Eˇpeˇsu 3:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Khoeruqtaf, Yeqsur Kali-anr ghoe-awr dawqtawv luf-anr bae-euq Miqyaer-euq lafkhoer, ardanqbae ngae nae daeqkaq taq-euq jeq-anr taf-eu zaftaq-euq jeq-euq lafkhoer, cawq cawqtaf-eu jeq aqjox-aer ghae-eu nga laer, tsawrhaq dawqtawv luf-anr bimawrni khawf bi mrnaeq laf-euq mae.

Akha

⁹ Kʼoeˇ-aˬ, Miˬyehˇ neh lehˬ hmˬ taˬ-euˬ zaꞈ taˬ-euˬ jeˬ-ahˇ tsawˇ haˬ dawˬ tawˆ luꞈ bi mawˇ-eu gʼaˇ duˬ meh. Dawˬ tawˆ luꞈ-ahˇ beh-euˬ Miˬyehˇ-aˬ, aˬ yawꞈ neh zaꞈ taˬ-euˬ jeˬ-ahˇ aˇ hu ba neh iˬ nah keuˆ ni dehˬ kaˬ taˬ-euˬ meh.

Eˇpeˇsu 3:9 ပူးပေါင်းရင်းမြစ်များ

Jaceuq 33:6

Mqdeuq-anr Ya’we Miqyaer-euq dawq nae bae-awr, Mqtav tsaeq-eu jeq dawqtawvluf, aqyawf-euq khaqmae-euq saf nae bae-euq mae.

Maꞈtehˬ 10:27

Ngar, nawmaf-anr yawzanr-euq lafkhoer aernaeq-euq deuq, yawshaef bya-eu gar nawmaf aernaeq-awq. Nawmaf-anr khoeqsav naeq-euq deuq, nymrmq-anr davler-awr gurgaq-awq.

Maꞈtehˬ 13:35

Khoer-aq, Miqyaer gharduq ngaeqdan-eu tsawrhaq nae ngaeqtaq-euq heudawq byanlar-euq mae, “Ngar, ngaq-euq khaqmae mrnga-awr nae yawjeq majeq dawq ja’maeqnaeq ma. Mirtsaq bae ngae nae zaftaq-euq deuq ngar aernaeq ma.” (Jc 78:2)

Maꞈtehˬ 25:34

Khoernar-aq, Sanqpaq, armar paw jawr-eu deuq-anr heulof-aer aernaeq taef-a: ‘NgaqDa-euq guiqlanq za-euq tsawrhaq deuq-or! Lar-awq. Mqbae mirbae bae ngae nae, nawmaf-anr of-eu jeqbir pyeuf-eu mirkhanq-anr jawrlar-awq.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Yoˇhaˬ 10:30

Ngar hawr-eu ngaqDa-aq, tiq ghaq taef ma.”

Yoˇhaˬ 5:17

Khoerngae, Yeqsur, aqyawf maf-anr aernaeq-eu, “Nymq-mr keuvni ngaqDa gar mrluf-eu mae. Ngar khawf mrluf-eu ma.”

Yoˇhaˬ 5:19

Khoernar-aq, Yeqsur, aqyawf maf-anr heulof-aer aerkhof naeq-euq mae, “Ngar, nawmaf-anr aqdir aqmar aernaeq nyar, Zaqyo-aq, yawqha yawqha tiqjeq-iq maq mrnya-a. Aqda mr-eu gar mawr-awr, aqyawf mr-eu taef mae. Aqda kharmr-eu yawqjeq navluf Zaqyo khawf mrluf-eu mae.

Gʼaˬkʼehˇ 15:18

“Miqyaer nae kharmr-euq gar dawqtawvluf, mqmaq maqbyav yarzir-anr nae aqyawf siqnya luf-eu mae.’

Lormav 11:25

Aqyuif aqnyir deuq-or! Nawmaf yawqhar yawqha zaqsiq tsawrganr anr ma laer maqya noeqni, ngar, nawmaf-anr zaftaq-euq garkawv heu-anr maq siqnya-aer maqbi ghaemawf nya. Aqcawq tsawrjeuq tsawrca maq urbyan lar-euq khoerkeuvni, Irsaqleqlav tsawrhaq tiqpavnav deuq myavbaefbaef taef-a.

1 Gawˇliˬtu 2:7

Dzeurlaf ngae zaftaq-awr daeqkaq taq-euq Miqyaer-euq zaqsiq tsawrganr-euq garkawv nga’maf jaluf-eu ma. Zaqsiq tsawrganr heu-aq, aqdui khanqsaer za’ni, mirtsaq heu maqbae-euq minav-aer Miqyaer nae noeqtsaev taq-euq mae.

Eˇpeˇsu 1:4

Aqdui, Miqyaer-euq maeqshi iqbax tiqpawf-iq taqkhar maqza-eu shawr-eu tsawrhaq pyeuflarni, mirtsaq tanqkhawr maqbae-euq minav-aer, gaq-eu lafkhoer Kali-anr ghoe-awr aqdui-anr tserdov taq-euq mae.

