Dawqdaq 8:18 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁸ Smrmuiq muiq-eu jeq hawr-eu taqhuiq taqmanr-eu jeq, ngaq naeq-aer jav-awr, Zif-awr gmq-eu smrmuiq muiq-eu jeq hawr-eu tsaq-awr dawr-eu jeq khawf, ngaq naeq-aer jav-eu mae.

Akha

¹⁸ Pyuˇ shuiˇ myawˬ gahˬ hawˇ-eu tsawˇ myahˇ doˆ-eu jeˬ ngaˇ biꞈ nya-awˇ, tsawˇ ziˇ gmˬ-eu baw le za le-eu jeˬ, ngaˇ jawˇ gaˇ jaˆ-eu ma.

Dawqdaq 8:18 ပူးပေါင်းရင်းမြစ်များ

Jaceuq 112:3

Aqyawf-euq nymr-euq lafkhoer pyurshuir myawqganq javlar-awr smrmuiq smrbaw bawlar-awr; Aqyawf-euq tsaq-awr dawr-eu jeq mqmaq maqbyav yarzir zif taef-a.

Jaceuq 36:6

Nawq-euq tsaq-awr dawr-eu jeq-aq, Zawr huiq-eu gawqjawq deuq lof-aer dur-awr; Nawr yarkhaq dar-eu jeq-aq, zawr naf-eu mae; Ya’we Miqyaer-or! Tsawrhaqzaq hawr-eu jeqzaq deuq-anr, Nawr, ngaeqghae luf-eu mae.

Dawqdaq 11:4

Miqyaer nuima paer-eu arnan keuvle ngae, Pyurshuir myawqganq gardanr maqtsoeq-a. Aerkhawf, tsaq-awr dawr-eu jeq-aq, Shir-eu jeq-anr nae bibuq-ir nya-eu mae.

Dawqdaq 24:4

Siqnya-eu tsawrganr-euq baqda’nae, Nymr-euq arlawv deuq-euq lafkhoer, Arpoeq khav-awr hawmuiq-eu myawqganq deuq yurbyan taq-euq mae.

Dawqdaq 3:16

Zaqsiq tsawrganr-euq armar laf-anr zirbaw zirza-eu jeq anr-awr, Arcar laf-anr smrmuiq muiq-eu jeq hawr-eu taqhuiq taqmanr-eu jeq anr-eu mae.

Maꞈtehˬ 6:33

Nawmaf, Miqyaer uvlanr-eu jeq hawr-eu aqyawf-euq tsaq-awr dawr-eu jeq-anr jeqhu pov-awq. Khoerdeuq dawqtawvluf, aqyawf, nawmaf-anr biflanq naeqlaf taef-a.

Luˇkaꞈ 10:42

Aerkhawf, mawf-eu-aq tiqjeq jav-eu taef mae. Maqliv-aq, aqcawq maq ludov nya-eu muiqdzaeq-eu khoerjeq-anr tsergeuf-euq mae.”

Luˇkaꞈ 12:33

Nawmaf-euq myawqganq anqdzae-awr, aqcawq-anr gamfnaeq-awq. Yawqha-euq gharduq maqpeuq-ir nya-eu pyur pawqbaev guftaq-awr, maq zmqjir nya-eu pyurshuir myawqganq, mq-euq khoertav povuiq taq-awq. Khoergar-aq, smrkhoeq maq lepae nya-aer, boeq khawf maq dzaqler nya-a.

2 Gawˇliˬtu 6:10

Noeqshaq-eu gar dur-eu khawf, aqmyanluf laqkhaqcaer luf-eu ma. Irshaq shaq-eu tsawrhaq-anr dur-eu khawf, tsawrhaq ghawqmya ni-anr smrmuiq bi muiqlar-eu ma. Tiqjeq-iq maqjav-eu gar dur-eu khawf, yawqjeq navluf jav-eu tsawrhaq ma.

Eˇpeˇsu 3:8

Kali-euq lafkhoer anr-eu, maq povmawr jircoerni sanr-eu guiqlanq deuq, aqcawq tsawrjeuq tsawrca-anr dawqmaeq bimaeq-ir-eu gharduq, tsawrshawr dawqtawv luf-anr nae teqdzaeq dzaeq-eu ghaq pyeuf-eu ngaq-anr, guiqlanq yawdzanr khoer bifnaeq laf-euq mae.

Piˇliˇpiˆ 4:19

Yeqsur Kali-euq lafkhoer anr-eu Miqyaer-euq yawshaef khanqsaer sanr-eu gar geuxni, nawmaf kharmawf-eu yawqjeq navluf bifnaeqlaf taef-a.

Yaˬkoˆ 2:5

Ngar zawr gaq-eu aqyuif aqnyir deuq-or! Narhaq sher-eq. Miqyaer, mirtsaq-euq khoertav jawr-eu irshaqzaq-anr jan-eu paw smrmuiq muiqlarni, aqyawf maf-anr tserdov-awr aqyawf-anr gaq-eu tsawrhaq jeqbir of-awr, Miqyaer uvlanr-eu lafkhoer bijawr ma laer sarjax dzaqtaq-euq tsawrhaq maqngeur-a lor?

Panmaeq 3:18

Ngar, nawq-anr maeqbawq bifnaeq nyar. Nawr smrmuiq muiqlarni, ngar jawr-eu gar miqdzaq nae kharshawr taq-euq shuir zeurlar-awq. Nawr nermyawvni shafdawrlar paq-aer jawr-eu gar aqcawq maqya hawmawrni, maeqtsoeq yawpyur zeurdm lar-awq. Khoeruqtaf, nawq-euq myavnuiv mawrnya larni, myavnuiv-anr laef-eu javghaq zeurlar-awq.