Eˇpeˇsu 1:3 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³ Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf, mqtav mirkhanq-anr jav-eu saflar paw-euq guiqlanq yawqjeq navluf, Kali-euq lafkhoer aqdui-anr bifnaeq laf-euq mae.

Akha

³ Aˬ dui-euˬ Sahˬpaˬ Yeˬsuˇ Ka liˬeuˬ Aˬda pyeuꞈ-eu Miˬyehˇ-euˬ guiˬ lahˬ-ahˇ ja ceuˬ kaˇ-euˇ. Aˬ jeˬ miˇ neh ehˇ naˇ, mˬ taˆ miˇ kʼahˬ-ahˇ jaˆ-eu saꞈ laˇ paw-euˬ guiˬ lahˬ yawˬ jeˬ na luꞈ, Yeˬsuˇ Ka li laꞈ kʼoeˇ aˬ dui-ahˇ aˬ yawꞈ biꞈ laꞈ-euˬ meh.

Eˇpeˇsu 1:3 ပူးပေါင်းရင်းမြစ်များ

Jaceuq 134:3

Mq hawr-eu mir-anr bae-euq Ya’we Miqyaer, Ziroq-anr nae nawmaf-anr guiqlanq bif luf-ur!

Jaceuq 72:17

Aqyawf-euq tsawrmyanr li-eu maqbawni zif-awr; Nanrma kharbya-eu khoerkeuvni, aqyawf-euq tsawrmyanr javtsaflef taef-a. Tsawrhaqzaq, aqyawf-euq lafkhoer guiqlanq za-awr; Mirkhanq-euq tsawrjeuq dawqtawvluf, aqyawf-anr guiqlanq huiq-eu ghaq laer kur taef-a.

Jaceuq 72:19

Yawshaef khanqsaer huiq-eu aqyawf-euq tsawrmyanr-anr, Mqmaq maqbyav yarzir jaceuq-awq! Aqyawf-euq yawshaef khanqsaer mirtsaq tanqkhawr dawqtawv luf-euq khoertav byan luf-ur. Aqmeq. Aqmeq.

Luˇkaꞈ 2:28

Khoerngae, Surmoq, zaqnanq ciq-awr, Miqyaer-anr jaceuq jaceuq-aer heulof-aer aer-eu mae:

Yoˇhaˬ 14:20

Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 17:21

Nawq nae ngaq-anr khaerghae lef-euq ngar-a laer mirtsaqzaq janlarni, Aqda-or! Nawr, ngaq-euq lafkhoer jawr-awr, ngar, nawq-euq lafkhoer jawr-eu lof-aer, aqyawfmaf dawqtawvluf nuima tiqsiq taef-aer taqnya larni, aqyawfmaf, arnyaf-euq lafkhoer bijawr-awq.

Yoˇhaˬ 20:17

Yeqsur, aqyawf-anr heulof-aer aernaeq-euq mae, “Ngaq-anr taq gheutaeq. Aqjeq mirnae aernar-aq, ngar, ngaqDa jawr-eu gar maq ghofdav ler-aq siq. Nawr, ngaq-euq aqyuif aqnyir deuq jawr-eu gar le-awr nae, ‘NgaqDa hawr-eu nawmaf-euq Aqda pyeuf-awr, ngaq-euq Miqyaer hawr-eu nawmaf-euq Miqyaer khawf pyeuf-eu, ngaqDa jawr-eu gar ngar ghofdavler ma’ jer laer aernaeq ler-awq.”

Lormav 12:5

Khoerlof-aer durni, aqdui tsawrhaq yawmyaq khawf, Kali-euq lafkhoer mawrdo tiq do taef ma. Aqdui tiqghaq tirghaq-euq arsaer pyeuf-eu ma.

Lormav 15:6

Heu-euq baqda’nae, nawmaf nuima tiqgar taf-awr, khaqmae tiq mae lof-aer, aqdui-euq Sanqpaq Yeqsur Kali-euq Aqda Miqyaer-anr ciqhuiq ciqmanr luf-ur.

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 12:12

Mawrdo tiq do taef khawf arsaer ghawqmya’ni tsof-eu mae. Mawrdo-euq arsaer deuq ghawqmya’ni tsof-eu khawf, dawqtawvluf mawrdo tiq do taef-aer pyeuf-eu lof-aer, Kali khawf khoerlof-aer dur-eu mae.

2 Gawˇliˬtu 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf-aq, ghawqshaq gaqnya-eu Aqda pyeuf-awr, yawqjeq navluf-euq lafkhoer nuima bi sarlar-eu Miqyaer mae.

2 Gawˇliˬtu 11:31

Ngar jaqmyawf myawf-eu maqngeur-a laer, mqmaq maqbyav yarzir guiqlanq huiq-eu Sanqpaq Yeqsur Kali-euq Aqda Miqyaer siqnya mae.