Eˇpeˇsu 3:2

Miqyaer-euq guiqlanq yawdzanr baqda’nae, nawmaf-euq gharduq gar mrni, ngaq-anr khaerdar taq-euq mae laer nawmaf yagaq-euq mae.

Eˇpeˇsu 6:19

Ngar guiqlanq dawq-anr taf-eu zaftaq-euq jeq-euq garkawv bisiqni, khaqmae mrnga-awr ngaeq-eu laer ghae ngae, Miqyaer, ngaq-anr dawq bifnaeq laf-awr, nuima khaqduqni maeqnya’ni, ngaq-euq gharduq khawf guiqlanq sharcaw naeqlaf-awq.

Gawˇlawˇsehˇ 1:23

Nawmaf nae yagaq-euq guiqlanq dawq-anr taf-eu noeqtmq-eu jeq-anr nae maq jivdov-ir ni, jan-eu lafkhoer dawqpaeq zif-awr, zifdanni nyaeftaeqtaq nya-euq ngeur nar-aq, khoer-aq, mq-euq uqmov baetaq-euq yawqjeq navluf-anr dawqmaeq maeqnaeq-euq mirnae mae. Ngar, Pawrluv khawf khoer-euq gharduq kuirlaf zaqkhav geuflar-euq ma.

Gawˇlawˇsehˇ 1:26

Arhu nae tiqzir sair tiqzir daeqkaq-awr zaftaq-euq jeq pyeuf-eu khawf, nymq-mr aqyawf-euq tsawrshawr deuq-anr panmaeq naeq-euq mae.

Gawˇlawˇsehˇ 3:3

Aqjeq mirnae aernar-aq, nawmaf-aq shirdzeur-awr, nawmaf daef-eu jeq Miqyaer-euq lafkhoer Kali naeq-aer zaftaq-euq mae.

Gawˇlawˇsehˇ 4:3

Nga’maf, Kali-euq garkawv zaftaq-euq jeq ngaeqnaeq nya’ni, Miqyaer, nga’maf-anr dawq khoer-euq gharduq larghov pannaeq lafni guiqlanq shar-awq. Khoermirnae, ngar shmrcav daqluf-eu ma.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

2 Tiˆmoˇseˬ 4:17

Tsawrhaq dawqtawvluf, ngaq-anr byaerdzae naeqlaf-euq khawf, ngar guiqlanqdawq tiqbyanni maeqnaeq-awr, aqcawq tsawrjeuq tsawrca dawqtawvluf yagaqni, Sanqpaq Yeqsur, ngaq naeq-aer jawr-awr, ghaq bifnaeqlaf luf-eu mae. Khoermirnae, ngar, arlaqjaqshir-euq khaqmae-anr nae yabuq-ir-euq ma.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

1 Beˬtuˆluˆ 1:20

Mirtsaq maqbae-euq minav-aer, Miqyaer, aqyawf-anr tserdov taq-euq mae. Aerkhawf, arsaq saq-eu aryamq heu-euq lafkhoer, nawmaf-euq gharduq byacaevni bi dovle-euq mae.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Panmaeq 14:6

Khoernar-aq, ngar, mqtav mirkhanq-euq ghanrcae mqtav ghaqkhaer tiq ghaq zawluf-eu gar ya’mawr-euq ma. Aqyawf-aq, mirtsaq-euq khoertav kharjawr-eu tsawrjeuq tsawrca, arjeuq arca, dawqngaeq dawqbav hawr-eu tsawrhaq yawqjeq navluf-anr maeqnaeq-eu gharduq, mqmaq maqbyav yarzir-euq guiqlanqdawq piluf-eu mae.

Panmaeq 17:8

Nawq nae mawr-euq jeqzaq yawghae khoermawr-aq, arhu jawr-euq khawf, nymq-mr maqpar jawr-aer, aqkar li-eu maqbaw-eu duqkhanq-anr nae dovlar-awr, cawv-ir-eu jeq-euq lafkhoer ya’ur-ir-eu mae. Mq hawr-eu mir bae ngae nae, Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav daef-eu tsawrhaq deuq-aq, jeqzaq yawghae heumawr-anr ya’mawr ngae zanq duidui ler taef-a. Aqjeq mirnae aernar-aq, jeqzaq yawghae heumawr-aq, arhu jawr-euq khawf, nymq-mr maqjawr-aer, aqkar par jawrlar-eu mae.

Panmaeq 4:11

“Or, nga’maf-euq Sanqpaq Miqyaer-or! Nawr-aq, yawqjeq navluf-anr bae-awr, Nawr nuima tsaq-eu lof-aer nawq nae bae-euq jeq daefnya javnya-eu mirnae, Yawshaef khanqsaer, taqhuiq taqmanr-eu jeq hawr-eu, baoq dawqtawvluf nawr za-eu geux mae.”