Eˇpeˇsu 2:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Khoerngae, nawmaf-aq, mirtsaq heu-anr taf-eu canjeq cankawv-euq lafkhoer daef-awr, mq-anr aryaq jav-eu mqsanr-euq maeqnan can-euq mae. Nymq-mr uvlanr-eu saflar heu, maq narhaq geuf-eu tsawrhaq-euq lafkhoer gar mrluf-eu mae.

Akha

² Kʼoeˇ ngeh, miˇ tsaˬ heu-ahˇ taꞈ-eu maˬ muiˬ maˬ jaˬ-eu jeˬ mehˬ nah naw maꞈ caw teh-awˇ, mˬ hawˇ-eu miˇ yaw kaˬ-ahˇ uˆ lahˇ-eu yaw sahˇ-euˬ mehˬ nah caw teh-euˬ meh. Yaw sahˇ kʼoeˇ-aˬ, nymˬ-mˇ Miˬyehˇ-euˬ dawˬ-ahˇ maˬ naˇ haˬ-eu deuˬ-ahˇ uˆ lahˇ luꞈ-eu meh.

Eˇpeˇsu 2:2 ပူးပေါင်းရင်းမြစ်များ

Jaceuq 17:14

Ya’we Miqyaer-or! Nawq-euq aqlaf nae Heulof-aer ghae-eu tsawrhaqzaq, heuzir-euq lafkhoer shaqbymr za-euq mirtsaqzaq-anr nae bibuq-ir naeqlaf-awq. Nawq nae aqyawf maf-euq uqmav-anr pyurshuir myawqganq tiqbyanni shardawv naeq-awr, Aqyawfmaf, yawqha-euq zaqdeuq-anr nuikhanr shir-eu uqtaf, Aqyawf maf-euq zaq-euq gharduq myawqganq zanqnaeq yaf-euq mae.

Maꞈtehˬ 11:19

Tsawrhaq-euq Zaqyo oe ngae, dzaq khawf dzaq, dawr khawf dawr-eu mirnae, aqcawq, ‘Tsawrhaq heughaq-aq, jiryaef maqbeur-eu dzaqma dawrma pyeuf-eu uqtaf, jeq taf-eu tsawrhaq hawr-eu iqbaxzaq-euq cawq nga’ laer aer-eu mae. Aerkhawf, zaqsiq tsawrganr-aq, tsaq-awr dawr-eu nga laer aqyawf-euq zaqdeuq mrdov shardov laf-eu gar nae siqlar-eu mae.”

Maꞈtehˬ 13:22

Aqgan daefmyaq-eu tsanr-anr ga-ir-euq deuq-aq, tsawrhaq tiq ghaq, Miqyaer-euq dawq yagaq-euq khawf, mirtsaq-euq khoertav jawr ngae, khanqlanr-eu jeq hawr-eu pyurshuir myawqganq-euq jaqmyawf maershuir nae, dawq khoerdeuq-anr uvtaeq taq-euq mirnae, arsiq maq siqle nya-eu gar aer-eu mae.

Maꞈtehˬ 13:38

Daeyar-aq, mirtsaq heusiq-anr aer-awr, siqyoeq yawmuiq khoer-aq, Miqyaer uvlanr-eu jeq-euq lafkhoer jawr-eu tsawrhaq deuq-anr aer-eu mae. Aerkhawf, shmrma-aq, yawcawv ghaq-euq zaqdeuq-anr aer-eu mae.

Maˬkuˆ 4:19

mirtsaq-euq khoertav jawr ngae khanqlanr-eu jeq, pyurshuir myawqganq-euq jaqmyawf maershuir hawr-eu kharngeur-eu jeq-anr maerjuir juir-eu jeq nae, Yaerdawq khoer-anr uvtaeq taq-euq mirnae, arsiq maq siqle nya-eu gar aer-eu mae.

Luˇkaꞈ 16:8

Maqdawr-aer maqtsaq-eu myawqganq hawpir-eu heughaq zaqsiq tsawrganr zmqnya-eu mirnae, yawsanr ghaq, aqyawf-anr jaceuq-euq mae. Mirtsaq-euq zaqdeuq-aq, aqyawf maf-euq heuzir lafkhoer, yawshaef-euq zaqdeuq navmaqtser zaqsiq tsawrganr zmqnya dzaeq-eu mae.

