Eˇpeˇsu 1:5 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁵ Miqyaer nuima tsaq-awr nuikhanr shir-eu lof-aer, Yeqsur Kali-anr ghoe-awr nae aqdui, aqyawf-euq zaq pyeuflarni, Miqyaer yawbae ngae nae tserdov taq-euq mae.

Akha

⁵ Miˬyehˇ aˬ dui-ahˇ gaˬ-eu miˇ neh, Yeˬsuˇ Ka li-ahˇ gʼoe-awˇ aˬ dui-ahˇ aˬ yawꞈ-euˬ zaˬ deuˬ bi pyeuꞈ laˇ-eu gʼaˇ duˬ noeˬ tsehˆ taˬ-euˬ meh. Kʼoeˇ loꞈ-ehˇ bi pyeuꞈ laˇ-eu gʼaˇ duˬ aˬ yawꞈ laˬ kʼaˬ cehˇ-awˇ noeˬ tmˬ taˬ-euˬ meh.

Eˇpeˇsu 1:5 ပူးပေါင်းရင်းမြစ်များ

Maꞈtehˬ 1:25

Aerkhawf, zaq khoerghaq maqciq-euq khoerkeuvni, Maqliv naeq-aer maq yuftaf-aq. Huqbaw zaqyo khoerghaq daefle-awr, aqyawf-anr Yeqsur laer myanrnaeq-euq mae.

Maꞈtehˬ 11:26

Aqda-or! Heu-aq, nawr nuima tsaq-eu jeq pyeuf-eu mae.

Luˇkaꞈ 10:21

Khoerngae, Yeqsur, Yawshawr Saflar-euq baqda’nae laqkhaq caer-awr heulof-aer aer-eu mae: “Mq hawr-eu mir-euq Yawsanr pyeuf-eu Aqda-or! Ngar, nawq-anr jaceuq ma. Aqjeq mirnae aernar-aq, nawr, zaqsiq tsawrganr anr-eu tsawrhaq hawr-eu noeqdanr doe-eu tsawrhaq-anr nae garkawv heudeuq zaftaq-awr, zaqnanq deuq-anr panmaeq naeq-euq mae. Aqda-or! Heu-aq, nawr nuima tsaq-eu jeq pyeuf-eu mae.

Luˇkaꞈ 11:32

Yarkhaqdar ngae nan, Nirnaqbeq meuq-anr jawr-eu tsawrhaq deuq, heuzir-euq tsawrhaq naeq-aer turla-awr, aqyawfmaf laeqbymr bi tawvni darnaeq taef-a. Aqjeq mirnae aernar-aq, Yornav dawqmaeq maeq-eu gar aqyawfmaf yagaq ngae, iqbax noeqpov noeqpar-euq mae. Hawsher-eq. Yornav navmaqtser huiqdzaeq-eu ghaq heugar jawrluf ma.

Luˇkaꞈ 12:32

“Yawr yawrmaf mafzaq-or! Taqguv. Aqjeq mirnae aernar-aq, nawmaf-euq Aqda-aq, aqyawf-euq mirkhanq, nawmaf-anr nuikhanr tiqshir bifmawf-eu mae.

Yoˇhaˬ 1:12

Aerkhawf, aqyawf-anr hageuf-awr, aqyawf-euq tsawrmyanr-anr kharjan-eu tsawrhaq-anr aqyawf, aqyawf maf-anr aryaq bif-awr, Miqyaer-euq zaq bi pyeuflar-eu mae.

Yoˇhaˬ 11:52

Tsawrjeuq khoerjeuq-euq gharduq taef-aer maqngeur-a. Aerkhawf, jawrbyav taq-euq Miqyaer-euq zaqdeuq, tiq mur taef-aer pyeuflarni aqyawf lavuiq-eu mae.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Gʼaˬkʼehˇ 13:48

Aqcawq tsawrjeuq tsawrca deuq, dawq khoerdawq-anr yagaq ngae, laqkhaq caertavni Sanqpaq Miqyaer-euq dawq-anr ciqhuiq ciqmanr-eu mae. Li-eu maqbawni daef-eu jeq za-eu gharduq kharbi tserdov taq-euq deuq, Kali-anr janlar-euq mae.

Lormav 8:23

Khar baetaq-euq deuq taef-aer maqngeur-aer, muiq-eu Saflar-euq arsiq siqbae baele-euq aqdui khawf, aqdir aqyawf-euq zaq pyeuflar-awr, aqdui-euq mawrdo heu kakhof-eu jeq za-eu gar nuima keuv-awr lofluf ngae, yawqha-euq nuima-euq lafkhoer yawqha manrluf-eu ma.

