Eˇpeˇsu 1:7 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁷ Miqyaer-euq guiqlanq yawdzanr sanr duidui-eu lafkhoer, aqdui, Zaqyo-euq shiq baqda’nae kakhof-eu jeq za-awr, iqbax pyaeqnaeq-eu jeq za-euq ma.

Akha

⁷ Aˬ jeˬ miˇ neh ehˇ naˇ, Ka li kamˇ shiˇ-euˬ baˬ da neh aˬ dui ya buˬ-iˇ-awˇ, aˬ dui-euˬ iˬ baˇ-ahˇ pyehˬ nehˬ laꞈ-euˬ meh. Miˬyehˇ gʼawˬ shaˬ gaˬ-eu guiˬ lahˬ kʼoeˇ aˇ naˆ ni huiˬ-eu nga.

Eˇpeˇsu 1:7 ပူးပေါင်းရင်းမြစ်များ

Jaceuq 130:4

Aerkhawf, nawr jawr-eu gar iqbax pyaeq-eu jeq jav-eu mae; Khoermirnae, aqcawq, nawq-anr guv-eu tsaq mae.

Jaceuq 130:7

Irsaqleqlav-or! Ya’we Miqyaer-anr noeqtmq-awq! Aqjeq mirnae aernar-aq, Ya’we Miqyaer jawr-eu gar maqtsaev-ir nya-eu gaq-eu jeq jav-awr, Aqyawf naeq-aer tiqbyanni kakhof-eu jeq jav-eu mae.

Jaceuq 86:5

Aqjeq mirnae aernar-aq, Sanqpaq Miqyaer-or, Nawr-aq, yawmuiq mae. Nawq-anr kur-eu tsawrhaq dawqtawv luf-anr, Ghawqshaq gaq-eu jeq byan-awr, aqmyanluf iqbax pyaeq-eu mae.

Maꞈtehˬ 20:28

Aqjeq mirnae aernar-aq, Tsawrhaq-euq Zaqyo-aq, aqcawq-anr yawqha-euq kuirlaf bigeuf-eu laer oe-euq maqngeur-eu. Aqcawq-euq kuirlaf geuf-awr, tsawrhaq ghawqmya ni-euq gharduq yawqha-euq daefzir bif-awr kakhof-eu laer oe-euq mae.”

Maꞈtehˬ 26:28

Aqjeq mirnae aernar-aq, heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq iqbax pyaeqnaeq nya’ni ngaq-euq shiq bi yoerle ma.

Maꞈtehˬ 6:12

Aqcawq, nga’maf-anr mrbanq lavbanq laf-euq iqbax-anr nga’maf pyaeqnaeq-euq lof-aer, Nga’maf-euq iqbax-anr khawf, nawr pyaeqnaeq laf-awq.

Maˬkuˆ 14:24

Khoerngae, Yeqsur heulof-aer aer-eu mae, “Heu-aq, dawqma sarjax yawshuif-anr taf-eu ngaq-euq shiq ma. Tsawrhaq ghawqmya ni-euq gharduq bi yoerle-eu ma.

Luˇkaꞈ 1:77

Khoerlof-aer janr-awr, aqyawf-euq tsawrhaq deuq-euq iqbax pyaeqnaeq-euq mirnae, kakhof-eu jeq-anr siqnyalar taef-a.

Luˇkaꞈ 24:47

Khoeruqtaf, nawmaf, aqyawf-euq tsawrmyanr-anr ghoe-awr, iqbax noeqpov-eu jeq hawr-eu iqbax pyaeqnaeq-eu garkawv, Yeqlursaqlaeq-anr nae mirkhanq-euq tsawrjeuq tsawrca dawqtawv luf-anr dawqmaeq ya’maeq-ir taef-a.

Yoˇhaˬ 20:23

Nawmaf nae iqbax pyaeqnaeq-euq tsawrhaq-anr, Miqyaer khawf iqbax pyaeqnaeq taef-a. Nawmaf nae iqbax maq pyaeqnaeq-euq tsawrhaq-anr, Miqyaer khawf iqbax maq pyaeqnaeq-ar.”