Luˇkaꞈ 22:31

Khoerngae, Yeqsur heulof-aer aer-eu mae, “Sirmoq-or! Sirmoq-or! Hawtaq-awq, caer-anr khaqjeq nae jeq-eu lof-aer naef Saqdaq, nawq-anr jeq-eu laer sharza taq-euq mae.

Yoˇhaˬ 12:31

Nymq-mr mirtsaq heu-anr yarkhaq dar-eu aryamq tsaqlar-euq mae. Nymq-mr mirtsaq heu-anr uvlanr luf-eu ghaq yabi taedov taef-a.

Yoˇhaˬ 13:2

Cifhawq dzaqluf ngae, naef sanqpaq nae Sirmoq-euq zaqyo, Yurdav Irsaqgaqliqoq-euq nuima-euq lafkhoer, Yeqsur-anr anqdzaq-eu nuinoeq dawvanr naeq-euq mae.

Yoˇhaˬ 13:27

Yurdav, kaqmur khoerpyaeq yurghaq-euq naeq-aer, naef Saqdaq, aqyawf-euq nuima-euq lafkhoer urler-euq mae. Khoerngae, Yeqsur, aqyawf-anr aernaeq-eu, “Nawr mr-eu laer ghae-eu jeq yawkawr-aer mr-ir-awq.”

Yoˇhaˬ 14:30

Aqkar nar-aq, ngar, nawmaf naeq-aer dawq ghawqmya’ni maqpar ngaeq ma. Aqjeq mirnae aernar-aq, mirtsaq heu-anr uvlanr luf-eu ghaq larluf-eu mae. Aqyawf, ngaq-euq khoertav baoq tiqpawf-iq maqjav-a.

Yoˇhaˬ 15:19

Nawmaf, mirtsaq-anr taf-eu lawnmr-aq, mirtsaqzaq deuq yawqha-anr taf-eu tsawrhaq-anr gaq taef-a. Aerkhawf, nawmaf, mirtsaq-anr maqtaf-a. Khoeruqtaf, ngar, nawmaf-anr mirtsaq heu-euq lafkhoer nae tserdov-euq mirnae, mirtsaqzaq, nawmaf-anr byae-eu mae.

Yoˇhaˬ 16:11

Yarkhaq dar-eu-aq, mirtsaq heu-anr uvlanr-eu ghaq-aq, yarkhaq bi dartsaev ghaq-euq mirnae mae.

Yoˇhaˬ 7:7

Mirtsaqzaq, nawmaf-anr maqbyae nya-ar. Aerkhawf, ngar, aqyawfmaf nae mr-euq deuq yawdoer nga laer sarkir kamq-eu mirnae, aqyawfmaf, ngaq-anr byae-eu mae.

Yoˇhaˬ 8:23

Khoerngae, Yeqsur, aqyawf maf-anr heulof-aer aernaeq-eu mae, “Nawmaf-aq, lafov paw nae lar-euq mae. Ngar-aq, laftav paw nae oe-euq ma. Nawmaf-aq, mirtsaq heu-anr taf-eu mae. Ngar-aq, mirtsaq heu-anr maqtaf.

Yoˇhaˬ 8:44

Nawmaf-aq, nawmaf-euq aqda, naef sanqpaq-anr nae dovle-awr, nawmaf-euq aqda-euq nuikhanr nawmaf mrmawf-eu mae. Aqyawf-aq, yawbae ngae nae tsawrhaq-anr saef-awr, yawtsaq yawdawr-euq lafkhoer maqjawr-a. Aqjeq mirnae aernar-aq, aqyawf-euq lafkhoer yawtsaq yawdawr jeq maqanr-a. Aqyawf jaqmyawf myawf-eu-aq, aqyawf-euq lafkhoer pyeufluf-eu lof-aer myawf-eu mae. Aqjeq mirnae aernar-aq, aqyawf-aq, jaqmyawf myawf-eu ghaq pyeuf-awr, jaqmyawf-euq aqda mae.