1 Gawˇliˬtu 1:1

Miqyaer nuima tsaq-awr, Yeqsur Kali-euq ghaqkhaer bigeuf-eu laer kurtaq-euq, Pawrluv hawr-eu maernmr Surdeq nga’nyaf,

1 Gawˇliˬtu 1:21

Miqyaer, aqyawf-euq zaqsiq tsawrganr-euq lafkhoer noeqtsaev taq-euq lof-aer nar-aq, mirtsaqzaq, yawqha-euq zaqsiq tsawrganr-anr ghoe-awr nae Miqyaer-anr siqnya larni maqngeur-a. Zaqsiq tsawrganq maqanr-eu gar dur-eu, guiqlanqdawq maeq-eu gar jan-eu tsawrhaq deuq-anr kakhof-eu Miqyaer nuikhanr shir-eu mae.

2 Gawˇliˬtu 6:18

“Ngar, nawmaf-euq Aqda pyeuf-awr, Nawmaf-aq, ngaq-euq zaqmiq hawr-eu zaqyo pyeuflar taef-a laer, Baoq huiq duidui-eu Sanqpaq Miqyaer aer-eu mae.” (2Sml 7:8,14)

Gaˬlaˬtiˆ 3:26

Jan-eu mirnae, nawmaf yawqghaq navluf, Yeqsur Kali-euq lafkhoer Miqyaer-euq zaq pyeuflar-euq mae.

Eˇpeˇsu 1:11

Aqdui khawf Kali-euq lafkhoer jeqbir of-eu tsawrhaq pyeuflar-euq ma. Miqyaer-euq arpyar jav-eu lof-aer, aqyawf yawbae ngae nae tserdov taq-awr, dawqtawv luf-euq lafkhoer aqyawf nuinoeq nuidur jav-awr nuima tsaq-eu lof-aer mr-euq mae.

Eˇpeˇsu 1:9

Miqyaer, aqyawfghaq nae noeqtsaev taq-euq jeq, aqyawf nuikhanr shir-eu mirnae, zaftaq-euq aqyawf nuima tsaq-eu jeq aqdui-anr bi siqnya naeqlaf-euq mae.

Piˇliˇpiˆ 2:13

Aqjeq mirnae aernar-aq, Miqyaer nuikhanr shir-eu lof-aer, nawmaf mrmawf-eu nuima anrlar-awr mrnya’ni, Miqyaer, nawmaf-euq lafkhoer gar mrluf-eu mae.

Gawˇlawˇsehˇ 1:19

Aqjeq mirnae aernar-aq, aqyawf-euq lafkhoer byan-eu jeq dawqtawvluf byan-eu gar, Aqda nuikhanr shir-eu mae.

2 Teˇsaˬloˇni 1:11

Khoermirnae, aqdui-euq Miqyaer, nawmaf-anr kur-euq gar geux-awr, aqyawf-euq baoq baqda’nae nawmaf mrmawf-eu yawmuiq yawqjeq navluf hawr-eu jan-awr, mr-euq dawqtawvluf bi pyeuflarni, nga’maf aqmyanluf nawmaf-euq gharduq guiqlanq sharluf-eu ma.

HeˬByehˇ 2:4

Miqyaer, aqyawf nuima tsaq-eu lof-aer bisiq bimawr-eu jeq, zanqler paq-aer ghae-eu jeq hawr-eu khavjeq-aer ghae-eu jeq ghawqmya jeq mr-awr, Yawshawr Saflar-euq lafsawq bizmq-eu lafkhoer sarkir kamqnaeq laf-euq mae.

1 Yoˇhaˬ 3:1

Aqda Miqyaer, aqdui-anr arnavni gaq-eu nga laer sharnoeqhaw sher-eq. Aqdui-anr Miqyaer-euq zaq laer kurnaeq laf-euq mae. Mirtsaqzaq, aqyawf-anr maq siqnya-eu mirnae, aqdui-anr khawf maq siqnya-a.

Panmaeq 21:7

Ghaqler-euq tsawrhaq-aq, jeqbir dawqtawvluf za taef-a. Ngar, aqyawf-euq Miqyaer pyeuf-awr, aqyawf, ngaq-euq zaq pyeuf taef-a.