Eˇpeˇsu 2:12 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, nawmaf, Kali-anr maq siqnya-aer, Irsaqleqlav tsawrhaq-anr maqtaf-eu tsawrhaq pyeuf-euq uqtaf, dawqma sarjax-anr maqsiq maqsux-eu tsawrhaq pyeuf-euq mirnae, nawmaf noeqtmqkhar maqza-aer, mirtsaq-euq khoertav Miqyaer-anr maq siqnya’ni daef-euq mae.

Akha

¹² Kʼoeˇ ngeh, naw maꞈ Ka li-ahˇ maˬ taꞈ leˇ-aˬ siˬ. Naw maꞈ-aˬ, aˬ cawˬ tsawˇ jeuˬ loꞈ-ehˇ pyeuꞈ-awˇ, Miˬyehˇ neh tseˇ doˆ-euˬ tsawˇ jeuˬ laꞈ kʼoeˇ maˬ ahˇ-a. Naw maꞈ-aˬ, Miˬyehˇ neh aˬ yawꞈ-euˬ tsawˇ haˬ deuˬ-ahˇ dzaˬ-euˬ dawˬ ma saˇ jaˇ-ahˇ maˬ ya taꞈ-ehˇ, miˇ tsaˬ heu kʼoeˇ taˆ noeˬ tmˬ duˬ maˬ jaˆ-eu uˬ taꞈ, Miˬyehˇ maˬ baw ni dehꞈ yaꞈ-euˬ meh.

Eˇpeˇsu 2:12 ပူးပေါင်းရင်းမြစ်များ

Luˇkaꞈ 1:72

Aqyawf, aqdui-euq aqpoeq deuq-anr ghawqshaq gaq-eu lafkhoer janrnaeq-awr, Aqyawf-euq shawr-eu dawqma sarjax-anr noeqkeuv-euq mae.

Yoˇhaˬ 10:16

Ngar-aq, yawr yawrkuv heukuv-anr maqtaf-eu yawr nuideuq khawf jawr-eu le siq. Ngar, yawr khoerdeuq-anr khawf yasheuq laq-ir-awr, aqyawfmaf, ngaq-euq tersar-anr narhaq taef-a. Khoernar-aq, yawr yawrmaf tiq maf hawr-eu yawr bo-eu ghaq tiq ghaq taef-aer pyeuflar taef-a.

Yoˇhaˬ 15:5

“Ngar-aq, aqgaf cirni nima ma. Nawmaf-aq, cirni nizaq deuq mae. Ngaq-euq lafkhoer jawr-awr, ngar khawf aqyawf-euq lafkhoer jawr-eu tsawrhaq-aq, arsiq ghawqmya’ni siqle taef-a. Aqjeq mirnae aernar-aq, ngar maqjawr nar-aq, nawmaf tiqjeq-iq maq janrnya-a.

Yoˇhaˬ 4:22

Nawmaf-aq, yawqha maq siqnya-eu jeq-anr uqduq tanqluf-eu mae. Nga’maf-aq, nga’maf siqnya-eu jeq-anr uqduq tanqluf-eu ma. Aqjeq mirnae aernar-aq, kakhof-eu jeq-aq, Yurdav tsawrhaq-euq lafkhoer nae dovle-eu mae.

Gʼaˬkʼehˇ 2:39

Aqjeq mirnae aernar-aq, sarjax khoer-aq, aqdui-euq Sanqpaq Miqyaer nae khar kurtaq-euq nawmaf-anr khawf, nawmaf-euq zaqdeuq-anr khawf, garmanr kaq-eu gar jawr-eu tsawrhaq dawqtawv luf-anr khawf dzaqtaq-euq mae.”

Gʼaˬkʼehˇ 28:20

Khoermirnae, nawmaf-anr mawr-awr dawqja ya jacawqni, ngar, nawmaf-anr kur-euq ma. Aqjeq mirnae aernar-aq, Irsaqleqlav tsawrjeuq tsawrca noeqtmq luf-eu jeq-euq baqda’nae, shmrcav heu nae bi paftawf taq-euq ma.”

Gʼaˬkʼehˇ 3:25

Nawmaf-aq, Miqyaer gharduq ngaeqdan-eu deuq-euq zaqdeuq pyeuf-awr, Miqyaer nae aqdui-euq aqpoeq deuq-anr aernaeq-euq dawqma sarjax-euq zaqdeuq khawf pyeuf-eu mae. Miqyaer, Aqbyaqhaq-anr aernaeq-euq, ‘Mirtsaq-euq khoertav-euq tsawrjeuq tsawrca dawqtawvluf, nawq-euq aryoeq-euq baqda’nae guiqlanq za taef-a.’ (Adb 22:18; 26:4)

Lormav 9:8

Heu-aq heulof-aer aermawf-eu mae. Shiqshaq-anr nae daefle-euq zaqdeuq-aq, Miqyaer-euq zaq pyeuf-eu maqngeur-a. Aerkhawf, sarjax aertaq-euq lof-aer daefle-euq tsawrhaq deuq taef-aer Aqbyaqhaq-euq aryoeq laer sawxnya-eu mae.

Gaˬlaˬtiˆ 4:8

Nawmaf, Miqyaer-anr maq siqnya ngae, aqdirma-aer miqyaer maqngeur-eu deuq-euq zaqkhav geuf-euq mae.