Gʼaˬkʼehˇ 19:35

Khoerngae, meuq-anr sanrmr-eu aqyuif ghaq nae tsawrhaq armaf khoermaf-anr lavcof-awr heulof-aer aernaeq-euq mae, “Erpersu-anr jawr-eu tsawrhaq deuq-or! Erpersu-aq, huiq-awr manr-eu Aqdeqmir miqyaerma-euq uqduq tanqnymr-anr hawr-eu Jursav-anr nae gale-euq mawrkawr-anr hawpir-eu meuq mae laer maq siqnya-eu aqsur ghaq jawr-eu la?

Gʼaˬkʼehˇ 5:3

Khoerngae, Beqtuvluv heulof-aer aernaeq-euq mae: “Aqnaqnir-or! Aqjeq mirnae nawq-euq nuima-anr naef Saqdaq bi urbyan lar-awr, Yawshawr Saflar-anr jaqmyawf myawf-awr, mirtsaq anqza-euq pyur uicuiv yurdov yaf-euq le?

Lormav 12:2

Nawmaf, mirtsaqzaq daef-eu lof-aer taqdaef. Aerkhawf, nuima bi lavshuif-awr daefzir parlar-awq. Khoernar-aq, nawmaf, Miqyaer nuima tsaq-eu jeq-anr siqnya lar-awr, yawmuiq jeq, Miqyaer nuikhanr shir-eu jeq hawr-eu byan-eu jeq-anr siqnyalar taef-a.

1 Gawˇliˬtu 5:10

Ngar khoerlof-aer aer-euq-aq, mirtsaq-anr taf-eu, maqtsaq-eu lafkhoer banq-awr joe-eu deuq, aqcawq-euq myawq-anr maerjuir juir-eu deuq, aqcawq-euq myawq-anr khaeqgeuf khavgeuf-eu deuq hawr-eu, tanqpanq aqma mawrkawr-anr uqduq tanq-eu deuq-anr aermawf-eu maqngeur. Heudeuq naeq-aer cawq taq cawqtaf laer aer-eu ngeur-eu law nar-aq, nawmaf, mirtsaq heu-anr nae yadov-ir-eu mae.

1 Gawˇliˬtu 6:11

Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Gaˬlaˬtiˆ 1:4

Zawr doer-eu heuzir-anr aqdui yabuq-ir ni, Kali-aq, aqdui-euq Aqda Miqyaer nuima tsaq-eu lof-aer, aqdui-euq iqbax-euq gharduq aqyawf-euq mawrdo lawrnaeq-euq mae.

Eˇpeˇsu 1:21

Kali-aq, mqsanr deuq, aryaq deuq, baoqdeuq, sanqpaq deuq hawr-eu tsawrmyanr khar myanrtaq-euq dawqtawv luf-euq khoertav huiq-eu ghaq pyeuf-awr, heuzir-anr taef-aer maqngeur-eu, aqkar karzir-anr khawf, huiq-eu ghaq pyeuf-eu mae.

Eˇpeˇsu 2:11

Khoermirnae, nawmaf taqngaer de-eq. Dzeurlaf ngae, nawmaf-aq, shiqshaq paw aqcawq tsawrjeuq tsawrca pyeuf-awr, bawkhov maeqdzaq maqyaeq-euq tsawrhaq laer bikur-euq mae. Bawkhov maeqdzaq yaeq-eu khoer-aq, aqlaf nae shiqshaq paw yaeq-eu taef mae.

Eˇpeˇsu 2:13

Dzeurlaf ngae, nawmaf garmanr kaq-eu gar jawr-euq khawf, nymq-mr-aq, Yeqsur Kali-euq lafkhoer, Kali-euq shiq-anr ghoe-awr nae dawqpae sheuqpae laf-euq mae.

Eˇpeˇsu 2:3

Khoerngae, aqdui khawf aqyawf maf-euq lafkhoer keuq-awr, shiqshaq-euq nuikhanr tiqshir mr-awr, nuinoeq hawr-eu shiqshaq khar lovlar-eu jeq mr-euq ma. Aqdui khawf aqcawq kharpyeuf-eu jeq pyeuf-awr, nuima paer-eu jeq-euq zaq pyeufyaf-euq ma.

