Eˇpeˇsu 2:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Mr-awr shar-euq baqda’nae za-euq maqngeur-eu mirnae, tsawrhaq tiqghaq-iq khanqsaer jaevkhar maqza-a.

Akha

⁹ Naw maꞈ mˇ-euˬ shaˇ-euˬ baˬ da neh za-euˬ maˬ ngeuˇ-a. Kʼoeˇ loꞈ-ehˇ ngeuˇ law nmˇ-aˬ, tsawˇ haˬ aˬ geu gʼaˬ maˬ kaˬ, kʼahˬ sehˇ jehˆ kʼaˇ za tehꞈ-a.

Eˇpeˇsu 2:9 ပူးပေါင်းရင်းမြစ်များ

Lormav 11:6

Guiqlanq yawdzanr-euq baqda’nae za-euq ngeur-eu law nar-aq, mr-awr shar-eu jeq-anr maqtaf-a. Mr-awr shar-eu jeq-anr taf-eu law nar-aq, guiqlanq yawdzanr maqpar ngeur-eu mae. Aerkhawf, mr-awr shar-eu jeq-euq baqda’nae ngeur-eu law nar-aq, guiqlanq yawdzanr-anr maqtaf-a. Guiqlanq yawdzanr-anr taf-eu law nar-aq, mr-awr shar-eu jeq maqpar ngeur-eu mae.

Lormav 3:20

Zanrdawq-anr mrcaw-eu baqda’nae, tsawrhaq tiqghaq-iq Miqyaer-euq maeqshi tsaq-awr dawr-eu tsawrhaq maq pyeuflar nya-a. Aqjeq mirnae aernar-aq, zanrdawq-euq baqda’nae iqbax-anr siqnya-eu tsawrganr anrlar-eu mae.

Lormav 4:2

Mr-awr shar-eu baqda’nae Aqbyaqhaq tsaq-awr dawr-eu tsawrhaq pyeuflar-euq lawnmr-aq, aqyawf nuima huiqkhar za taef-a. Aerkhawf, Miqyaer-euq maeqshi aqyawf nuima huiqkhar maqza-a.

Lormav 9:11

Zaqdzm khoer nyiq ghaq maq daefle-euq minav-aer, yawmuiq yawdoer khawf maqmr-euq siq khoer nae, Miqyaer tserdov-eu jeq zifni, aqyawfmaf mr-awr shar-eu gar haw-awr maqngeur-aer, kur-eu ghaq pyeuf-eu Miqyaer nae noeqtsaev taq-euq lof-aer tser-eu jeq pyeuf-eu mae.

Lormav 9:16

Khoermirnae, khoer-aq, tsawrhaqzaq-euq nuikhanr-euq baqda’nae za-eu maqngeur-a. Tsawrhaqzaq laejae-awr mr-eu mirnae za-eu khawf maqngeur-a. Miqyaer ghawqshaq gaq-eu baqda’nae taef-aer za’nya-eu mae.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.