2 Gawˇliˬtu 5:17

Tsawrhaq tiq ghaq, Kali-euq lafkhoer jawr nar-aq, aqyawf, tsawrhaq yawshuif pyeuflar-euq mae. Yawoer dawqtawvluf byovjir-awr, dawqtawvluf yawshuif pyeuflar-euq mae.

2 Gawˇliˬtu 5:21

Kali-aq, iqbax tiqpawf-iq maqanr-eu khawf, aqdui-euq gharduq Miqyaer, aqyawf-anr iqbax bipyeuf-ir-euq mae. Khoermirnae, Kali-euq lafkhoer aqdui, Miqyaer-euq tsaq-awr dawr-eu tsawrhaq pyeuflar-euq ma.

Gaˬlaˬtiˆ 3:9

Khoermirnae, jan-eu jeq anr-eu tsawrhaq-aq, nuijan anr-eu Aqbyaqhaq naeq-aer tiqkawv lof-aer guiqlanq za taef-a.

Eˇpeˇsu 1:10

Zaftaq-euq jeq khoer-aq, aryamq byanlar ngae, mq-euq khoertav hawr-eu mirtsaq-euq khoertav kharjawr kharjav-eu dawqtawvluf, Kali-euq lafkhoer taef-aer bigawf bi bawvlar-eu laer mae.

Eˇpeˇsu 1:17

Aqdui-euq Sanqpaq Yeqsur Kali-euq Miqyaer pyeuf-eu, yawshaef khanqsaer-euq Aqda, nawmaf-anr zaqsiq tsawrganr hawr-eu panmaeq-eu Saflar bifnaeq-awr, aqyawf-anr siqnya-eu tsawrganr anrlarni, ngar guiqlanq sharluf-eu ma.

Eˇpeˇsu 1:20

Aqyawf-euq baoq khoer Kali-euq lafkhoer gar mr ngae, aqyawf-anr shir-euq gar nae bi ghofdaef lar-awr, mq-euq khoertav, Miqyaer, Kali-anr aqyawf-euq armar paw binuir-euq mae.

Eˇpeˇsu 2:6

Miqyaer, aqdui-anr Kali naeq-aer tiqkawv lof-aer bi ghofdaef lar-awr, Yeqsur Kali-euq lafkhoer, mq-euq khoertav aqyawf naeq-aer tiqkawv lof-aer binuir naeqlaf-euq mae.

Eˇpeˇsu 3:10

Khoer-aq, nymq-mr Kalizaq armur-anr ghoe-awr, Miqyaer-euq zaqsiq tsawrganr ghawqmya jeq, mq-euq khoertav-euq mqsanr deuq hawr-eu mq-euq khoertav-euq aryaq jav-eu deuq-anr bisiq-eu laer laeqhmq taq-euq mae.

Eˇpeˇsu 6:12

Aqjeq mirnae aernar-aq, aqdui guirdeuv deuv-eu-aq, shiq hawr-eu shaqjir-anr deuvluf-eu maqngeur. Aqdui heudeuq-anr deuvluf-eu ma, mqsanr deuq, aryaq deuq, mirtsaq yawzanr-euq khoertav baoq jav-eu deuq hawr-eu, mq-anr jawr-eu yawcawv-euq saflar deuq-anr deuvluf-eu ma.

Piˇliˇpiˆ 2:11

Khoeruqtaf, Aqda Miqyaer-euq yawshaef khanqsaer za’ni, maeqlar yawqlar navluf, Yeqsur Kali-aq, Sanqpaq Miqyaer mae laer ya aerdov taef-a.

HeˬByehˇ 8:5

Aqyawfmaf mrluf-eu khoer-aq, mq-euq khoertav mr-eu jeq-euq narshmr hawr-eu arbar lovni taef mae. Morseq saqpar saeqghawv ghawv-eu laer ghae ngae, Miqyaer, Morseq-anr heulof-aer aernaeq-euq mae, “Yawqjeq navluf gawqjawq-euq khoertav nawq-anr bimawr-euq arbar lof-aer durni, yawmuiq-aer ghawv-awq.” (Di 25:40)

HeˬByehˇ 9:23

Khoermirnae, mq-euq khoertav jav-eu keuka deuq-euq arbar pyeuf-eu mrmyawq-anr khawf, heudeuq nae yashawr-eu ngeur nar-aq, mq-euq khoertav-euq mrmyawq keuka-aq, heudeuq navmaqtser muiq-eu lawrnaeq-eu jeq nae ya lavshawr-eu mae.

1 Beˬtuˆluˆ 1:3

Aqdui-euq Sanqpaq Yeqsur Kali-euq Aqda Miqyaer-anr jaceuq kar-eur. Aqyawf ghawqshaq gaq-eu jeq myaq duidui-eu lafkhoer, Yeqsur Kali shir-euq gar nae ghofdaef lar-euq gar ghoe-awr, aqdui-anr daef-eu noeqtmq-eu jeq bi za’ni, aqdui-anr bi daefparlar naeqlaf-euq mae.