Eˇpeˇsu 4:17

Khoermirnae, ngar, Sanqpaq Miqyaer-euq maeqshi sarkir kamq-eu lafkhoer nawmaf-anr aer-eu ma. Nawmaf, aqcawq tsawrjeuq tsawrca daef-eu lof-aer taqpar daef. Aqyawf maf-euq nuinoeq nuidur-aq, tiqjeq-iq gardanr maqtsoeq-a.

Eˇpeˇsu 4:22

nawmaf, dzeurlaf ngae mr-euq yawqha-euq mrjeq sharkawv yawoer khoer laevdzae yaf-awq. Tsawroer khoerghaq-aq, jaqmyawf maershuir anr-eu nuikhanr nuilov-euq baqda’nae cawv-ir duidui luf-eu mae.

Eˇpeˇsu 5:6

Gardanr maqtsoeq-eu dawq zmq-awr tiqghaq nae-iq nawmaf-anr maershuir taqbi shuirtawvlar. Aqjeq mirnae aernar-aq, heudeuq-euq baqda’nae, Miqyaer nuima paer duidui-eu jeq, maq narhaq geuf-eu tsawrhaq-euq khoertav keuvle taef-a.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Eˇpeˇsu 6:12

Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.

Gawˇlawˇsehˇ 1:21

Dzeurlaf ngae, nawmaf, Miqyaer-anr nae zanrdof kaq-awr, yawcawv jeq mr-awr, nuima-euq lafkhoer aqyawf-anr muir-euq mae. Aerkhawf, nymq-mr nawmaf, aqyawf-anr tsaqler dzoerlerni, aqyawf janrnaeq laf-euq mae.

2 Tiˆmoˇseˬ 4:10

Aqjeq mirnae aernar-aq, Deqmav-aq, heuzir-anr taf-eu mirtsaq-anr gaq-eu mirnae, ngaq-anr byaerdzae-awr, Tersaqlorni-anr ir-euq mae. Gaqleqgeq-aq, Gaqlaqtiv-anr le-euq mae. Tirtuv khawf Daqlaqmaqdir-anr ir-euq mae.

Yaˬkoˆ 1:27

Murcoeq aqnmr hawr-eu miqcoeq miqma deuq shaq-eu gar cawba-eu uqtaf, mirtsaq-euq yawjawf, yawqha-anr maqbi jawflarni yanr-eu-aq, aqdui-euq Aqda Miqyaer-euq maeqshi, shawrjaevni ghae-awr maq lavjawf-euq uqduq tanq-eu zanr mae.

Yaˬkoˆ 1:7

Khoerlof-aer ghae-eu tsawrhaq-aq, Sanqpaq Miqyaer-anr nae tiqjeqnav za taef-a laer taqnoeq.

Yaˬkoˆ 4:4

Banqluf muvluf-eu tsawrhaq deuq-or! Nawmaf, mirtsaq naeq-aer cawq cawq-eu deuq-aq, Miqyaer-anr muir-eu jeq pyeuf-eu mae laer maq siqnya-eu le lor? Khoermirnae, mirtsaq naeq-aer cawq khar cawqmawf-eu tsawrhaq-aq, Miqyaer-anr muir-eu tsawrhaq mae.

1 Beˬtuˆluˆ 1:14

Aerdawq narhaq geuf-eu zaq lof-aer daef-awq. Dzeurlaf ngae, nawmaf tiqjeq-iq maq siqnya-eu mirnae, yawqha-euq nuikhanr geuf-awr daef-euq lof-aer taqdaef.

1 Beˬtuˆluˆ 4:3

Dzeurlaf ngae, aqdui, Miqyaer-anr maqjan-eu tsawrhaq khardaef-eu lof-aer: jawflafni ghae-eu, shiqshaq-euq nuikhanr geuf-eu, jirbaq dawryaef-eu, byaeqlaeq shaevdae-aer bui-eu, dzaqyaef dawryaef-eu yawbui bui-eu uqtaf, tanqpanq aqma mawrkawr-anr uqduq maqtanq khmqgar tanq-eu, heudeuq-anr ardzaeq-aer mrdzeur shardzeur yaf-euq ma.