Gʼaˬkʼehˇ 10:43

Aqyawf-anr kharjan-eu aqsur ghaq maqkaq, aqyawf-euq tsawrmyanr baqda’nae iqbax pyaeq-eu jeq za taef-a laer, Miqyaer gharduq ngaeqdan-eu tsawrhaq yawqghaq navluf aqyawf-euq garkawv sarkir kamqtaq-euq mae.”

Gʼaˬkʼehˇ 2:38

Khoerngae, Beqtuvluv, aqyawf maf-anr heulof-aer aernaeq-euq mae: “Miqyaer, nawmaf-euq iqbax pyaeqnaeqni noeqpov noeqpar-awr, Yeqsur Kali-euq tsawrmyanr-euq uqmov bartirsaq hageuf-awq. Khoerlof-aer janr nar-aq, Yawshawr Saflar-euq lafsawq za taef-a.

Gʼaˬkʼehˇ 20:28

Yawshawr Saflar, nawmaf-anr armaf-euq lafkhoer nae tserdov-awr aqyuif aqtsu bigeuf-euq mirnae, nawmaf yawqhar yawqha yanryanr-aer daef-awr, armaf maflan-euq gharduq khawf yanr-awq. Aqyawf-euq shiq nae zeurkhof taq-euq Sanqpaq Miqyaer-euq Kalizaq armur-anr bosav-awq.

Gʼaˬkʼehˇ 3:19

Khoermirnae, noeqpov noeqpar-awr daefpov daefpar-awq. Khoerlof-aer janr nar-aq, Miqyaer, nawmaf-euq iqbax sivdzae naeqlaf-awr, Sanqpaq Miqyaer-euq maeqshi lavshuif-eu aryamq keuvle taef-a.

Lormav 2:4

Maqngeur nar-aq, aqyawf-euq sanr duidui-eu yawmuiq jeq, ornya-eu jeq, nuinoeq ghawqmanrni noeq-eu jeq-anr nawr yaeqbawq saerlu-aer ghae-eu le laq? Nawr noeqpov noeqparlar nya’ni, Miqyaer-euq yawmuiq jeq, nawq-anr sheuqghaeluf nga laer nawr maq siqnya-eu le lor?

Lormav 3:24

Aerkhawf, nymq-mr-aq, Miqyaer-euq guiqlanq yawdzanr baqda’nae, Yeqsur Kali-euq lafkhoer anr-eu kakhof-eu jeq-anr ghoe-awr, yawqngaef-aer mrshawr naeqlaf-euq mae.

Lormav 3:25

Miqyaer, Yeqsur Kali-anr lawrbyan-eu jeq lof-aer tserdov taq-euq mae. Jan-eu lafkhoer Yeqsur-euq shiq-anr ghoe-awr, aqyawf-euq tsaq-awr dawr-eu jeq bi dovlar-eu gharduq, Miqyaer ornya-eu nuima nae, dzeurlaf ngae tsawrhaq nae mr-euq iqbax-anr aqyawf hawdzeur-euq mae.

Lormav 9:23

Khoeruqtaf, yawshaef khanqsaer bi za’ni yawbae ngae nae laeqhmq taq-euq, aqyawf ghawqshaq gaq-eu oeqlanq deuq-anr, aqyawf-euq yawshaef khanqsaer arnavni sanr-eu nga laer bi siqlar-eu gharduq mae.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

2 Gawˇliˬtu 8:9

Nawmaf, aqdui-euq Sanqpaq Yeqsur Kali-euq guiqlanq yawdzanr-anr siqnya luf-eu mae. Aqyawf smrmuiq muiq-eu khawf, nawmaf-euq gharduq irshaqzaq pyeufle-euq mae. Aqyawf irshaq shaqle-euq baqda’nae, nawmaf smrmuiq muiqlar-euq mae.

