Eˇpeˇsu 2:4 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

Akha

⁴ Ehˇ kʼawꞈ, Miˬyehˇ gʼawˬ shaˬ gaˬ-eu jeˬ myaˬ dui dui-awˇ, aˬ yawꞈ-euˬ gʼoeˇ-eu gaˬ-eu jeˬ huiˬ dui dui-eu meh.

Eˇpeˇsu 2:4 ပူးပေါင်းရင်းမြစ်များ

Jaceuq 145:8

Ya’we Miqyaer-aq, guiqlanq yawdzanr byan-awr, ghoernya gaqnya duidui-eu uqtaf, Nuima yawkawr-aer maqpaerni, ghawqshaq yawkhav-aer gaqnya-eu mae.

Jaceuq 51:1

Miqyaer-or! Nawq-euq ghoer-awr gaq-eu jeq-euq baqda’nae, Ngaq-anr ghawqshaq gaqnaeq laf-awq. Nawq-euq myaq duidui-eu nanqyuni ghawqshaq gaq-eu jeq-euq baqda’nae, Ngaq-euq yawbanq yawlaeq sivdzaebyov naeqlaf-awq.

Jaceuq 86:15

Aerkhawf, Sanqpaq Miqyaer-or, Nawr-aq, ghoer-awr gaq-eu jeq hawr-eu guiqlanq yawdzanr byan-awr, Nuinoeq ghawqmanrni noeqnya-eu uqtaf; Yawtsaq yawdawr hawr-eu, Ghawqshaq gaq-eu jeq byan-eu Miqyaer mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Luˇkaꞈ 1:78

Aqdui-euq Miqyaer ghawqshaq gaq-eu nuima anr-eu mirnae, Kakhof-eu jeq uqshawq paw-euq yawshaef mqtav nae aqdui-euq khoertav bi byale-awr,

Lormav 10:12

Yurdav tsawrhaq hawr-eu Heqlaqsar tsawrhaq maq beugar-a. Aqjeq mirnae aernar-aq, Miqyaer-aq, tsawrhaq dawqtawv luf-euq Sanqpaq pyeuf-awr, aqyawf-anr kur-eu tsawrhaq yawqghaq navluf-anr guiqlanq tiqbyanni bifnaeq-eu mae.

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

Lormav 5:8

Aerkhawf, Miqyaer, aqdui-anr gaq-eu byacaevni bi mawrlar-eu laer aqdui, iqbaxzaq pyeufluf ngae, Kali, aqdui-euq gharduq shirdan-euq mae.

Lormav 9:23

Khoeruqtaf, yawshaef khanqsaer bi za’ni yawbae ngae nae laeqhmq taq-euq, aqyawf ghawqshaq gaq-eu oeqlanq deuq-anr, aqyawf-euq yawshaef khanqsaer arnavni sanr-eu nga laer bi siqlar-eu gharduq mae.

Eˇpeˇsu 1:7

Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

1 Tiˆmoˇseˬ 1:14

Aqdui-euq Sanqpaq Miqyaer-euq guiqlanq yawdzanr myaqgar maq aerjircoer nya. Yeqsur Kali-euq lafkhoer anr-eu jan-eu jeq hawr-eu gaq-eu jeq ngaq-anr bifnaeq laf-euq mae.

2 Tiˆmoˇseˬ 1:9

Aqyawf, aqdui-anr kakhof naeqlaf-awr kur-eu yawshawr jeq nae aqdui-anr kur-euq khoer-aq, aqdui mr-awr shar-eu mirnae maqngeur-a. Aerkhawf, aqyawf nae noeqtmq taq-euq jeq hawr-eu guiqlanq yawdzanr baqda’nae mae. Guiqlanq yawdzanr khoer-aq, ardanq maqbae-euq minav-aer, Yeqsur Kali-euq lafkhoer aqdui-anr bifnaeq laf-euq mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.