Eˇpeˇsu 2:6 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Miqyaer, aqdui-anr Kali naeq-aer tiqkawv lof-aer bi ghofdaef lar-awr, Yeqsur Kali-euq lafkhoer, mq-euq khoertav aqyawf naeq-aer tiqkawv lof-aer binuir naeqlaf-euq mae.

Akha

⁶ Mˬ kʼoeˇ taˆ jaˆ-eu miˇ kʼahˬ-ahˇ Yeˬsuˇ Ka li nehˬ-ehˇ aˬ dui ya uˆ lahˇ ni, Miˬyehˇ neh aˬ dui-ahˇ Ka li nehˬ-ehˇ bi gʼoꞈ dehꞈ laˇ-euˬ meh.

Eˇpeˇsu 2:6 ပူးပေါင်းရင်းမြစ်များ

Maꞈtehˬ 26:29

Ngar, nawmaf-anr aernaeq nyar, ngaqDa uvlanr-eu jeq-euq lafkhoer, ngar, nawmaf naeq-aer tiqkawv lof-aer aqgaf dzaruir yawshuif yadawr taf-eu arnan maq keuvlar-euq khoerkeuvni, ngar, aqgaf arsiq-euq dzaruir maqpar dawr ma.”

Luˇkaꞈ 12:37

Yawsanr ghaq ghoflar ngae, yawbeur beur-aer lofluf-eu kuirlaf zaqkhav deuq-aq, guiqlanqhuiq taef-a. Ngar, nawmaf-anr aqdirma-aer aernaeq nyar, yawsanr ghaq jofpaf paf-awr, kuirlaf zaqkhav deuq-anr hawqjawq bijawq-awr, aqyawf hawqbyawr lavdawvnaeq taef-a.

Yoˇhaˬ 12:26

Tsawrhaq tiqghaqnav ngaq-euq kuirlaf zaqkhav geufmawf nar-aq, ngaq-euq maeqnan ya cantae-eu mae. Ngar aqgeugar jawr nar-aq, ngaq-euq kuirlaf zaqkhav khawf khoergar yajawr-eu mae. Tsawrhaq tiqghaqnav ngaq-euq kuirlaf zaqkhav geuf nar-aq, ngaqDa, aqyawf-anr taqhuiq taqmanrnaeq taef-a.”

Yoˇhaˬ 14:3

Ngar ghofler-awr, nawmaf-euq gharduq jawrzar lavsav ghaq-euq nar-aq, ngar tiq pov paroe-awr, nawmaf-anr sheuqlaqle ma. Aqjeq mirnae aernar-aq, ngar aqgar jawr nar-aq, nawmaf khawf khoergar yajawr taef-a.

Eˇpeˇsu 1:1

Ngar-aq, Miqyaer nuima tsaq-eu mirnae, Yeqsur Kali-euq ghaqkhaer geufluf-eu Pawrluv ma. Yeqsur Kali-euq lafkhoer sarjax zif-eu tsawrhaq pyeuf-eu, Erpersu-anr jawr-eu tsawrshawr deuq-anr sanqbof bofanr lef-eu ma.

Eˇpeˇsu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

Eˇpeˇsu 2:10

Aqdui-aq, Miqyaer-euq lafzar ma. Yawbae ngae nae aqdui-anr bimr-eu laer laeqhmq taq-euq yawmuiq jeq-anr, aqdui mrmr-aer daefni, Yeqsur Kali-euq lafkhoer aqdui-anr bae naeqlaf-euq mae.

Eˇpeˇsu 2:13

Dzeurlaf ngae, nawmaf garmanr kaq-eu gar jawr-euq khawf, nymq-mr-aq, Yeqsur Kali-euq lafkhoer, Kali-euq shiq-anr ghoe-awr nae dawqpae sheuqpae laf-euq mae.

Gawˇlawˇsehˇ 1:18

Kali-aq, aqyawf-euq mawrdo pyeuf-eu Kalizaq armur-euq uqduq pyeuf-eu mae. Aqyawf-aq, ardanq bae-eu ghaq pyeuf-awr, yawqjeq navluf-euq khoertav uqdzan ghaq pyeuflarni, shir-euq deuq-anr nae ghofdaeflar baebae-euq ghaq pyeuf-eu mae.