi ziflar-eu uqtaf, ghaq bi khavlar-awr, bi jawrzif naeqlaf taef-a.


Aqdui-anr yawshaef khanqsaer hawr-eu yawmuiq yawjaq jeq-anr ghoe-awr nae, kur-euq ghaq-anr aqdui siqnya-eu mirnae, Miqyaer, aqyawf-euq baoq-anr ghoe-awr nae, Miqyaer-anr yawzeu baw-awr, yawdaef daef-eu gar taf-eu yawqjeq navluf, aqdui-anr bifnaeq laf-euq mae.


Zaqmiq-or! Aqdui tiqghaq tirghaq gaq kar-eur laer nymq-mr ngar, nawq-anr shar-eu ma. Biftaq yaf-euq dawq yawshuif ngar, nawq-anr bofanr lef-eu maqngeur. Yawbae ngae nae aqdui zataq-euq dawq khoerdawq, ngar, nawq-anr bofanr lef-eu ma.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