Dawqdaq 9:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Ya’we Miqyaer-anr guv-eu jeq-aq, Zaqsiq tsawrganr-euq ardanq baeduq mae. Yawshawr ghaq-anr siqnya-eu tsawrganr anr-eu-aq, Ghovshaw nya-eu jeq pyeuf-eu mae.

Akha

¹⁰ Sahˬpaˬ Miˬyehˇ-ahˇ guˆ-eu jeˬ-aˬ, zaˬ siˬ tsawˇ gahˇ-euˬ dawˬ pehˬ duˬ puˇ meh. Muiˬ-eu shawˇ-eu Gʼaˬ-ahˇ siˬ nya naˇ, noeˬ siˬ noeˬ mawˇ nya-eu jeˬ za-eu meh.

Dawqdaq 9:10 ပူးပေါင်းရင်းမြစ်များ

Jaceuq 111:10

Ya’we Miqyaer-anr guv-eu jeq-aq, zaqsiq tsawrganr-euq ardanq baeduq mae. Aqyawf-euq zanrdawq khofdawq-anr khar mrcaw-eu tsawrhaq deuq-aq, Yawmuiq-aer ghovshaw nya-eu tsawrhaq mae. Aqyawf-anr jaceuq-eu jeq mqmaq maqbyav yarzir gmq taef-a.

Jaceuq 34:12

Yawmuiq jeq ya’mawrni, arnan aryamq-anr gaq-awr, daefzir za’mawf-eu aqsur ghaq le?

Dawqdaq 1:7

Ya’we Miqyaer-anr guv-eu jeq-aq, siqnya-eu tsawrganr-euq ardanq baeduq mae. Aerkhawf, aqdzawq argan-aq, zaqsiq tsawrganr hawr-eu maeqdawq tsovdawq-anr hawdoer-eu mae.

Dawqdaq 2:5

Arsaq saqlar ngae, nawr, Ya’we Miqyaer-anr guv-eu jeq-anr ghovshawnya lar-awr, Miqyaer-euq siqnya-eu tsawrganr-anr povmawr taef-a.

Dawqdaq 30:3

Ngar, zaqsiq tsawrganr maqya dzawhaw-aer, Yawshawr ghaq-euq garkawv-anr taf-eu siqnya-eu tsawrganr khawf maqanr nya.

Maꞈtehˬ 11:27

Yawqjeq navluf ngaqDa nae ngaq-anr a’naeq laf-euq mae. Aqda Miqyaer maqngeur nar-aq, Zaqyo-anr tiqghaq-iq maq siqnya-a. Zaqyo hawr-eu Zaqyo panmaeqnaeq mawf-eu tsawrhaq maqngeur nar-aq, Aqda Miqyaer-anr tiqghaq-iq maq siqnya-a.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.