Eˇpeˇsu 1:14

Aqyawf-euq yawshaef khanqsaer-anr jaceuq-eu jeq dovlarni, zeurtsaev taq-euq kakhof-eu jeq maqza-euq khoerkeuvni, Yawshawr Saflar-aq, aqdui jeqbir za-eu yawduq bawmae laer kamq-eu ghaq pyeuf-eu mae.

Eˇpeˇsu 1:18

Miqyaer, nawmaf-anr kur-euq khoer, noeqtmq-eu jeq aqjox-aer jav-awr, tsawrshawr deuq-euq lafkhoer jeqbir-euq yawshaef khanqsaer arnavni sanr-eu nga laer, nawmaf-euq ghovshaw nya-eu myavnuiv panlarni khawf, ngar guiqlanq sharluf-eu ma.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

Eˇpeˇsu 1:8

Miqyaer, guiqlanq yawdzanr khoer-anr ghoe-awr, aqdui-anr ghovshaw nya-eu jeq hawr-eu zaqsiq tsawrganr tiqbyan tiqlof bifnaeq laf-euq mae.

Eˇpeˇsu 2:4

Aerkhawf, ghawqshaq gaq-eu jeq sanr-eu Miqyaer-aq, aqyawf-euq huiq duidui-eu gaq-eu jeq nae aqdui-anr gaqnaeq laf-awr,

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Eˇpeˇsu 3:16

Ngar guiqlanq heulof-aer shar-eu ma: Miqyaer-euq yawshaef khanqsaer sanr duidui-eu gar geuxni, aqyawf-euq Saflar-anr ghoe-awr, nawmaf-euq nuima, ghaq bi anrlar-awr ghaq bi khavlar law.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Piˇliˇpiˆ 4:19

Yeqsur Kali-euq lafkhoer anr-eu Miqyaer-euq yawshaef khanqsaer sanr-eu gar geuxni, nawmaf kharmawf-eu yawqjeq navluf bifnaeqlaf taef-a.

Gawˇlawˇsehˇ 1:14

Aqyawf-euq lafkhoer, aqyawf-euq shiq baqda’nae, aqdui kakhof-eu jeq hawr-eu iqbax pyaeq-eu jeq za-euq ma.

Gawˇlawˇsehˇ 1:27

Zaftaq-euq heujeq, yawshaef khanqsaer arnavni sanr-eu garkawv, Miqyaer, aqcawq tsawrjeuq tsawrca-euq ghanrcae jawr-eu aqyawf maf-anr bi siqnya mawf-eu mae. Zaftaq-euq jeq heu-aq, Kali, nawmaf-euq lafkhoer jawr-eu mirnae, nawmaf, yawshaef khanqsaer za’ni noeqtmqduq pyeuf-eu mae.

Gawˇlawˇsehˇ 2:13

Dzeurlaf ngae, nawmaf-aq, mrbanq lavbanq-eu lafkhoer hawr-eu shiqshaq paw bawkhov maeqdzaq maqyaeq-euq lafkhoer, shir-euq tsawrhaq pyeuf-eu khawf, Miqyaer, nawmaf-anr Kali naeq-aer tiqkawv lof-aer yawdaef bi daeflar-awr, nawmaf nae mrbanq lavbanq-euq dawqtawv luf-anr pyaeqnaeq jir-euq mae.

Gawˇlawˇsehˇ 2:2

Aqyawf maf-euq nuima ghaq khavlar-awr, gaq-eu lafkhoer tiqghaq tirghaq gmlar-eu uqtaf, Aqda Miqyaer hawr-eu Kali-anr nae oe-euq, Miqyaer nae zaftaq-eu jeq-anr siqnya-eu tsawrganr hawr-eu, tiqbyan tiqlof yawduq baw-awr ghovshaw nya-eu jeq kharsanr-eu dawqtawv luf-anr bi za’mawf mir-a.

1 Tiˆmoˇseˬ 2:6

Aqyawf-aq, tsawrhaq yawqghaq navluf-anr zeurkhof-eu laer aqyawf-euq mawrdo lawrnaeq-euq mae. Aryamq tsaqlar ngae, garkawv khoer bisiq bimawr laf-euq mae.