2 Beˬtuˆluˆ 2:14

Aqyawf maf-euq myavnuiv-aq, banq-awr joe-eu jeq byan-awr, iqbax mr-eu maq naqnya-aer, nuima maqzif-eu tsawrhaq-anr mur-awr shuir-eu mae. Aqyawf maf-euq nuima maerjuir juir-eu jeq za’ni mrdzaw laf-awr, yaqkhaer yaq-eu gar yadaq-eu tsawrhaq mae.

1 Yoˇhaˬ 3:10

Khoermirnae, Miqyaer-euq zaq hawr-eu naef sanqpaq-euq zaq beugar-eu byacaevni siqlar-eu mae. Tsaq-awr dawr-eu jeq maqmr-eu tsawrhaq hawr-eu yawqha-euq maernmr-anr maqgaq-eu aqsur ghaq maqkaq, Miqyaer-euq zaq maqngeur-a.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

1 Yoˇhaˬ 4:4

Ngar gaq-eu zaqdeuq-or! Nawmaf, Miqyaer-anr taf-eu tsawrhaq pyeuf-awr, nawmaf, aqyawf maf-anr ghaqler-euq mae. Aqjeq mirnae aernar-aq, nawmaf-euq lafkhoer jawr-eu ghaq-aq, mirtsaq-euq khoertav jawr-eu ghaq navmaqtser huiqdzaeq-eu mae.

1 Yoˇhaˬ 5:19

Aqdui-aq, Miqyaer-euq zaqdeuq pyeuf-awr, mirtsaqzaq dawqtawvluf yawcawv khoerghaq uvlanr-eu uqmov jawrluf-eu mae laer siqnya ma.

1 Yoˇhaˬ 5:4

Aqjeq mirnae aernar-aq, Miqyaer-anr nae daefle-euq yawqghaq navluf, mirtsaq-anr ghaqler-eu mae. Aqdui-euq jan-eu jeq-euq baqda’nae mirtsaq-anr ghaqler-eu ma.

Panmaeq 12:9

Arhu-euq arlawr khoermawr pyeuf-eu, naef sanqpaq hawr-eu naef Saqdaq laer khawf kur-eu, mirtsaqzaq dawqtawv luf-anr sheuqbanq-eu byavyanq yanqma khoermawr, mirtsaq-euq khoertav bi biqka lef-awr, aqyawf-euq mqtav ghaqkhaer deuq-anr khawf, aqyawf naeq-aer tiqkawv lof-aer bi biqka lef-euq mae.

Panmaeq 13:14

Aqyawf, jeqzaq yawghae yawbae mawr-euq maeqshi, bisiq bimawr-eu jeq janr-eu baoq zataq-euq mirnae, mirtsaq-euq khoertav jawr-eu tsawrhaq deuq-anr myawfza shuirza-awr, micaer nae bi deuvnar-euq khawf daefluf-eu jeqzaq yawghae khoermawr-euq mawrkawr taev-awq laer mirtsaq-euq zaqdeuq-anr khaer-eu mae.

Panmaeq 13:8

Mqbae mirbae bae ngae nae, bisaef-euq Yawrzaq-euq Daef-eu jeq bif-eu sanqbof-euq lafkhoer, tsawrmyanr maq bofanr taq-euq mirtsaq-euq khoertav jawr-eu tsawrhaq dawqtawvluf, jeqzaq heumawr-anr uqduqtanq taef-a.

Panmaeq 16:17

Mqtav ghaqkhaer shif ghaq tiqghaq, aqyawf-euq khmqmaq, mq-euq ghanrcae shaevdzaeghae ngae, mq-euq khoertav-euq yawshawr lawv-euq nuirmanq-anr nae tersar yawkhav-aer ngaeqdov lef-eu, “Mrluiv jir-euq ma.”

Panmaeq 20:2

Aqyawf, naef sanqpaq hawr-eu naef Saqdaq pyeuf-eu byavyanq, arhu-euq arlawr khoermawr-anr nyaef-awr 1,000 khof byanni paftawf taq-euq mae.