Eˇpeˇsu 3:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Zaftaq-euq khoer-aq heulof-aer mae: guiqlanqdawq baqda’nae aqcawq tsawrjeuq tsawrca khawf, Kali-euq lafkhoer Yurdav tsawrhaq naeq-aer tiqkawv lof-aer jeqbir of-awr, mawrdo tiq do taef-aer pyeuflar-euq uqtaf, aqyawf-euq sarjax-anr khawf tiqkawv lof-aer za-euq mae.

Akha

⁶ Zaꞈ taˬ-euˬ kʼoeˇ-aˬ, heu loꞈ-ehˇ meh. Laˬ kʼaˬ cehˇ-eu guiˬ lahˬ dawˬ baˬ da neh, Yuˇdaˆ tsawˇ haˬ maˬ ngeuˇ-eu deuˬ kʼawꞈ Yuˇdaˆ tsawˇ haˬ deuˬ nehˬ-ehˇ tiˬ kawˆ loꞈ-ehˇ Miˬyehˇ-euˬ guiˬ lahˬ jeˬ biˇ oꞈ-eu meh. Nyiˬ deuˬ luꞈ gʼawˇ mawˇ tiˬ mawˇ-ahˇ tehꞈ-ehˇ taꞈ-eu aˇ sehˇ deuˬ pyeuꞈ-awˇ, Yeˬsuˇ Ka li-ahˇ gʼoe-awˇ Miˬyehˇ neh saˇ jaˇ dzaˬ taˬ-euˬ jeˬ tiˬ kawˆ loꞈ-ehˇ za-euˬ meh.

Eˇpeˇsu 3:6 ပူးပေါင်းရင်းမြစ်များ

1 Gawˇliˬtu 12:12

Mawrdo tiq do taef khawf arsaer ghawqmya’ni tsof-eu mae. Mawrdo-euq arsaer deuq ghawqmya’ni tsof-eu khawf, dawqtawvluf mawrdo tiq do taef-aer pyeuf-eu lof-aer, Kali khawf khoerlof-aer dur-eu mae.

1 Gawˇliˬtu 12:27

Nawmaf-aq, Kali-euq mawrdo mae. Khoeruqtaf, aqyawf ghaqyawf tiq ghaq tiq saer pyeuf-eu mae.

Gaˬlaˬtiˆ 3:14

Khoermirnae, Aqbyaqhaq-anr bif-euq guiqlanq, Yeqsur Kali-anr ghoe-awr, aqcawq tsawrjeuq tsawrca-anr keuv-ir ni, aqdui jan-eu mirnae, bif ma laer aertaq-euq Yawshawr Saflar za-euq ma.

Gaˬlaˬtiˆ 5:24

Yeqsur Kali-anr khartaf-eu tsawrhaq deuq-aq, shiqshaq naeq-aer shiqshaq-euq nuinoeq nuilov hawr-eu nuikhanr dawqtawvluf lafyaq-euq khoertav taftaeq-euq mae.

Eˇpeˇsu 3:3

Miqyaer, aqyawf nae zaftaq-euq jeq ngaq-anr aqjox-aer panmaeq naeqlaf-awr bi siqnya naeqlaf-euq garkawv, dzeurlaf ngae, ngar, nawmaf-anr sanqbof yawnymr nymr-aer bofanr lef-euq lof-aer ma.

Eˇpeˇsu 5:30

Aqjeq mirnae aernar-aq, aqdui-aq, aqyawf-euq mawrdo-euq arsaer pyeuf-awr, aqyawf-euq shiqshaq hawr-eu aqyawf-euq shaqyoeq deuq ma.

Eˇpeˇsu 5:7

Khoermirnae, nawmaf khoerlof-aer ghae-eu tsawrhaq naeq-aer taq gmler.

Gawˇlawˇsehˇ 2:19

Aqyawf maf-aq, uqduq-anr maq tsoftsaf-a. Uqduq-anr khar tsoftsaf taq-euq mawrdo-aq, yoeqtsuif yoeqlaf hawr-eu shaqguq shaqcav nae aqyawf saer aqyawf gheutsaf taq-awr bidzaq bi dawrluf-eu mirnae, Miqyaer nuima tsaq-eu lof-aer huiqlar manrlar nya-eu mae.

1 Yoˇhaˬ 1:3

Nawmaf khawf, nga’maf naeq-aer cawq ya cawqni, nga’maf ya’mawr yagaq-euq deuq nawmaf-anr ja’maeq-eu ma. Aqdui cawq cawqtaf-eu-aq, Aqda Miqyaer hawr-eu aqyawf-euq Zaqyo Yeqsur Kali naeq-aer cawq cawqtaf-eu jeq pyeuf-eu mae.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.