Tiˇtuˆ 2:14

Aqyawf-euq mawrdo lawrnaeq-euq khoer-aq, zanrdawq-anr leur-eu yawqjeq navluf-anr nae aqdui-anr kakhof naeqlaf-awr, aqyawf-euq gharduq aqdui-anr lavmuiq lavshawr-awr, yawmuiq jeq mr-eu gar nuima keuv duidui-eu aqyawf-euq tsawrjeuq bipyeuf-eu gharduq mae.

Tiˇtuˆ 3:6

Aqdui-euq Kakhof-eu ghaq pyeuf-eu Yeqsur Kali-anr ghoe-awr, Miqyaer, aqdui-euq khoertav Yawshawr Saflar tiqbyanni shaevdav naeqle-euq mae.

HeˬByehˇ 9:22

Zanrdawq aertaq-euq lof-aer nar-aq, yawqjeq navluf aerghaqni, shiq nae yashawr-eu mae. Shiq dov-eu jeq maqjav nar-aq, iqbax pyaeq-eu jeq maqjav-a.

1 Beˬtuˆluˆ 2:24

Aqdui iqbax-anr shirtsaev tsaev-awr, tsaq-awr dawr-eu jeq-euq gharduq daefni, Kali-euq mawrdo-euq lafkhoer aqdui-euq iqbax pi-awr, darkawq lafyaq-euq khoertav shirdan-euq mae. Aqyawf nae ya’nar-euq markhaeq-euq baqda’nae, nawmaf taqler-euq mae.

1 Beˬtuˆluˆ 3:18

Aqjeq mirnae aernar-aq, Kali khawf iqbax-euq gharduq shaqzanq tiq pov daq-euq mae. Maqtsaq maqdawr-eu tsawrhaq-euq gharduq, tsaq-awr dawr-eu ghaq yadaq-euq mae. Aqyawf, aqdui-anr Miqyaer-euq maeqshi sheuqlef nya’ni, shiqshaq paw-aq, bi tafsaef-euq khawf, muiq-eu Saflar nae bi ghofdaef lar-euq mae.

1 Yoˇhaˬ 2:12

Ngar gaq-eu zaqdeuq-or! Kali-euq tsawrmyanr baqda’nae, nawmaf-euq iqbax-anr pyaeqnaeq-euq mirnae, ngar, nawmaf-anr sanqbof bofanr lef-eu ma.

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

1 Yoˇhaˬ 4:10

Gaq-eu jeq-aq heulof-aer mae: aqdui, Miqyaer-anr gaq-euq maqngeur-eu, Miqyaer, aqdui-anr gaq-awr, aqdui-euq iqbax tsiqshawr-eu gharduq bi lawrbyan-eu laer aqyawf-euq Zaqyo bi’oe-euq mae.

Panmaeq 14:4

Tsawrhaq heudeuq-aq, zaqmiq aqbur-euq baqda’nae maq lavjawf-euq shawr-eu tsawrhaq mae. Aqyawf maf-aq, Yawrzaq kharir-eu gar cantae-eu, Miqyaer hawr-eu Yawrzaq-anr lawrnaeq-eu awfbae baelar-euq arsiq pyeufni, aqyawf maf-anr tsawrhaqzaq-euq lafkhoer nae kakhofdov taq-euq deuq mae.

Panmaeq 5:9

Aqyawfmaf cardawq yawshuif heulof-aer car-eu mae: “Nawr-aq, yovtaq-euq sanqbof teuyov yur-awr, Jmq diqtaq-euq gheudzae-eu geux-eu mae. Aqjeq mirnae aernar-aq, nawr saef-euq gar yadaq-awr, Nawq-euq shiq nae yawqjeq navluf-euq arjeuq arca, dawqngaeq dawqbav, tsawrhaq hawr-eu tsawrjeuq tsawrca-anr, kakhof-awr Miqyaer-anr bi gawflar naeqlaf-euq mae.