Eˇpeˇsu 3:8 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁸ Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Akha

⁸ Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Eˇpeˇsu 3:8 ပူးပေါင်းရင်းမြစ်များ

Jaceuq 31:19

Or-oq, nawq-anr guv-eu deuq-euq khoertav bi keuvle-awr, Nawq nae tsawrhaq-euq zaqdeuq-euq maeqshi, Nawq-anr ghoe-eu deuq-euq gharduq laeqhmq taq-euq yawmuiq jeq arnavni huiq-eu nga.

Luˇkaꞈ 14:22

Khoerngae, kuirlaf zaqkhav khoerghaq aer-eu, ‘Sanqpaq-or! Nawq nae khaer-euq lof-aer mrjir-euq ma. Aerkhawf, jawrduq ngaef nga siq.’

Yoˇhaˬ 1:16

Aqyawf byan-eu lafkhoer, aqdui yawqghaq navluf guiqlanq yawdzanr tiqjeq sair tiqjeq za-euq ma.

Gʼaˬkʼehˇ 5:41

Miqyaer, aqyawf maf-anr Yeqsur-euq tsawrmyanr baqda’nae shafdawr-eu jeq-anr daq-eu geux-eu tsawrhaq laer sawxnaeq-euq mirnae, ghaqkhaer deuq, khavma armur-euq maeqshi nae laqkhaq caertavni dov-ir-euq mae.

Gʼaˬkʼehˇ 9:15

Khoerngae, Sanqpaq Yeqsur, aqyawf-anr heulof-aer aernaeq-euq mae: “Ir-awq. Aqjeq mirnae aernar-aq, aqyawf-aq, aqcawq tsawrjeuq tsawrca, sanqpaq deuq hawr-eu Irsaqleqlav tsawrhaq-euq maeqshi, ngaq-euq tsawrmyanr bipi-awr bi tsafgaq-eu laer ngaq nae tserdov taq-euq ngaq-euq keuka ma.

Lormav 11:33

Miqyaer-euq sanr duidui-eu zaqsiq tsawrganr hawr-eu siqnya-eu tsawrganr arnavni naf-eu nga! Aqyawf yarkhaq dar-eu jeq-anr tiqghaq-iq maq noeqdov coer-a. Aqyawf-euq garma-anr tiqghaq-iq maq cawmawrduq nya-a!

Lormav 12:10

Aqyuif aqnyir yawkaq gaq-eu lof-aer tiqghaq tirghaq ghoer-awr gaq-awq. Yawqha-anr navmaqtser aqcawq-anr noeqpoeq-awr, tiqghaq tirghaq taqhuiq taqmanr-awq.

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

1 Gawˇliˬtu 2:9

Aerkhawf, Yaerbof aer-eu, “Myavnuiv maq mawrhaw-aer, naqbawr maq gaqhaw-euq uqtaf, tsawrhaq-euq nuima maq noeqkeuv coer-eu jeq, Miqyaer nae aqyawf-anr gaq-eu tsawrhaq-euq gharduq laeqhmq taq-euq mae.” (Isy 64:5)

Gaˬlaˬtiˆ 1:16

aqyawf-euq Zaqyo-euq garkawv aqcawq tsawrjeuq tsawrca-anr dawqmaeq bimaeq-ir-eu, aqyawf nuima tsaq-eu lof-aer aqyawf-euq Zaqyo-euq garkawv, ngaq-euq nuima-euq lafkhoer panmaeq naeqlaf-euq mae. Khoerngae, shiqshaq piluf-eu tiqghaq naeq-aer-iq ngar maq bawqdzaq-aq.

Gaˬlaˬtiˆ 2:8

Beqtuvluv-anr bawkhov maeqdzaq yaeq-euq tsawrhaq-euq gharduq ghaqkhaer bigeuf-euq khoerghaq, ngaq-anr khawf aqcawq tsawrjeuq tsawrca-euq gharduq ghaqkhaer bi geufnaeq laf-euq mae.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Eˇpeˇsu 3:1

Ngar-aq, aqcawq tsawrjeuq tsawrca pyeuf-eu nawmaf-euq gharduq, Yeqsur Kali-euq baqda’nae, kuv-anr bi nyaefur taq-euq Pawrluv ma.

Eˇpeˇsu 3:16

Ngar guiqlanq heulof-aer shar-eu ma: Miqyaer-euq yawshaef khanqsaer sanr duidui-eu gar geuxni, aqyawf-euq Saflar-anr ghoe-awr, nawmaf-euq nuima, ghaq bi anrlar-awr ghaq bi khavlar law.

Eˇpeˇsu 3:19

Khoeruqtaf, tsawrhaqzaq-euq siqnya-eu tsawrganr taf-aer dzaeq-eu, Kali-euq gaq-eu jeq-anr nawmaf siqnya lar-awr, Miqyaer-euq lafkhoer byan-eu yawqjeq navluf, nawmaf-euq lafkhoer bi byanlar law.

Eˇpeˇsu 3:2

Miqyaer-euq guiqlanq yawdzanr baqda’nae, nawmaf-euq gharduq gar mrni, ngaq-anr khaerdar taq-euq mae laer nawmaf yagaq-euq mae.

Piˇliˇpiˆ 2:3

Yawqha, aqcawq taf-aer dzaeqlerni sharnoeq-awr khanqsaer jaev-eu gharduq tiqjeq-iq taqmr. Nuima nanqyuni taq-awr, yawqhar yawqha taqhuiq-eu navmaqtser, aqcawq-anr taqhuiq-awq.

Piˇliˇpiˆ 4:19

Yeqsur Kali-euq lafkhoer anr-eu Miqyaer-euq yawshaef khanqsaer sanr-eu gar geuxni, nawmaf kharmawf-eu yawqjeq navluf bifnaeqlaf taef-a.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

1 Tiˆmoˇseˬ 1:15

“Iqbaxzaq-anr kakhof-eu laer Yeqsur Kali mirtsaq-euq khoertav oe-euq mae” laer aertaq-euq dawq heudawq-aq, jancoer paq-aer ghae-awr, tiqbyan tiqlof hageufcoer paq-aer ghae-eu mae. Ngar-aq, iqbaxzaq-euq lafkhoer aqcawq navmaqtser iqbax huiqdzaeq-eu ghaq ma.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.