Eˇpeˇsu 2:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Aqjeq mirnae aernar-aq, Kali-euq baqda’nae aqdui tsawrjeuq nyiq jeuqluf, muiq-eu Saflar, aqyawf tiqghaq-anr ghoe-awr, Aqda jawr-eu gar urlernya lar-euq ma.

Akha

¹⁸ Yuˇdaˆ tsawˇ haˬ maˬ ehˇ, Yuˇdaˆ tsawˇ haˬ maˬ ngeuˇ-eu deuˬ maˬ ehˇ, aˬ dui dawˬ tawˆ luꞈ nui ma tiˬ siˬ tehꞈ-ehˇ taˬ-awˇ Miˬyehˇ jawˇ gaˇ jiˆ uˇ laˇ nya-eu heu-aˬ, Ka li baˬ da neh meh.

Eˇpeˇsu 2:18 ပူးပေါင်းရင်းမြစ်များ

Eˇpeˇsu 3:12

Aqdui, Yeqsur-euq lafkhoer nuima khaqduqni taq-awr, aqyawf-anr jan-awr yawduq baw-eu mirnae, Miqyaer-euq maeqshi urler nya-eu ma.

1 Gawˇliˬtu 12:13

Yurdav tsawrhaq hawr-eu Heqlaqsar tsawrhaq maqaer, zaqkhav hawr-eu buq-ir-euq tsawrhaq maqaer, aqdui dawqtawvluf mawrdo tiq do taef-aer pyeuflarni, muiq-eu Saflar tiq ghaq-euq lafkhoer taef-aer bartirsaq hageuf-awr, muiq-eu Saflar tiq ghaq-anr taef-aer dawrluf-eu ma.

Lormav 5:2

Aqdui, Kali-anr ghoe-awr jan-eu baqda’nae, guiqlanq yawdzanr-euq lafkhoer ya urler-awr yawfluf-eu ma. Miqyaer-euq yawshaef khanqsaer-anr noeqtmq luf-eu mirnae laqkhaq caer-eu ma.

Eˇpeˇsu 4:4

Miqyaer, nawmaf-anr kur ngae, noeqtmq-eu jeq tiqjeq taef-aer jav-eu lof-aer, mawrdo tiq do taef-aer baw-eu uqtaf, muiq-eu Saflar tiq ghaq jawr-eu taef mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

Yoˇhaˬ 10:9

Ngar-aq, ghovkhaeq ma. Ngaq-anr ghoe-awr khar urlar-eu tsawrhaq-aq, yabuq-ir taef-a. Khoeruqtaf, aqyawf urlar-awr irdov-eu khawf gavdzaqduq ya’mawr taef-a.

Yoˇhaˬ 10:7

Khoernar-aq, Yeqsur, aqyawf maf-anr heulof-aer par aernaeq-euq mae, “Ngar, nawmaf-anr aqdir aqmar aernaeq nyar, ngar-aq, yawrdeuq urlar-eu ghovkhaeq ma.

Gawˇlawˇsehˇ 1:12

Yawshaef-euq lafkhoer jawr-eu tsawrshawr deuq naeq-aer aqdui jeqbir of-eu tsawrhaq pyeuf-eu gar geuxni, janrnaeq laf-euq Aqda Miqyaer-anr jaceuq-awq.

Gaˬlaˬtiˆ 4:6

Nawmaf-aq, Miqyaer-euq zaq mirnae, Miqyaer, aqyawf-euq Zaqyo-euq Saflar, nawmaf-euq lafkhoer bi jawrle-awr, “Aqba, Aqda-or!” laer kur-eu mae.

Lormav 8:15

Nawmaf parya guvni zaqkhav-euq saflar zataq-euq maqngeur-a. Nawmaf-aq, zaq sheuqcu-eu, muiq-eu Saflar zataq-euq mae. Khoermirnae, aqdui “Aqba, Aqda-or” laer kur-eu ma.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

Eˇpeˇsu 6:18

Nawmaf, ghaqpyawq dawqtawvluf zmq-awr aqmyanluf guiqlanq shar-awq. Muiq-eu Saflar-euq lafkhoer tanqshar-awq. Yawbeur beur-aer oror-aer guiqlanq shar-awq. Tsawrshawr dawqtawv luf-euq gharduq guiqlanq sharcaw naeq-awq.

1 Gawˇliˬtu 8:6

Aerkhawf, aqdui-euq gharduq-aq, Miqyaer tiq ghaq taef-aer jawr-awr, aqyawf-aq, aqdui-euq Aqda mae. Yawqjeq navluf aqyawf-anr nae dovle-awr, aqdui khawf aqyawf-euq gharduq daefluf-eu ma. Aqdui-euq Sanqpaq khawf tiq ghaq jawr-eu taef ma. Aqyawf-aq, Sanqpaq Yeqsur Kali mae. Aqyawf-euq baqda’nae yawqjeq navluf javluf-awr, aqdui khawf, aqyawf-euq baqda’nae daefluf-eu ma.

HeˬByehˇ 7:19

Aqjeq mirnae aernar-aq, zanrdawq-aq, tiqjeq-anr-iq maqbi byanlar nya-a. Aerkhawf, tiqdzer dzaq-anr par aernar-aq, khoernav maqtser muiq-eu noeqtmq-eu jeq-anr sheuqmaeq naeqlaf-eu jeq pyeuf-eu mae. Noeqtmq-eu khoerjeq-euq baqda’nae, aqdui, Miqyaer jawr-eu gar jivler nya-eu mae.

Eˇpeˇsu 3:14

Garkawv heudeuq-euq baqda’nae, ngar, aqdui-euq Sanqpaq Yeqsur Kali-euq Aqda Miqyaer-euq maeqshi, pawqtsuif pawqdmq dmq-awr guiqlanq sharluf-eu ma.

Yuˇdaˆ 1:20

Aerkhawf, ngar zawr gaq-eu cawqdeuq-or! Nawmaf, shawr duidui-eu jan-eu jeq-euq lafkhoer huiqlar manrlar-awr, Yawshawr Saflar-euq lafkhoer guiqlanq shar-awq.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Beˬtuˆluˆ 1:17

Myavpyawq huiqnyir maqtserni tsawrhaqzaq yawqha nae kharmr kharshar-euq gar haw-awr, yarkhaq dar-eu khoerghaq-anr nawmaf, ‘Aqda’ laer kur-eu ngeur nar-aq, nawmaf khardaef-eu khoerkeuvni, aqyawf-anr guv-eu lafkhoer daef-awq.

Maꞈtehˬ 28:19

Khoermirnae, nawmaf ir-awr, tsawrjeuq tsawrca dawqtawvluf, ngaq-euq zaqlanr pyeuflarni mr-ir-awq. Aqda, Zaqyo hawr-eu Yawshawr Saflar-euq tsawrmyanr-euq uqmov, aqyawf maf-anr bartirsaq mrnaeq-awq.

Yaˬkoˆ 3:9

Aqdui-aq, maeqlar nae aqdui-euq Aqda pyeuf-eu Sanqpaq Miqyaer-anr jaceuq-awr, Miqyaer-euq shaevdzeuf-anr durni baetaq-euq tsawrhaq-anr khawf, maeqlar nae yaqkhaer yaq-eu mae.