Eˇpeˇsu 2:19

Khoermirnae, nawmaf-aq, yawqkhanq yawqmir yawq-euq tsawrhaq hawr-eu, maqsiq maqsux-eu tsawrhaq maqpar ngeur mae. Tsawrshawr deuq naeq-aer mirkhanq tiq khanq-euq tsawrhaq hawr-eu, Miqyaer-euq nymrkhanq-euq zaq pyeuflar-euq mae.

Eˇpeˇsu 4:18

Aqyawf maf-euq nuima myavbaef baef-ir-euq mirnae, aqyawfmaf tiqjeq-iq maq siqnya’ni pyeuf-ir-awr, Miqyaer nae biftaq-euq yawdaef daef-eu jeq-anr nae zanrdof kaq-ir-euq uqtaf, ghovshaw nya-eu jeq zanrtsuini pyeuf-ir-euq mae.

Gawˇlawˇsehˇ 1:21

Dzeurlaf ngae, nawmaf, Miqyaer-anr nae zanrdof kaq-awr, yawcawv jeq mr-awr, nuima-euq lafkhoer aqyawf-anr muir-euq mae. Aerkhawf, nymq-mr nawmaf, aqyawf-anr tsaqler dzoerlerni, aqyawf janrnaeq laf-euq mae.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Gawˇlawˇsehˇ 1:5

Khoeruqtaf, nawmaf-euq gharduq mq-euq khoertav jeqhmq taq-euq noeqtmq-eu jeq-euq baqda’nae khawf, Miqyaer-anr jaceuq luf-eu ma. Noeqtmq-eu jeq khoer-aq, dzeurlaf ngae, nawmaf nae yagaq-euq dawq yawtsaq yawdawr-euq guiqlanqdawq khoer mae.

1 Teˇsaˬloˇni 4:13

Aqyuif aqnyir deuq-or! Tiqjeq-iq noeqtmq khar maqza-eu tsawrhaq deuq noeqshaq-eu lof-aer nawmaf maqya noeqshaqni, yufkhav dzeur-euq tsawrhaq deuq-euq garkawv, nga’maf, nawmaf-anr maq siqnya-aer maqbi ghaemawf nya.

1 Teˇsaˬloˇni 4:5

Miqyaer-anr maq siqnya-eu aqcawq tsawrjeuq tsawrca deuq lof-aer, yawqha-euq nuikhanr lavshir-eu laer khar daefmawf-eu lof-aer taqdaef.

2 Teˇsaˬloˇni 2:16

Aqdui-euq Sanqpaq Yeqsur Kali hawr-eu aqdui-euq Aqda Miqyaer, aqdui-anr gaq-awr, aqyawf-euq guiqlanq yawdzanr baqda’nae, li-eu maqbaw-eu nuima sar-eu jeq hawr-eu muiq-eu noeqtmq-eu jeq aqdui-anr bifnaeq laf-awr,

1 Tiˆmoˇseˬ 1:1

Ngar-aq, aqdui-anr Kakhof-eu ghaq pyeuf-eu Miqyaer hawr-eu aqdui-euq noeqtmqduq pyeuf-eu Sanqpaq Yeqsur Kali dawq bifnaeq laf-euq lof-aer, Yeqsur Kali-euq ghaqkhaer geufluf-eu Pawrluv ma.

HeˬByehˇ 11:34

Miqdzaq nyaev duidui-eu gar lavmiv-awr, micaer khaeq-anr nae yabuq-ir-euq mae. Ghaqbaq baq-eu, ghaq khavlar-awr, guirdeuv deuv-eu nuima khaqduqni anr-eu uqtaf, aqcawq mirkhanq-euq guirzaq deuq-anr taekhof ghae-euq mae.

HeˬByehˇ 6:18

Khoer-aq, maq parlar nya-eu nyiq jeq-euq garkawv mae. Miqyaer-aq, jaqmyawf maq myawfnya-a laer aqdui nuima bi sarni kamq-eu jeq khoer-anr ghoe-awr nae, aqdui-euq maeqhu paw jav-eu noeqtmq-eu jeq-anr zifdanni nyaeftaeq taq-awq laer, caevzafduq-anr caevur taq-euq aqdui-anr ghaq yawkhav-aer bifnaeqlaf luf-eu mae.

HeˬByehˇ 8:6

Aerkhawf, nymq-mr aqyawf-aq, poeqdzaeq muiqdzaeq-eu guiqlanq-euq gar zataq-euq mae. Khoerlof-aer durni, aqyawf-aq, muiqdzaeq-eu sarjax-euq khoertav jav-eu muiqdzaeq-eu dawqma sarjax-euq tsawrkaq pyeuf-eu mae.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.

1 Beˬtuˆluˆ 3:15

Aerkhawf, nawmaf-euq nuima-euq lafkhoer Sanqpaq Miqyaer-aq, yawshawr mae laer noeqtsov taq-awq. Nawmaf noeqtmq luf-eu garkawv khar narhaq lar-eu tsawrhaq-anr, aqjox-aer aerkhof naeq-eu laer aqmyanluf yawmuiq-aer laeqhmq taq-awr, nuima nanqyuni yawzeu baw-eu lafkhoer jashaw naeq-awq.

1 Yoˇhaˬ 3:3

Yeqsur-anr heulof-aer noeqtmq-eu yawqghaq navluf, Yeqsur shawr-eu lof-aer, yawqhar yawqha lavshawr-eu mae.