Dawqdaq 7:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ngaq-euq zaqyo-or! Ngaq-euq dawqdeuq jeqhmq-awr, Ngaq-euq khaerdawq, nawq-euq lafkhoer juiruiq taq-awq.

Akha

¹ Ngaˬ li-oˇ, ngaˬ neh kʼaˇ ehˇ-euˬ jeˬ juiˇ uiˬ taˬ-awˬ. Pyuˇ shuiˇ jeˬ hmˬ taˬ-eu loꞈ-ehˇ, ngaˬ neh mehˬ nehˬ tsoˆ nehˬ-euˬ dawˬ deuˬ jeˬ hmˬ taˬ-awˬ.

Dawqdaq 7:1 ပူးပေါင်းရင်းမြစ်များ

Dawqdaq 1:8

Ngaq-euq zaqyo-or! Nawqda-euq maeqdawq tsovdawq-anr narhaq geuf-awr; Nawqma-euq zanrdawq-anr taqbyaer.

Dawqdaq 10:14

Tsawrganr anr-eu tsawrhaq-aq, Siqnya-eu tsawrganr jeqhmq taq-eu mae. Aerkhawf, aqdzawq argan-euq khaqmae-aq, Lavcawv-eu jeq-euq dawqpae jav-eu mae.

Dawqdaq 3:1

Ngaq-euq zaqyo-or! Ngaq nae maeqnaeq tsovnaeq-euq zanrdawq-anr maqngaer-aer, Nawq-euq nuima, ngaq-euq khaerdawq jeqhmq taq-awq.

Dawqdaq 4:21

Dawq khoerdeuq nawq-euq myavnuiv-anr nae maqbi candzeur-aer, Dawq khoerdeuq, nawq-euq nuima-euq lafkhoer juiruiq taq-awq.

Dawqdaq 5:5

Aqyawf-euq aqkuir, shir-eu mirkhanq-anr irka-awr, Aqyawf-euq kuirtof shiqbuir lanma-anr dawrcoeni can’ghae-eu mae.

Dawqdaq 6:20

Ngaq-euq zaqyo-or! Nawqda-euq khaerdawq jeqhmq-awr, Nawqma-euq zanrdawq-anr taq byaerdzae.

Dawqdaq 6:35

Aqgeu jeq tsoeqkhofnaeq khawf, aqyawf maq hageuf-aer, Nawr lafsawq armyavni bifnaeq khawf, aqyawf-anr maq lavnaq nya-a.

Luˇkaꞈ 11:28

Khoerngae, Yeqsur aer-eu, “Khoernav maqtser, Miqyaer-euq dawq yagaq-awr mrcaw-eu tsawrhaq-aq, guiqlanq huiqdzaeq-eu mae.”

Luˇkaꞈ 8:15

Mirtsaq mirmuiq-anr ga-ir-euq deuq-aq, Miqyaer-euq dawq yagaq ngae, dawrcoeni ghae-eu nuima hawr-eu nuima yawmuiq anr-eu lafkhoer, zifdanni nyaeftaeq taq-awr, oror-aer arsiq siqle-eu mae.

Yoˇhaˬ 14:23

Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 15:20

‘Zaqkhav-aq, yawqha-euq yawsanr navmaqtser maq huiqdzaeq-a’ laer ngaq nae nawmaf-anr aernaeq-euq dawq-anr taqngaer. Aqyawfmaf, ngaq-anr khaeqlar khavlar nar-aq, nawmaf-anr khawf khaeqlar khavlar taef-a. Aqyawfmaf, ngaq-euq dawq-anr mrcaw nar-aq, nawmaf-euq dawq-anr khawf mrcaw taef-a.

Panmaeq 1:3

Miqyaer gharduq ngaeqdan-eu dawq heudeuq-anr gui-eu tsawrhaq, yagaq-eu tsawrhaq hawr-eu mrcaw-eu tsawrhaq-aq, guiqlanqhuiq taef-a. Aqjeq mirnae aernar-aq, aryamq keuvle shaw-iq mae.

Panmaeq 22:9

Khoerngae, aqyawf, ngaq-anr aernaeq laf-eu, “Hawsher-eq! Nawr teulof-aer taqjanr. Ngar khawf nawq-euq aqyuif aqnyir pyeuf-eu Miqyaer gharduq ngaeqdan-eu tsawrhaq hawr-eu, sanqbof heudmq-euq lafkhoer boftaq-euq dawqdeuq-anr mrcaw luf-eu tsawrhaq deuq lof-aer kuirlaf zaqkhav geufluf-eu, nawq-euq cawq ma. Miqyaer-anr uqduq tanq-awq.”